Traffic Allert | నేడు సికింద్రాబాద్‌కు ప్రధాని మోదీ.. మధ్యాహ్నం 2 గంటల నుంచి ట్రాఫిక్‌ ఆంక్షలు

ప్రధాని మోదీ (PM Modi) మరోసారి హైదరాబాద్‌కు వస్తున్నారు. శనివారం సాయంత్రం సికింద్రాబాద్‌లోని పరేడ్‌ గ్రౌండ్స్‌లో (Parade grounds) నిర్వహిస్తున్న బహిరంగ సభలో పాల్గొంటారు.

హైదరాబాద్‌: ప్రధాని మోదీ (PM Modi) మరోసారి హైదరాబాద్‌కు వస్తున్నారు. శనివారం సాయంత్రం సికింద్రాబాద్‌లోని పరేడ్‌ గ్రౌండ్స్‌లో (Parade grounds) నిర్వహిస్తున్న బహిరంగ సభలో పాల్గొంటారు. ఈ నేపథ్యంలో మధ్యాహ్నం 2 నుంచి రాత్రి 8 గంటల వరకు పరేడ్‌ గ్రౌండ్‌ పరిసర ప్రాంతాల్లో పోలీసులు ట్రాఫిక్‌ ఆంక్షలు (Traffic Restrictions) విధించారు. టివోలి క్రాస్‌ రోడ్స్‌ నుంచి ప్లాజ్‌ ఎక్స్‌ రోడ్స్‌ను ఊసివేయనున్నారు. పలు మార్గాల్లో దారిమళ్లింపులు ఉంటాయని చెప్పారు. ఈ నేపథ్యంలో వాహనదారులు ప్రత్యామ్నాయ మార్గాల్లో వెళ్లాలని సూచించారు.

ట్రాఫిక్‌ మళ్లింపు ఇలా..

• సంగీత్‌ ఎక్స్‌ రోడ్స్‌ నుంచి బేగంపేట వైపు వెళ్లే వాహనాలను వైఎంసీఏ నుంచి క్లాక్‌ టవర్‌, ప్యాట్నీ ప్యారడైజ్‌, సీటీఓ, రసూల్‌పుర నుంచి బేగంపేటకు వెళ్లాలి.
• బేగంపేట నుంచి సంగీత్‌ ఎక్స్‌ రోడ్స్‌ వైపు వెళ్లే వాహనదారులు సీటీఓ ఎక్స్‌ రోడ్స్‌ వద్ద బాలమ్‌ రాయ్‌, బ్రూక్‌బాండ్‌, తివోలి, స్వీకార్‌ ఉపకార్‌, వైఎంసీఏ, సెయింట్‌ జాన్సన్‌ రోటరీ మీదుగా వెళ్లాలి.
  బోయిన్‌పల్లి, తాడ్‌బన్‌ నుంచి టివోలి వైపు వెళ్లే వాహనాలను బ్రూక్‌ బాండ్‌ వద్ద నుంచి సీటీఓ, రాణిగంజ్‌ వైపు మళ్లిస్తారు,
• కార్ఖానా, జేబీఎస్‌ నుంచి ఎస్‌బీఐ ప్యాట్నీ వైపు స్వీకార్‌ ఉపకార్‌ నుంచి వైఎంసీఏ, క్లాక్‌ టవర్‌ మీదుగా వెళ్లాలి.
• ప్యాట్నీ నుంచి ఎస్‌బీఐ‌, స్వీకార్‌ ఉపకార్‌ వైపు వాహనాలను అనుమతించరు. క్లాక్‌ టవర్స్‌ వద్ద నుంచి వైఎంసీఏ వైపు మళ్లిస్తారు.
• తిరుమలగిరి ఆర్టీఏ, కార్ఖానా, మల్కాజిగిరి, సఫిల్‌గూడ నుంచి ఫ్లాజా వైపు వెళ్లే వాహనాలను తివోలి వద్ద నుంచి స్వీకార్‌ ఉపకార్‌, వైఎంసీఏ వైపు మళ్లిస్తారు.
• జూబ్లీహిల్స్‌ చెక్‌పోస్టు నుంచి బేగంపేట వెళ్లే వాహనాలను పంజాగుట్ట వద్ద ఖైరతాబాద్‌, గ్రీన్‌లాండ్‌, రాజ్‌భవన్‌ వైపు మళ్లిస్తారు.