Visit:
Deeksha Divas | హనుమకొండ చౌరస్తా, నవంబర్‌ 29 : కాంగ్రెస్ పార్టీ ముమ్మాటికి తెలంగాణ ద్రోహిని బీఆర్‌ఎస్ ప్రతిపక్ష నేత, ఎమ్మెల్సీ సిరికొండ మధుసూదనచారి అన్నారు. ఉద్యమనేత కేసీఆర్ 2009 ఆమరణ దీక్షను పురస్కరించుకొని హనుమకొండలోని కాళోజీ విగ్రహం వద్ద దీక్షా దివస్ కార్యక్రమాన్ని శనివారం బీఆర్‌ఎస్ హనుమకొండ జిల్లా అధ్యక్షుడు దాస్యం వినయ్‌భాస్కర్‌ ఆధ్వర్యంలో నిర్వహించారు.
ఈ కార్యక్రమంలో ముఖ్యఅతిథిగా పాల్గొన్న మధుసూదనచారి మాట్లాడుతూ.. ఏనాడు జై తెలంగాణ అనని పాపాల రేవంత్‌రెడ్డి ముఖ్యమంత్రి అయ్యాడు. ఆ దుర్మార్గుడిని, విఘాతం కలిగించే కాంగ్రెస్ శక్తులను ప్రజలు చీల్చిచెండాలని పిలుపునిచ్చారు.
ఇదే నవంబర్‌ 29, 2009లో తెలంగాణ రాష్ర్ట సాధన కోసం భారతదేశం ప్రపంచానికే ఆదర్శవంతమైన ప్రజాస్వామ్య వ్యవస్థ కాబట్టే ప్రజాస్వామ్య వ్యవస్థలో ప్రజలకు అన్యాయం, అవమానం ఎదురైనప్పుడు వాటి పరిష్కారం కోసం ఈ దేశంలో ఉన్న కళ్ళు తెరిపించడానికి తెలంగాణ రాష్ట్ర పోరాటానికి ఆనాటి వరకు జరుగుతున్న అన్యాయం నుంచి విఘాతం కలిగించడానికి కేసీఆర్ 2001లో తెలంగాణ రాష్ర్ట సమితిని స్థాపించారన్నారు. భారతదేశంలో ఏ రాజకీయ నాయకుడు ఏ పార్టీని స్థాపించనటువంటి సందర్భంలో కూడా చెప్పిన విధానాన్ని, ఎంచుకున్న మాట విప్లవాత్మక రాజకీయ నైపుణ్యం ద్వారా తెలంగాణ రాష్ట్రాన్ని సాధిస్తామన్నారు.
ప్రాణ త్యాగమే అస్త్రంగా..
2009 వరకు తెలంగాణలో జరుగుతున్న అన్యాయాలను తెలంగాణలో ఉన్న ప్రజలందరినీ తెలంగాణ ఆకాంక్ష కోసం ఒక శక్తిగా మారి వరంగల్‌ పట్టణంలో జరిగిన భారీ బహిరంగ సభ నేను ఎప్పుడూ చూడలేదని గుర్తుచేశారు. ప్రజలను హీనమైన, ప్రజాస్వామ్య స్వభావానికి భిన్నమైన ఆలోచనలు ఉన్న కాంగ్రెస్ పార్టీ కుట్రలు ద్వారా స్వాతంత్య్రం ద్వారా తెలంగాణ రాష్ట్రాన్ని సహకారం చేయాల్సిన చారిత్రక బాధ్యతను విస్మరించి బీఆర్‌ఎస్ పార్టీని చీల్చేటువంటి కుట్రలు జరుగుతున్న సందర్భంలో ఒక్క పిలుపు కేసీఆర్ ఇస్తే తెలంగాణ అగ్నికీలలుగా ఎగిసిపడ్డాయి కానీ ఆయన ఎంచుకున్న ప్రజాస్వామ్యవిధంగా, శాంతియుతంగా రాష్ట్రసాధన కోసం నా ప్రాణ త్యాగమే అస్త్రంగా తెలంగాణ రాష్ట్రాన్ని సాధించాలని దీక్షా దివస్ చేపట్టారన్నారు.
