ల‌క్కంటే ఆ పిల్లాడిదే.. ఒక్క క్ష‌ణం ఆల‌స్య‌మైనా పిల్లాడి ప్రాణాలు పోయేవి: వైర‌ల్ వీడియో

ఒక్క క్ష‌ణం ఆల‌స్య‌మైనా పిల్లాడి ప్రాణాలు పోయేవి | ఒక్క క్ష‌ణానికి ఏం విలువ ఉంటుంది చెప్పండి. దాన్ని అస‌లు ప‌రిగ‌ణ‌న‌లోకి కూడా తీసుకోం. కానీ.. ఆ ఒక్క క్ష‌ణం విలువ ఏంటో

December 5, 2021 / 09:43 PM IST

ల‌క్కంటే ఆ పిల్లాడిదే.. ఒక్క క్ష‌ణం ఆల‌స్య‌మైనా పిల్లాడి ప్రాణాలు పోయేవి: వైర‌ల్ వీడియో

ఒక్క క్ష‌ణానికి ఏం విలువ ఉంటుంది చెప్పండి. దాన్ని అస‌లు ప‌రిగ‌ణ‌న‌లోకి కూడా తీసుకోం. కానీ.. ఆ ఒక్క క్ష‌ణం విలువ ఏంటో ఈ వీడియో చూస్తే తెలుస్తుంది. ఆ ఒక్క క్ష‌ణమే పిల్లాడి ప్రాణాలు కాపాడింది. లేదంటే ఆ పిల్లాడు బ‌తికి బ‌ట్ట‌క‌ట్టేవాడే కాదు.

ఈ ఘ‌ట‌న ఓ రెస్టారెంట్‌లో చోటు చేసుకుంది. రెస్టారెంట్‌లో ఉన్న పెద్ద ఫ్రిడ్జ్ ద‌గ్గ‌రికి వెళ్లిన ఓ చిన్నారి.. దాన్ని డోర్స్ తీసే ప్ర‌య‌త్నం చేశాడు. ఇంత‌లో అది ప‌ట్టు త‌ప్పి త‌న మీద ప‌డ‌బోయింది. అప్పుడే రెస్టారెంట్ వెయిట‌ర్ ట్రేలో ఫుడ్ తీసుకొని వ‌స్తున్నాడు. ఆ చిన్నారి మీద ఫ్రిడ్జ్ ప‌డ‌బోతుండ‌టం చూసి చేతుల్లో ఉన్న ట్రేతో దాన్ని ఆప‌బోయాడు. అయినా కూడా ఫ్రిడ్జ్ ఆగ‌లేదు. చివ‌ర‌కు కింద ప‌డిపోయింది. ఇంత‌లో అక్క‌డే ఉన్న మ‌రో వ్య‌క్తి వ‌చ్చి ఫ్రిడ్జ్‌ను లేపాడు. అయితే.. ఆ ఫ్రిడ్జి కింద ఉన్న చిన్నారికి ఏం కాక‌పోవ‌డంతో అంద‌రూ ఊపిరి పీల్చుకున్నారు.

ఆ వెయిట‌ర్ ఒక్క క్ష‌ణం ఆల‌స్యంగా వ‌చ్చినా ఆ పిల్లాడు ఫ్రిడ్జ్ కింద న‌లిగిపోయేవాడు. దానికి సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది. నెటిజ‌న్లు ఆ వీడియోను చూసి వెయిట‌ర్‌ను మెచ్చుకుంటున్నారు. త‌న స్పాంటెనిటీకి స‌లామ్ కొడుతున్నారు.