Gautam Yadav | గౌతమ్‌ యాదవ్‌కి క్రీడా పురస్కారం అందజేత

అంతర్జాతీయ స్థాయిలో అద్భుత ప్రదర్శనతో రాష్ట్రానికి గౌరవం తీసుకువచ్చిన హనుమకొండ జిల్లా పైడిపల్లికి చెందిన ఎల్లావుల గౌతమ్‌యాదవ్‌కి జిల్లాస్థాయి క్రీడాపురస్కారం, ప్రాశంసాపత్రం ప్రదానం చేశారు.

హనుమకొండ చౌరస్తా, ఆగస్టు 15 : అంతర్జాతీయ స్థాయిలో అద్భుత ప్రదర్శనతో రాష్ట్రానికి గౌరవం తీసుకువచ్చిన హనుమకొండ జిల్లా పైడిపల్లికి చెందిన ఎల్లావుల గౌతమ్‌యాదవ్‌కి జిల్లాస్థాయి క్రీడాపురస్కారం, ప్రాశంసాపత్రం ప్రదానం చేశారు. ఈ పురస్కారాన్ని రెవెన్యూ మంత్రి పొంగులేటి శ్రీనివాస్‌రెడ్డి వరంగల్‌లో జరిగిన స్వాతంత్య్ర దినోత్సవ కార్యక్రమంలో అందజేశారు.

బహ్రెయిన్‌లో జరిగిన ప్రపంచ పారా తైక్వాండో పూమ్స్​‍ ఛాంపియన్‌షిప్‌లో బంగారు పతకం, మలేసియాలో జరిగిన 10వ ఆసియా పారా తైక్వాండో చాంపియన్‌షిప్‌లో గౌతమ్‌యాదవ్‌ వెండి పతకం సాధించారు. కాగా, ఆయన నిబద్ధత, పట్టుదల క్రీడా పట్ల ఉన్న అంకితభావం యువతకు గొప్ప ప్రేరణగా నిలుస్తున్నది. ఈ ఘనత గౌతమ్‌ యాదవ్‌ క్రీడా ప్రతిభను కొనియాడేవిధంగా మాత్రమే కాక, రాష్ర్ట యువ క్రీడాకారులందరికీ ప్రేరణగా నిలుస్తుందని పలువురు ప్రశంసించారు.