తీరని వ్యథ.. తీర్చేదెవరు?
పంట పండించడానికి రైతులు ఎంత తిప్పలు పడ్డారో.. వాటిని అమ్ముకోవడానికి అంతకు మించి కష్టాలు పడుతున్నారు. ధాన్యం, మక్కలను కొనుగోలు కేంద్రాలకు తీసుకొచ్చి, రోజుల తరబడి నిరీక్షిస్తున్నా పట్టించుకునే వారే కరువయ్యారు. కాంటాలు కాక.. లారీలు రాక సెంటర్ల నుంచి బస్తాలు కదలక తీరని వ్యథను అనుభవిస్తున్నారు. తమ గోసను తీర్చేదెవరని కన్నీళ్లు పెట్టుకుంటున్నారు.
- కష్టాల సుడిగుండంలో అన్నదాతలు
- పంట పండించడం కంటే అమ్ముకోవడానికే ఎక్కువ ఇబ్బందులు
- నెలలు గడిచినా కొనుగోలు సెంటర్ల నుంచి కదలని మక్కలు, ధాన్యం బస్తాలు
- కాంటాలు కాక.. లారీలు రాక..ఎర్రటి ఎండలో రోజుల తరబడి నిరీక్షణ
- పాలకుల పట్టింపులేక విసిగిపోతున్న రైతులు
- ఇతర జిల్లాల్లో అమ్ముకోవడానికి వెళ్తున్న దుస్థితి
- శాయంపేటలో హైవేపై లారీలకు ఎదురెళ్లి ఆపే ప్రయత్నం
- తొర్రూరులో మక్కల లారీల బారులు
పంట పండించడానికి రైతులు ఎంత తిప్పలు పడ్డారో.. వాటిని అమ్ముకోవడానికి అంతకు మించి కష్టాలు పడుతున్నారు. ధాన్యం, మక్కలను కొనుగోలు కేంద్రాలకు తీసుకొచ్చి, రోజుల తరబడి నిరీక్షిస్తున్నా పట్టించుకునే వారే కరువయ్యారు. కాంటాలు కాక.. లారీలు రాక సెంటర్ల నుంచి బస్తాలు కదలక తీరని వ్యథను అనుభవిస్తున్నారు. తమ గోసను తీర్చేదెవరని కన్నీళ్లు పెట్టుకుంటున్నారు.
– నమస్తే తెలంగాణ నెట్వర్క్
కొడకండ్ల, మే 18 : కొనుగోలు కేంద్రానికి మక్కలను తీసుకొచ్చి నెల రోజులవుతున్నా కాంటా పెట్టకపోవడంతో విసిగిపోయిన రైతులు కన్నీళ్లో వాటిని మరో మార్కెట్కు తరలిస్తున్నారు. వివరాల్లోకి వెళ్తే.. జనగామ జి ల్లా కొడకండ్ల మండలకేంద్రంలోని మకల కొనుగోలు కేంద్రానికి 20 కిలోమీటర్ల దూరంలోని లక్ష్మకపల్లి నుంచి రైతులు వాంకుతోడ్ విజయ్, వాంకుతోడ్ లాస్యతోపాటు మరో నలుగురు రైతులు నెల రోజుల క్రితం సుమారు 250 క్వింటాళ్ల మక్కలను తీసుకొచ్చారు. ఎంతో ఆశతో, రవా ణా ఖర్చులు భరించి మక్కలను తీసుకొస్తే నేటికీ కాంటా పెట్టలేదు.
కొనుగోలు కోసం టోకెన్లు ఇవ్వాలని వీరు అధికారులను వేడుకున్నా ఫలి తం లేకుండాపోయింది. ఈ నేపథ్యంలో ఎండల్లో ఇబ్బందులు పడుతూ నిరీక్షిస్తున్నా మక్కలను కొనుగోలు చేయలేదు. కాంటా పెట్టాలని కోరితే రేపు మాపు అంటూ కాలయాపన చేయడంతో రైతుల ఓపిక నశించింది. మరోవైపు అకాల వర్షాల భయం, మక్కలను భద్రపరచడానికి అధికారులు ఎలాంటి సహకారం అందించలేదు. దీంతో విసిగిపోయిన రైతులు మక్కలను బస్తాల్లో నింపి సూర్యాపేట జిల్లా తిరుమలగిరికి తరలిస్తున్నారు.
లారీల కోసం రోడ్డెక్కిన మక్క రైతులు
శాయంపేట, మే 18 : మక్క రైతులు ఎర్రటి ఎండలో లారీల కోసం రోడ్డెక్కారు. లారీలు ఆపకపోవడంతో ఆగ్రహించి హైవేపై బైఠాయించి రాస్తారోకో చేపట్టారు. హనుమకొండ జిల్లా శాయం పేటలోని ప్రభుత్వ జూనియర్ కాలేజీలోని మక్కల కొనుగోలు కేంద్రంలో కాంటా అయిన మక్కలను తరలించడంలో జాప్యం జరుగుతున్నదని రైతులు ఆందోళన చెందారు. పోలీసులు, పీఏసీ ఎస్ సీఈవో రాజమోహన్తో కలిసి మాందారిపేట హైవేపైకి వెళ్లి భూపాలపల్లి వైపు ఖాళీగా వెళ్తున్న లారీలను అడ్డుకున్నారు.
బస్తాకు రూ.30 చెల్లిస్తామని భూపాలపల్లికి తీసుకెళ్లి దిగుమతిచేయాలని రైతులు వేడుకున్నారు. కానీ, ఏదో ఒక సాకు చూపి లారీలు ఆపకపోవడంతో హైవేపై బైఠాయించి రాస్తారోకో చేశారు. కనిపిం చిన లారీలకు రైతులు ఎదురెళ్లి ఆపేసే ప్రయత్నం చేసినా ఫలితం లేకుండాపోయింది. లారీలను తెప్పించి మక్కలను గోదాముకు పంపించాలని రెండు చేతులు జోడించి సీఈవోను వేడుకోగా, మూడు లారీలు తెప్పిస్తున్నానని నచ్చజెప్పడంతో రైతులు శాంతించారు.
Read Today's Latest Warangal-rural News in Telugu and Telugu News
RELATED ARTICLES
తాజా వార్తలు
VishwakSen | సంస్కారం వయసుతో పాటు పెరగాలి.. సీనియర్ జర్నలిస్ట్ వ్యాఖ్యలపై విశ్వక్ సేన్ ఫైర్!
Liver Detox | లివర్ను క్లీన్ చేస్తాయని చెప్పే చిట్కాలు, ఉత్పత్తులను నమ్మవచ్చా.. కాఫీ ప్రభావం లివర్పై ఉంటుందా..?
TTD EO | శ్రీరంగం శ్రీ రంగనాథస్వామివారికి టీటీడీ ఈవో పట్టువస్త్రాల సమర్పణ
Shiva Kandukuri | వివాహబంధంలోకి అడుగుపెట్టనున్న టాలీవుడ్ నటుడు శివ కందుకూరి.!
BRS Dharna | కోయిల్ సాగర్ ప్రాజెక్టు వద్ద బీఆర్ఎస్ ధర్నా.. నీటి తరలింపు ప్రతిపాదన విరమించుకోవాలని డిమాండ్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

