Mee Seva | మీ సేవకో దండం.. రోజుకో నిబంధనతో జనానికి తప్పని తిప్పలు

ఒకే చోట అనేక సర్వీసులను అందించేందుకు వీలుగా రాష్ట్ర వ్యాప్తంగా ‘మీ సేవ’లను ప్రభుత్వం ఏర్పాటు చేసింది. కులం, నివాసం, ఆదాయం తదితర సర్టిఫికెట్లతో పాటు ఇతర సేవల కోసం ప్రజలు మీ సేవకు వెళ్లి దరఖాస్తు చేసుకోవాల్సి ఉంటుంది. అయితే ప్రభుత్వం రోజుకో కొత్త నిబంధన తీసుకొస్తూ అటు వినియోగదారులు, ఇటు మీ సేవ నిర్వాహకులకు ఇబ్బందులు తెచ్చిపెడుతోంది. తాజాగా అన్ని మీ సేవ కేంద్రాల్లో క్యూఆర్‌ కోడ్‌ ద్వారానే చెల్లింపులు చేయాలనే నిబంధనను అమల్లోకి తెచ్చింది.

• రోజుకో కొత్త నిబంధన తీసుకొస్తున్న ప్రభుత్వం
• తాజాగా క్యూఆర్‌ కోడ్‌తోనే చెల్లింపులు జరపాలని ఆదేశం
• గ్రామీణ ప్రాంతాల్లో తలెత్తుతున్న ఇబ్బందులు
• పేమెంట్‌ ఫెయిలైతే దరఖాస్తుల సమర్పణలోనూ జాప్యం
• అవస్థలు పడుతున్న వినియోగదారులు
• పాత పద్ధతిని కూడా కొనసాగించాలంటున్న నిర్వాహకులు

Mee Seva | మహబూబాబాద్‌, డిసెంబర్‌ 11 (నమస్తే తెలంగాణ) : ఒకే చోట అనేక సర్వీసులను అందించేందుకు వీలుగా రాష్ట్ర వ్యాప్తంగా ‘మీ సేవ’లను ప్రభుత్వం ఏర్పాటు చేసింది. కులం, నివాసం, ఆదాయం తదితర సర్టిఫికెట్లతో పాటు ఇతర సేవల కోసం ప్రజలు మీ సేవకు వెళ్లి దరఖాస్తు చేసుకోవాల్సి ఉంటుంది. అయితే ప్రభుత్వం రోజుకో కొత్త నిబంధన తీసుకొస్తూ అటు వినియోగదారులు, ఇటు మీ సేవ నిర్వాహకులకు ఇబ్బందులు తెచ్చిపెడుతోంది. తాజాగా అన్ని మీ సేవ కేంద్రాల్లో క్యూఆర్‌ కోడ్‌ ద్వారానే చెల్లింపులు చేయాలనే నిబంధనను అమల్లోకి తెచ్చింది.

దీనివల్ల పట్టణ ప్రాంతాల వారికి తకువ ఇబ్బందులున్నా, గ్రామీణ ప్రాంతాల్లోని ప్రజలు మాత్రం అనేక అవస్థలు పడుతున్నారు. ముఖ్యంగా గ్రామాల్లో నివసిస్తున్న చాలా మందికి ఫోన్‌ పే, గూగుల్‌ పే లాంటి పేమెంట్‌ యాప్స్‌ లేవు. ఏదైనా దరఖాస్తు చేయాలని మీ సేవ కేంద్రానికి వస్తే క్యూఆర్‌ కోడ్‌ సాన్‌ చేసి డబ్బులు చెల్లించాలని నిర్వాహకులు చెబుతున్నారు. అయితే వినియోదారులకు యూపీఐ యాప్స్‌ లేని పక్షంలో నిర్వాహకునికి డబ్బులిచ్చి అతని ద్వారా క్యూఆర్‌ కోడ్‌ సాన్‌ చేసి చెల్లించాలనే నిబంధన వచ్చింది. రెండు నెలల క్రితమే ఈ విధానం అమల్లోకి వచ్చినప్పటికీ, కొద్ది రోజుల నుంచి క్యూఆర్‌ కోడ్‌ ద్వారానే చెల్లింపులు చేయాలనే ఖచ్చితమైన నిబంధన విధించారు. దీంతో ప్రజలు నానా ఇబ్బందులు ఎదురొంటున్నారు.