ప్రపంచ చరిత్రలో ఏ రాజకీయ నాయకుడు, ఏ సిద్ధాంతకర్త ఉద్యమకారుడు, సామాజిక శాస్త్రవేత్త చేయనటువంటి చరిత్ర చేసిన మహానుభావుడు మన నాయకుడు కేసీఆర్ అని గుర్తుచేశారు. తెలంగాణ అణువణువూ తెలిసి, ప్రజల గోసలను ప్రపంచానికి తెలిపి, స్వరాష్ట్రాన్ని సాధించిన ఉద్యమనేత కేసీఆర్. 4 కోట్ల తెలంగాణ ఆకాంక్షను నెరవేర్చిన కారణజన్ముడు కేసీఆర్
అని గుర్తుచేశారు. తెలంగాణకు జరుగుతున్న అన్యాయాన్ని ఉద్యమం ద్వారా భావజాలవ్యాప్తి చేసి, సకల జనులను ఏకం చేసి, ఉద్యమాన్ని స్వరాష్ర్ట ఏర్పాటు తీరానికి చేర్చిన గొప్ప దార్శనికుడు కేసీఆర్‌ని వివరించారు.
తెలంగాణకు 60 ఏండ్లలో జరిగిన వివక్షతను, అన్యాయాన్ని ప్రజలకు తెలిసేలా చేసి, నాటి పాలకుల మెడలు వంచి తెలంగాణను కొట్లాడి సాధించిన నేత కేసీఆర్ అని గుర్తుచేశారు. ముందుగా తెలంగాణ అమరవీరుల స్థూపానికి పూల మాల వేసి ఘన నివాళులు తెలిపారు. తెలంగాణ తల్లి విగ్రహానికి పూలమాల వేశారు. అనంతరం కాళోజీ విగ్ర హానికి పూలమాలలువేసి నివాళులర్పించారు.
కేసీఆర్ ఉద్యమ ప్రస్థానంలో కొనసాగాను..
60 ఏళ్ల తెలంగాణ కలను సాకారం చేసిన మహనీయుడు కేసీఆర్ అని రాజ్యసభ మాజీ సభ్యుడు కెప్టెన్‌ లక్ష్మీకాంతరావు అన్నారు. కేసీఆర్ పోరాటం వల్లే తెలంగాణ వచ్చింది. కేసీఆర్ ఉద్య మ ప్రస్థానంలో 2001 నుంచి నేటి వరకు కొనసాగాను. నాడు 2009 కేసీఆర్ ఆమరణ నిరాహార దీక్షకు బయలుదేరిన నాడు వెంట ఉన్నాం. కేసీఆర్ ఆమరణ నిరాహారదీక్షకు తెలంగాణ ప్రజలందరు రోడ్లపైకి వచ్చారు. కేసీఆర్ అక్రమ అరెస్ట్‍ను నిరసిస్తూ తెలంగాణ సమాజం ఉద్యమాన్ని వారి భుజాల మీద వేసుకుంది. కేసీఆర్‌ని అరెస్ట్‍ చేసి అక్రమంగా కరీంనగర్‌ నుంచి ఖమ్మం జైలుకు తరలించారు. కేసీఆర్ ఆమరణ నిరాహార దీక్షపై సైతం కుట్రలు చేశారు. 11 రోజులు పాటు ప్రాణాలకు తెగించి, చావు నోట్లో తలపెట్టి తెలంగాణ సాధించారు. నాటి కేంద్రంలోని కాంగ్రెస్ ప్రభుత్వ మెడలు వంచి కేసీఆర్ తెలంగాణను సాధించారు.
14 ఏళ్ల పోరాటం, 10 ఏళ్ల పాలనలో తెలంగాణను దేశంలోనే నెంబర్‌ వన్‌గా నిలిపిన ఉద్యమనేత, బంగారు తెలంగాణ నిర్మాత కేసీఆర్. ఇప్పుడు అధికారంలో ఉన్నవారికి తెలంగాణ ప్రజల ప్రయోజనాలు పట్టడం లేదు. ప్రశ్నించే వారిని బెదిరిస్తున్నారు. ప్రజలకు ఏం చేయలేని పాలకులకు నిదర్శనం నేటి కాంగ్రెస్ సర్కారు. రేవంత్‌రెడ్డిని రెండేళ్ల పాలనలోనే ప్రజలు వ్యతిరేకిస్తున్నారు.
తెలంగాణను కొట్లాడి తెచ్చిన ఉద్యమనేత..
బీఆర్‌ఎస్ హనుమకొండ జిల్లా అధ్యక్షుడు దాస్యం వినయ్‌భాస్కర్‌ మాట్లాడుతూ..
