Prakash Raj : ఆకాశాన్నంటిన ట‌మాటా ధ‌ర‌లు.. ప్ర‌కాశ్ రాజ్ షేర్ చేసిన మీమ్ వైర‌ల్‌

ప్ర‌కాశ్ రాజ్ షేర్ చేసిన మీమ్ వైర‌ల్‌ | ప్ర‌ముఖ న‌టుడు ప్ర‌కాశ్ రాజ్ అప్పుడ‌ప్పుడు సోష‌ల్ మీడియాలోనూ యాక్టివ్‌గా ఉంటారు. సినిమా షూటింగ్‌లు లేక‌పోతే

November 26, 2021 / 05:08 PM IST

Prakash Raj : ఆకాశాన్నంటిన ట‌మాటా ధ‌ర‌లు.. ప్ర‌కాశ్ రాజ్ షేర్ చేసిన మీమ్ వైర‌ల్‌

ప్ర‌ముఖ న‌టుడు ప్ర‌కాశ్ రాజ్ అప్పుడ‌ప్పుడు సోష‌ల్ మీడియాలోనూ యాక్టివ్‌గా ఉంటారు. సినిమా షూటింగ్‌లు లేక‌పోతే.. ఇంటి వ‌ద్ద ఉన్న‌ప్పుడు.. రాజ‌కీయ‌లు, సినిమాల మీద ట్వీట్లు చేస్తుంటారు. అయితే.. ఈ మ‌ధ్య సోష‌ల్ మీడియాలో క్రియేట్ అయ్యే మీమ్స్ చూస్తే ఎక్కువ‌గా ప్ర‌కాశ్ రాజ్ సినిమాల్లోని కొన్ని సీన్ల‌ను తీసుకొని.. వాటిని ప్ర‌స్తుత ప‌రిస్థితుల‌కు లింక్ చేసి మీమ్స్ క్రియేట్ చేస్తున్నారు.

ప్ర‌స్తుతం ఎక్కువ చ‌ర్చ‌నీయంశం అయిన అంశాల్లో పెట్రోల్ ధ‌ర‌లు, ట‌మాటా ధ‌ర‌లు. ముందు పెట్రోల్ ధ‌ర‌లు రాకెట్‌లా దూసుకుపోయాయి. ప్ర‌స్తుతం ట‌మాటా ధ‌ర‌లు కూడా అలాగే దూసుకుపోతున్నాయి. దీంతో ట‌మాటా ధ‌ర‌ల మీద సోష‌ల్ మీడియాలో కుప్ప‌లు కుప్ప‌లుగా మీమ్స్ క్రియేట్ చేస్తున్నారు.

తాజాగా.. సింగం సినిమాలోని ఓసీన్‌ను తీసుకొని దానికి ట‌మాటా ధ‌ర‌ల‌ను క‌లిపి మీమ్స్ క్రియేట్ చేశారు. సూర్య‌.. ప్ర‌కాశ్ రాజ్‌కు ఫోన్ చేసి.. పెట్రోల్ ధ‌ర 100 దాటింది అంటూ ప్ర‌శ్నిస్తాడు. దానికి ప్ర‌కాశ్ రాజ్‌.. ట‌మాటా ధ‌ర 110 రూపాయ‌ల‌కు చేరుకుంది.. అంటూ చెప్పిన‌ట్టుగా మీమ్‌ను క్రియేట్ చేశారు.

ఆ మీమ్.. చివ‌ర‌కు ప్ర‌కాశ్ రాజ్ కంట ప‌డింది. దీంతో వెంట‌నే దాన్ని త‌న ట్విట్ట‌ర్ ఖాతాలో షేర్ చేసి… ఎవ‌రు క్రియేట్ చేశారు దీన్ని.. ఏదో ఊరికే అడుగుతున్నా అంటూ ప్ర‌కాశ్ రాజ్ ట్వీట్ చేశారు. దీంతో ఆ మీమ్ ప్ర‌స్తుతం సోష‌ల్ మీడియాలో వైర‌ల్ అవుతోంది. నెటిజ‌న్లు కూడా ప్ర‌కాశ్ రాజ్ ట్వీట్‌కు ఫ‌న్నీగా కామెంట్లు చేస్తున్నారు.