సెప్టెంబర్‌ నుంచి రంగంలోకి?

కాకినాడ పోర్ట్‌లో ‘ఎన్‌బీకే 111’(వర్కింగ్‌ టైటిల్‌) షూటింగ్‌ జరుగుతుండగా అగ్ర కథానాయకుడు బాలకృష్ణ ప్రమాదానికి గురై, గాయాలపాలైన విషయం తెలిసిందే. ఆయన మోకాలి శస్త్రచికిత్స విజయవంతం అయినట్టు వైద్యులు కూడా ప్రకటించారు.

కాకినాడ పోర్ట్‌లో ‘ఎన్‌బీకే 111’(వర్కింగ్‌ టైటిల్‌) షూటింగ్‌ జరుగుతుండగా అగ్ర కథానాయకుడు బాలకృష్ణ ప్రమాదానికి గురై, గాయాలపాలైన విషయం తెలిసిందే. ఆయన మోకాలి శస్త్రచికిత్స విజయవంతం అయినట్టు వైద్యులు కూడా ప్రకటించారు. ప్రస్తుతం బాలయ్య షూటింగులకు దూరంగా విశ్రాంతి తీసుకుంటున్నారు. ఈ కారణంగా ఆయన చేస్తున్న రెండు సినిమాల షెడ్యూల్స్‌ అనూహ్యంగా మారిపోయాయి.

ఇప్పటికే ‘ఎన్‌బీకే 111’ షూటింగ్‌ చాలావరకూ పూర్తయింది. షూటింగ్‌ సజావుగా సాగితే ఈ దసరాకే సినిమాను విడుదల చేయాలనుకున్నారు. కానీ వైద్యులు బాలకృష్ణకు ఆరువారాల విశ్రాంతి సూచించడంతో షూటింగ్‌ వాయిదా పడింది.

తాజా సమాచారం ప్రకారం బాలకృష్ణ గ్రీన్‌సిగ్నల్‌ ఇవ్వడంతో సెప్టెంబర్‌ రెండో వారం నుంచి ఈ సినిమా షూటింగ్‌ మొదలుకానున్నట్టు తెలిసింది. మలినేని గోపీచంద్‌ దర్శకత్వంలో వెంకటసతీశ్‌ కిలారు నిర్మిస్తున్న ఈ సినిమా సమ్మర్‌లో విడుదల కానున్నట్టు సమాచారం. కొరటాల శివ, బాలకృష్ణ కాంబినేషన్‌ సినిమా విషయానికొస్తే..బాలకృష్ణ లేని సన్నివేశాలతో కొరటాల ఓ షెడ్యూల్‌ని ప్లాన్‌ చేశారట. ఈ లోపు ఆ షెడ్యూల్‌ని కొరటాల పూర్తి చేస్తారని వినికిడి.