Financial assistance | సారంగపాణి కుటుంబానికి ఆర్థిక సహాయం

వరంగల్‌ జిల్లాలో టైక్వాండో వ్యవస్థాపకుడు, మార్గదర్శకుడు దివంగత సారంగపాణి కుటుంబానికి అండగా నిలిచేందుకు తెలంగాణ, ఆంధ్రప్రదేశ్‌ రాష్ట్రాల నుంచి సీనియర్‌ టైక్వాండో క్రీడాకారులు కలిసి వచ్చారు. కుటుంబం ఎదుర్కొంటున్న ఆర్థిక ఇబ్బందులను గుర్తించి సీనియర్‌ క్రీడాకారులు సమిష్టిగా రూ.1,12,101 మొత్తాన్ని సేకరించి ఆ కుటుంబానికి బుధవారం అందజేశారు.

Financial assistance | హనుమకొండ చౌరస్తా, జులై 16: వరంగల్‌ జిల్లాలో టైక్వాండో వ్యవస్థాపకుడు, మార్గదర్శకుడు దివంగత సారంగపాణి కుటుంబానికి అండగా నిలిచేందుకు తెలంగాణ, ఆంధ్రప్రదేశ్‌ రాష్ట్రాల నుంచి సీనియర్‌ టైక్వాండో క్రీడాకారులు కలిసి వచ్చారు. కుటుంబం ఎదుర్కొంటున్న ఆర్థిక ఇబ్బందులను గుర్తించి సీనియర్‌ క్రీడాకారులు సమిష్టిగా రూ.1,12,101 మొత్తాన్ని సేకరించి ఆ కుటుంబానికి బుధవారం అందజేశారు.

వరంగల్‌ జిల్లా టైక్వాండో అధ్యక్షుడు ఎల్లావుల కుమార్‌యాదవ్‌, ఒలింపిక్‌ అసోసియేషన్‌ కార్యదర్శి ఖలీష్‌యాదవ్‌, సీనియర్‌ క్రీడాకారులు కె.భాస్కర్‌, ఈ.గణేష్‌యాదవ్‌, జి.దిలీప్‌, ఈ.గౌతమ్‌యాదవ్‌, కె.రమేష్‌, ఎల్‌.రాంబాబు, సీ.సన్నీ సమక్షంలో సారంగపాణి కుటుంబానికి ఈ విరాళాన్ని అందజేశారు. సారంగపాణి మృతికి టైక్వాండో క్రీడాకారులు సంతాపం వ్యక్తం చేస్తూ వారి కుటుంబానికి ప్రగాఢ సానుభూతిని తెలియజేశారు.