ప్రజల ముందు.. కాంగ్రెస్ కుట్రలు
కాళేశ్వరం ప్రాజెక్టుపై కాంగ్రెస్ పార్టీ చేస్తున్న కుట్రలను ప్రజల ముందు బీఆర్ఎస్ బయటపెట్టింది. నాలుగు నెలల క్రితం మేడిగడ్డ బరాజ్లో ఒక ఫిల్లర్ కుంగగా కాంగ్రెస్ ప్రభుత్వం మరమ్మతులు చేయకుండా విచారణ పేరుతో జాప్యం చేస్తుండడంపై బీఆర్ఎస్ ఆగ్రహం వ్యక్తం చేసింది.
- బట్టబయలు చేసిన బీఆర్ఎస్
- ‘కాళేశ్వరం యాత్ర’తో వెలుగులోకి నిజాలు
తెలంగాణ జీవధార వద్దకు కదలివచ్చిన గులాబీ దండు.. ‘చలో మేడిగడ్డ’ పర్యటనను స్వాగతించిన రైతులు.. దారిపొడవునా రామన్నకు సాదర స్వాగతాలు
జయశంకర్ భూపాలపల్లి, మార్చి 1(నమస్తే తెలంగాణ) : కాళేశ్వరం ప్రాజెక్టుపై కాంగ్రెస్ పార్టీ చేస్తున్న కుట్రలను ప్రజల ముందు బీఆర్ఎస్ బయటపెట్టింది. నాలుగు నెలల క్రితం మేడిగడ్డ బరాజ్లో ఒక ఫిల్లర్ కుంగగా కాంగ్రెస్ ప్రభుత్వం మరమ్మతులు చేయకుండా విచారణ పేరుతో జాప్యం చేస్తుండడంపై బీఆర్ఎస్ ఆగ్రహం వ్యక్తం చేసింది. ఈ నేపథ్యంలో రైతులు, ప్రజలకు నిజానిజాలు తెలియజేసేందుకు శుక్రవారం ‘కాళేశ్వరం యాత్ర’ చేపట్టగా పార్టీ వర్కింగ్ ప్రెసిడెంట్ కేటీఆర్, మాజీ మంత్రి హరీశ్రావు సహా బీఆర్ఎస్ ప్రజాప్రతినిధులు, సీనియర్ నాయకులు, మాజీ మంత్రులు, ఎమ్మెల్యేలు కలిసి మేడిగడ్డ, అన్నారం బరాజ్లను పరిశీలించారు. ప్రభుత్వం వెంటనే స్పందించి వానకాలంలోగా బరాజ్కు మరమ్మతులు చేసి రైతులకు నీళ్లందించి న్యాయం చేయాలని కేటీఆర్ డిమాండ్ చేశారు. కాంగ్రెస్ ప్రభుత్వం కావాలనే బీఆర్ఎస్ను బద్నాం చేసేందుకు మేడిగడ్డ అంశాన్ని రాద్ధాంతం చేస్తున్నదని, కాళేశ్వరాన్ని నీటిపాలు చేసే కుట్రలు చేస్తున్నదని రైతులకు వివరించగా, అన్నారం బరాజ్ వద్ద బీఆర్ఎస్ బృందానికి, రైతులకు మాజీ మంత్రి హరీశ్రావు, ఎమ్మెల్యే కడియం శ్రీహరి పవర్పాయింట్ ప్రజెంటేషన్ ద్వారా అవగాహన కల్పించారు.
