సెప్టెంబ‌ర్ నాటికి ముగియ‌నున్న ఎయిర్ ఇండియా అమ్మకం..?!

ఎయిర్ ఇండియా అమ్మకం వ‌చ్చే సెప్టెంబ‌ర్ నాటికి ముగిసే అవ‌కాశాలు క‌నిపిస్తున్నాయి.

న్యూఢిల్లీ: ఎయిర్ ఇండియా అమ్మకం వ‌చ్చే సెప్టెంబ‌ర్ నాటికి ముగిసే అవ‌కాశాలు క‌నిపిస్తున్నాయి. ఆర్థిక బిడ్లను ఆహ్వానించే ప్రక్రియను ప్రభుత్వం ప్రారంభించిందని కేంద్ర ప్ర‌భుత్వ‌ వర్గాలు తెలిపాయి. గత ఏడాది డిసెంబర్‌లో ఎయిర్ ఇండియాను కొనుగోలు చేయడానికి ప్రాథమిక బిడ్లు పెట్టిన బహుళ‌ సంస్థల్లో సాల్ట్-టు-సాఫ్ట్‌వేర్ సమ్మేళనం టాటా గ్రూప్ ఒకటి.

ప్రాథమిక బిడ్లను విశ్లేషించిన తరువాత అర్హత కలిగిన బిడ్డర్లకు ఎయిర్ ఇండియా వర్చువల్ డాటా రూమ్ (వీడీఆర్) కు ప్రవేశం కల్పించనున్నారు. దీని తరువాత పెట్టుబడిదారుల ప్రశ్నలకు సమాధానం లభిస్తుంద‌ని ఆ వర్గాలు తెలిపాయి.

ఈ లావాదేవీ ఇప్పుడు ఫైనాన్షియల్ బిడ్ల దశకు చేరుకుందని, ఈ ఒప్పందం సెప్టెంబర్ నాటికి ముగుస్తుందని భావిస్తున్నారు. 2007 లో దేశీయ ఆపరేటర్ ఇండియన్ ఎయిర్‌లైన్స్‌తో విలీనం అయినప్పటి నుంచి నష్టాల్లో ఉన్న ఎయిర్ ఇండియాలో మొత్తం 100 శాతం వాటాను ప్రభుత్వం విక్రయించాల‌ని నిర్ణ‌యించింది.

క‌రోనా మహమ్మారి వ్యాప్తి నేప‌థ్యంలో వాటా అమ్మకం ప్రక్రియ ఆలస్యమైంది. ప్రాథమిక బిడ్లను సమర్పించడానికి ప్రభుత్వం గడువును ఐదు రెట్లు పొడిగించింది.

1932 లో మెయిల్ క్యారియర్‌గా ప్రారంభమైన ఎయిర్ ఇండియా.. దేశీయ విమానాశ్రయాల్లో 4,400 దేశీయ, 1,800 అంతర్జాతీయ ల్యాండింగ్, పార్కింగ్ స్లాట్‌లతో పాటు విదేశాల్లోని విమానాశ్రయాల్లో 900 స్లాట్లపై విజయవంతమైన బిడ్డర్ నియంత్రణను ఇస్తుంది.

అంతేకాకుండా, బిడ్డర్‌కు 100 శాతం తక్కువ ఖర్చుతో కూడిన ఎయిర్ ఇండియా ఎక్స్‌ప్రెస్, 50 శాతం ఐసాట్స్ లభిస్తాయి. ఇది ప్రధాన భారతీయ విమానాశ్రయాల్లో కార్గో, గ్రౌండ్ హ్యాండ్లింగ్ సేవలను అందిస్తుంది.

ఇవి కూడా చదవండి..

కొవిడ్ అంతానికి చాలా సమయం పడుతుంది: డ‌బ్ల్యూహెచ్ఓ

భార‌తీయుల‌కు నూత‌న సంవత్స‌ర శుభాకాంక్ష‌లు తెలిపిన అమెరిక‌న్ సింగ‌ర్

ఆండ్రాయిడ్‌ స్మార్ట్‌ఫోన్‌లో ఈ యాప్‌ ఇన్‌స్టాల్ చేయ‌కండి..!

గ్రీన్ కార్డుల కోసం కేపిట‌ల్‌ హిల్ వ‌ద్ద భార‌త వైద్యుల ఆందోళన‌‌

టిబెట్ స‌రిహ‌ద్దుల్లో 5 జీ నెట్‌వర్క్ విస్తరిస్తున్న చైనా

రెండేండ్ల‌లో పెరిగిన‌ బంగారం దిగుమతి

టీకా వేసుకోండి.. ఎక్కువ వ‌డ్డీ పొందండి..!

మ‌ధ్య‌ప్ర‌దేశ్‌లో ఆక్సిజ‌న్ కొర‌త‌.. ఒకేరోజు న‌లుగురు మృతి

జ‌లియ‌న్ ‌వాలా బాగ్ మార‌ణ‌కాండ‌.. బ్రిటిష‌ర్ల దురాగ‌తానికి 102 ఏండ్లు.. చ‌రిత్ర‌లో ఈరోజు

తాజా వార్తల కోసం నమస్తే తెలంగాణ ఫేస్‌బుక్‌ , ట్విటర్‌, టెలిగ్రామ్‌ ను ఫాలో అవండి..