ఇబ్బందులు ఇవే..

• దరఖాస్తు సమర్పణలో జాప్యం జరుగుతున్నది. వినియోగదారుడి వివరాలు ఆన్‌లైన్‌లో నమోదు చేయడంతో పాటు అతడి దరఖాస్తును సాన్‌ చేసి, అప్లోడ్‌ చేసిన అనంతరం పేమెంట్‌ పూర్తయితేనే మరొకరిది ప్రారంభించాల్సి వస్తున్నది. గతంలో లాగా అనుకోని ఇబ్బందులు తలెత్తితే వేరే వారిది చేయడం కుదరదు.
• గ్రామీణ ప్రాంతాల ప్రజలకు ఇంకా పూర్తిస్థాయి డిజిటల్‌ పేమెంట్‌ వ్యవస్థ అందుబాటులోకి రాలేదు.
• ప్రస్తుత ఆన్‌లైన్‌ మోసాలతో వారి సెల్‌ ఫోన్‌ను వినియోగదారులు ఎవరికీ ఇవ్వడం లేదు. ఏదైనా అంతర్గత సమస్య వచ్చి పేమెంట్‌ ఫెయిల్‌ అయిన సందర్భంలో నిర్వాహకులు, వినియోగదారులకు మధ్య గొడవలు జరుగుతున్నాయి.
• పేమెంట్‌ సమయంలో సరిపడా డబ్బులు లేకపోతే దరఖాస్తు ఫెయిలై మరోసారి ఐప్లె చేయడంలో జాప్యం జరుగుతున్నది.
• తన వద్ద ఏ అకౌంట్‌ ఉందనేది కస్టమర్‌ చెప్పడం లేదు. మీ సేవకు అన్ని అకౌంట్స్‌ నుంచి పేమెంట్‌ సదుపాయం లేదు.
• డిజిటల్‌ పేమెంట్‌పై ప్రభుత్వ పరంగా సరైన ప్రచారం లేదు. తీకా పనికోసం వెళ్లిన వారు విషయం తెలుసుకొని ఇబ్బందులు పడుతున్నారు.
• గతంలో సాదాబైనామా సమయంలో బయోమెట్రిక్‌ నమోదుతో అర్ధరాత్రి వరకు ప్రజలు అవస్థపడ్డారు. మీ సేవ నిర్వాహకులు కూడా ఆైన్లెన్‌ చేయలేక ఇబ్బంది పడడంతో పాటు విమర్శలు ఎదురొన్నారు.
• రాష్ట్ర ప్రభుత్వం ప్రవేశపెట్టిన క్యూఆర్‌ కోడ్‌ విధానానికి మీసేవ నిర్వాహకులు వ్యతిరేకం కానప్పటికీ, పూర్తి స్థాయిలో డిజిటల్‌ పేమెంట్స్‌కు తాము సిద్ధమయ్యే వరకు క్యాష్‌ ట్రాన్సాక్షన్‌ ఉండాలని గ్రామీణ ప్రాంత వినియోగదారులు కోరుతున్నారు.

పాత పద్ధతిని కొనసాగించాలి
మీ సేవలో రాష్ట్ర ప్రభుత్వం కొత్తగా తీసుకొచ్చిన క్యూఆర్‌ కోడ్‌ అమలు విధానానికి మేము వ్యతిరేకం కాదు. గ్రామీణ ప్రాంతాల్లోని వినియోగదారులకు దీని ద్వారా చాలా ఇబ్బందులు ఎదురవుతున్నాయి. క్యూ ఆర్‌ కోడ్‌ ద్వారా చెల్లింపులు అమల్లో ఉన్నప్పటికీ పాత విధానం కూడా అలానే ఉంచితే వినియోగదారులకు ఇబ్బందులు రాకుండా ఉంటాయి.
– రావిపాటి దేవేందర్‌రావు, రాష్ట్ర అధ్యక్షుడు, తెలంగాణ మీసేవ అసోసియేషన్‌