2 ఏండ్ల క్రితం అధికారంలోకి వచ్చిన కాంగ్రెస్ ముఖ్యమంత్రి రేవంత్‌రెడ్డి తెలంగాణ సమాజాన్ని అన్ని రకాల ఇబ్బందులకు గురిచేస్తున్నారు. ప్రజలకు ఇచ్చిన హామీలు నెరవేర్చకపోవడంతో కాంగ్రెస్ పాలనను ప్రజలు వ్యతిరేకిస్తున్నారు. తెలంగాణ ప్రజల 60 ఏళ్ల కలను సాకారం చేసిన నేత కేసీఆర్. 14 ఏండ్ల సుదీర్ఘ పోరాటం చేసి తెలంగాణను కొట్లాడి తెచ్చిన ఉద్యమనేత కేసీఆర్. 10 ఏళ్ల కేసీఆర్, బీఆర్‌ఎస్ పాలనలో తెలంగాణ ప్రజలకు సంక్షేమాన్ని, అభివృద్ధిని అందించిన ఘనత కేసీఆర్.
కేసీఆర్ ఆమరణ నిరాహార దీక్ష, 11 రోజుల ఉధృత ఉద్యమ ఫలితమే డిసెంబర్‌ 9న తెలంగాణ రాష్ర్ట ఏర్పాటు ప్రకటన. కేసీఆర్ సచ్చుడో తెలంగాణ వచ్చుడో అనే రణనినాదంతో తెలంగాణ స్వరాష్ర్ట ఏర్పాటుకు ఉద్యమించిన పోరు పతాకం కేసీఆర్. ఉద్యమకారుల బలిదానాలు, తెలంగాణ సకల జనుల ప్రజానీక పోరాట ఫలితమే తెలంగాణ స్వరాష్ర్టం. సకల జనులు, సబ్బండ వర్గాలను కదిలించి, ఉద్యమ కదన రంగాన నిలిపిన నేత, ఉద్యమ శిఖరం కేసీఆర్. అలుపెరగని పోరాటంచేసి సాధించిన తెలంగాణను, కేసీఆర్ దేశంలోనే గొప్ప రాష్ర్టంగా తీర్చిదిద్దిన గొప్ప పాలకుడు కేసీఆర్.
కేసీఆర్ హయాంలో పాలన వికాసం జరిగితే నేడు కాంగ్రెస్ పరిపాలన విధ్వంసం జరుగుతోంది. ప్రశ్నించే శక్తులను కేసుల పాలు చేసి బెదిరిస్తున్నారు. బీఆర్‌ఎస్ కేసీఆర్, కేటీఆర్ నాయకత్వంలో గులాబీ శ్రేణులు తెలంగాణ ప్రజల పక్షాన నిలబడుతున్నారు. ప్రజలు కాంగ్రెస్కు బుద్ధిచెప్పే రోజులు ఆసన్నమైంది. ప్రజల పక్షాన నిలబడి ప్రజాసమస్యల కోసం పోరాడుతామన్నారు.
ఈ కార్యక్రమంలో మాజీ ఎమ్మెల్యేలు చల్లా ధర్మారెడ్డి, వొడితల సతీష్‌బాబు, మాజీ చైర్మన్లు నాగూర్ల వెంకటేశ్వర్లు, లింగంపెల్లి కిషన్‌రెడ్డి, మర్రి యాదవరెడ్డి, ఎల్లావుల లలితాయాదవ్‌, గ్రేటర్‌ వరంగల్‌ డిప్యూటీ మేయర్‌ రిజ్వానా మసూద్‌, కార్పొరేటర్లు సోదా కిరణ్‌, బొంగు అశోక్‌యాదవ్‌, సంకు నర్సింగరావు, బోయిన పల్లి రంజిత్‌రావు, ఇమ్మడి లోహితారాజు, మాజీ కార్పొరేటర్లు జోరిక రమేష్‌, కుసుమ లక్ష్మీనారాయణ, ఉడతల సారంగపాణి, నాయకులు జనార్ధన్‌గౌడ్‌, రవీందర్‌రావు, నాయీమొద్దీన్‌, పులి రజినీకాంత్‌, బండి రజినీకుమార్‌, డాక్టర్‌ హరి రమాదేవి, దూలం వెంకన్న, 4వ డివిజన్‌ అధ్యక్షుడు కంజర్ల మనోజ్‌కుమార్‌, 5వ డివిజన్‌ అధ్యక్షుడు బొల్లపల్లి పున్నంచందర్‌ పాల్గొన్నారు.
Dalit Cook: ద‌ళిత మ‌హిళ‌ను వంట చేయ‌కుండా అడ్డుకున్న ఆరుగురికి జైలుశిక్ష
Deeksha Divas | తెలంగాణ భవన్‌లో దీక్షా దివస్.. దీక్షా దివస్‌పై డాక్యుమెంటరీని ఆవిష్కరించిన కేటీఆర్
Ditwa cyclone | దిత్వా తుఫాను ఎఫెక్ట్‌.. అల్లకల్లోలంగా సముద్రం.. Video