బీఆర్ఎస్ బృందం మధ్యాహ్నం 2.30 గంటలకు భూపాలపల్లిలోని బీఆర్ఎస్ జిల్లా కార్యాలయానికి చేరుకుంది. అక్కడ మాజీ ఎమ్మెల్యే గండ్ర వెంకటరమణారెడ్డి భోజన సౌకర్యం ఏర్పాటు చేయగా మాజీ మంత్రులు, ఎమ్మెల్యేలు కేటీఆర్, హరీశ్రావు, మాజీ డిప్యూటీ సీఎం, ఎమ్మెల్యే కడియం శ్రీహరి, మాజీ స్పీకర్ పోచారం శ్రీనివాస్రెడ్డితో పాటు ఇతర మాజీ మంత్రులు, ఎమ్మెల్యేలు, ఎమ్మెల్సీలు, మాజీ ఎమ్మెల్యేలు, సీనియర్ నేతలు భోజనం చేసి 3:25 గంటలకు మేడిగడ్డకు బయల్దేరారు. సుమారు 4.50 గంటలకు బీఆర్ఎస్ బృందం మేడిగడ్డకు చేరుకుంది. పోలీసులు బరాజ్లోనికి అనుమతించకపోవడంతో బీఆర్ఎస్ నేతలు ఒక్కసారిగా తోసుకుంటూ వెళ్లిపోయారు. బరాజ్లోకి దిగి కుంగిన ఫిల్లర్లతో పాటు ప్రతి ఫిల్లర్ను క్షుణ్ణంగా పరిశీలించారు. కేవలం మూడు, నాలుగు ఫిల్లర్లు మినహా ఇతర ఫిల్లర్లకు ఎలాంటి నష్టం జరుగలేదని నిర్ధారించారు. నాలుగు ఫిల్లర్లను తొలగించి మళ్లీ నిర్మిస్తే మేడిగడ్డ ప్రాజెక్టు ఉపయోగంలోకి వస్తుందని, ప్రస్తుతం ఇక్కడ కాఫర్ డ్యాం నిర్మించి రైతులకు నీరు అందించవచ్చని తేల్చి చెప్పారు. ఆ తర్వాత అక్కడినుంచి అన్నారం బరాజ్కు వెళ్లారు. బరాజ్లో ఏర్పడిన సీపేజ్లను పరిశీలించారు. చిన్న చిన్న సీపేజ్లు సాధారణమని, ప్రభుత్వం ప్రతి విషయాన్ని భూతద్దంలో చూపిస్తూ బీఆర్ఎస్ను బదనాం చేసి కాళేశ్వరాన్ని నీటిపాలు చేసే కుట్రలు చేస్తున్నదని అక్కడికి వచ్చిన రైతులకు వివరించారు. అనంతరం అన్నారం వద్ద ఏర్పాటు చేసిన వేదికపై కడియం శ్రీహరి, హరీశ్రావు పవర్ పాయింట్ ప్రజెంటేషన్ ఇచ్చారు.

బీఆర్ఎస్ కార్యకర్తలను అడ్డుకున్న పోలీసులు
చలో మేడిగడ్డ కార్యక్రమం పోలీసుల తీరుతో కొద్దిసేపు ఉద్రిక్తంగా మారింది. కేటీఆర్ బృందం వెళ్తున్న నేపథ్యంలో అక్కడికి చేరుకున్న బీఆర్ఎస్ కార్యకర్తలను పోలీసులు బ్రిడ్జి మెయిన్ గేట్ మూసివేసి అనుమతించకపోవడంతో కార్యకర్తలు ఆందోళన చేశారు. మెయిన్ గేటు తీసుకొని బ్రిడ్జిపైకి వెళ్లేందుకు ప్రయత్నించిన బీఆర్ఎస్ కార్యకర్తలు, పోలీసులకు మధ్య తోపులాట జరిగింది. ఈక్రమంలో కార్యకర్తలకు స్వల్ప గాయాలయ్యాయి. తొక్కిసలాటలో ఓ మహిళా కార్యకర్త కిందపడింది.
అడుగడుగునా సాదర స్వాగతం
హైదరాబాద్ నుంచి కాళేశ్వరం యాత్రకు బయల్దేరిన బీఆర్ఎస్ బృందానికి దారిపొడవునా ప్రజలు, రైతులు సంఘీభావం ప్రకటించారు. భూపాలపల్లి నుంచి బయల్దేరిన బృందానికి భూపాలపల్లి, కాటారం, మహదేవపూర్, బెగులూరు తదితర గ్రామాల్లో రైతులు బీఆర్ఎస్ బృందానికి ఘనంగా స్వాగతం పలికారు. ప్రత్యేక బస్సులో వెళ్తున్న కేటీఆర్కు రైతులు, ప్రజలు పుష్పగుచ్ఛాలు అందించి నీరాజనం పట్టారు. కాగా యాత్రకు ఒక రోజు ముందుగానే గురువారం జయశంకర్ భూపాలపల్లి, పెద్దపల్లి జిల్లాల్లో రైతులు కాళేశ్వరం నీటిని వదలాలని, ఎండుతున్న తమ పంటలను కాపాడాలని డిమాండ్ చేస్తూ కలెక్టర్లకు వినతిపత్రాలు అందజేసిన విషయం తెలిసిందే.
Read Today's Latest Warangal-rural News in Telugu and Telugu News
RELATED ARTICLES
తాజా వార్తలు
KTR | కేంద్ర ప్రభుత్వం సహకారంతో ఏపీ ప్రభుత్వం జలదోపిడీ చేస్తుంది : కేటీఆర్
Suspended | అడ్డగూడూర్ బాలికల గురుకుల స్కూల్ ప్రిన్సిపాల్ ఝాన్సీ రాణి సస్పెండ్
Superstar Rajinikanth | గ్రీస్లో రజనీకాంత్ కుటుంబం సందడి.. మనవళ్లతో కలిసి ఎంజాయ్ చేస్తున్న సూపర్ స్టార్!
KTR | సమైక్య పాలనలో కన్నా రేవంత్ రెడ్డి చేస్తున్న ద్రోహం అతి పెద్దది : కేటీఆర్
Mouni Roy | బ్లాక్ డ్రెస్లో మౌనీ రాయ్ గ్లామర్ షో.. చూపు తిప్పుకోలేరు!
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

