Hanumakonda | రాష్ట్రస్థాయి సబ్‌ జూనియర్‌ ఛాంపియన్‌షిప్‌కు అథ్లెట్ల ఎంపిక

ఆదిలాబాద్‌లో జరిగే అథ్లెటిక్స్ 11వ రాష్ర్టస్థాయి సబ్‌ జూనియర్‌ ఛాంపియన్‌ షిప్‌కు క్రీడాకారులను ఎంపిక చేసినట్లు వరంగల్‌ జిల్లా అథ్లెటిక్స్​​‍అసోసియేషన్‌ అధ్యక్షుడు పుల్యాల కిషన్‌, కార్యదర్శి ఊర యుగంధర్‌రెడ్డి తెలిపారు.

హనుమకొండ చౌరస్తా, జనవరి 7: ఈనెల18న ఆదిలాబాద్‌లో జరిగే అథ్లెటిక్స్ 11వ రాష్ర్టస్థాయి సబ్‌ జూనియర్‌ ఛాంపియన్‌ షిప్‌కు క్రీడాకారులను ఎంపిక చేసినట్లు వరంగల్‌ జిల్లా అథ్లెటిక్స్​​‍అసోసియేషన్‌ అధ్యక్షుడు పుల్యాల కిషన్‌, కార్యదర్శి ఊర యుగంధర్‌రెడ్డి తెలిపారు. బుధవారం హనుమకొండ హనుమకొండలోని జవహర్‌లాల్‌ నెహ్రూ స్టేడియం(జేఎన్‌ ఎస్)లో వరంగల్‌ జిల్లాస్థాయి సబ్‌జూనియర్‌, 20 ఇయర్స్​‍ ఛాంపియన్‌షిప్‌ పోటీలు అండర్‌-8, 10, 12, 14, 20 సంవత్సరాల బాలబాలికలకు అథ్లెటిక్స్​​‍పోటీలను రాష్ట్ర కార్యదర్శి సారంగపాణి పాల్గొని ప్రారంభించారు.

ఇందులో సుమారు 200 మంది అథ్లెట్లు పాల్గొని ప్రతిభ కనబర్చారని, వారికి మెడల్స్​‍తో పాటు సర్టిఫికెట్లు అందజేసినట్లు తెలిపారు. ఇందులో ప్రతిభ కనబర్చిన 30 మందిని రాష్ట్రస్థాయి సబ్‌జూనియర్స్​‍లో పాల్గొంటారని వారు తెలిపారు.