గ్రీన్‌ హైడ్రోజన్‌ ప్లాంట్‌కు కోటి సబ్సిడీ

తెలంగాణలో హరిత ఇం ధనాన్ని ప్రోత్సహించేందుకు రాష్ట్ర ప్ర భుత్వం కొత్త పాలసీని రూపొందిస్తున్నది. 2030 నాటికి 20 వేల మెగావాట్ల గ్రీన్‌ ఎనర్జీని ఉత్పత్తి చేయాలని లక్ష్యంగా పెట్టుకున్న ప్రభుత్వం.. సం బంధిత ముసాయిదాపై శుక్రవారం సంబంధిత భాగస్వాములు, వాటాదారులతో సంప్రదింపులు జరిపింది.

• కొత్త గ్రీన్‌ ఎనర్జీ పాలసీని రూపొందిస్తున్న రాష్ట్ర ప్రభుత్వం

హైదరాబాద్‌, జనవరి 3 (నమస్తే తెలంగాణ): తెలంగాణలో హరిత ఇంధనాన్ని ప్రోత్సహించేందుకు రాష్ట్ర ప్ర భుత్వం కొత్త పాలసీని రూపొందిస్తున్నది. 2030 నాటికి 20 వేల మెగావాట్ల గ్రీన్‌ ఎనర్జీని ఉత్పత్తి చేయాలని లక్ష్యంగా పెట్టుకున్న ప్రభుత్వం.. సం బంధిత ముసాయిదాపై శుక్రవారం సంబంధిత భాగస్వాములు, వాటాదారులతో సంప్రదింపులు జరిపింది. మాదాపూర్‌లోని హెచ్‌ఐసీసీలో జరిగిన ఈ కార్యక్రమానికి ఉప ముఖ్యమంత్రి భట్టివిక్రమార్క హాజరయ్యా రు. సీఐఐ, ఫిక్కీ, ఎన్టీపీసీ, ఎఫ్‌టీసీసీఐ, సోలార్‌ ఎనర్జీ అసొసియేషన్‌ తదితర సంస్థల ప్రతినిధులతో చర్చించారు.

గ్రీన్‌ ఎనర్జీ సామర్థ్యాన్ని పెం చేందుకు రాష్ట్రంలో ప్లోటింగ్‌ సోలార్‌, వేస్ట్‌ టు ఎనర్జీ, గ్రీన్‌ హైడ్రోజన్‌, పంప్డ్‌ స్టోరేజీ ప్లాంట్లను నెలకొల్పుతారు. ఈ 20 వేల మెగావాట్ల గ్రీన్‌ ఎనర్జీలో సింగరేణి సంస్థ 5 వేల మెగావాట్లు ఉత్పత్తి చేయనున్నట్టు తెలిసింది. ఇదిలా ఉండగా, గ్రీన్‌ ఎనర్జీ పాలసీని మంత్రివర్గం ఆమోదించిన తర్వాత తుది పాలసీని ప్రకటిస్తామని డిప్యూటీ సీఎం భట్టివిక్రమార్క తెలిపారు. రాష్ట్రంలో నిరుపయోగంగా ఉన్న ప్రభుత్వ భూములను సౌర విద్యుత్తు ప్లాంట్ల ఏర్పాటు కోసం లీజుకు ఇవ్వాలని తెలంగాణ సోలార్‌ ఎనర్జీ అసొసియేషన్‌ ప్రభుత్వాన్ని కోరింది.

ముఖ్య ప్రోత్సాహకాలు ఇవే..

• గ్రీన్‌ హైడ్రోజన్‌ ప్లాంట్లకు పెట్టుబడిలో 25% (గరిష్ఠంగా రూ.కోటి) సబ్సిడీగా సమకూరుస్తారు.
• ప్లాంట్ల ఏర్పాటుకు ప్రైవేట్‌ వ్యవసాయ స్థలాలను నాన్‌ అగ్రికల్చర్‌ ల్యాండ్‌గా కన్వర్ట్‌ చేస్తారు.
• మెటీరియల్‌, పరికరాలపై స్టేట్‌ జీఎస్టీని రీయింబర్స్‌ చేస్తారు.
• పావలా వడ్డీతో ఐదేండ్లపాటు రుణాలిస్తారు. పెట్టుబడిలో 15% (గరిష్ఠంగా రూ.20 లక్షలు) సబ్సిడీగా సమకూరుస్తారు.
• వందశాతం స్టాంప్‌ డ్యూటీ రీయింబర్స్‌మెంట్‌ వర్తిస్తుంది. 20% సబ్సిడీగా ఇస్తారు. ఒక్కో వ్యక్తికి 2 వేల చొప్పున చెల్లిస్తారు.
• క్వాలిటీ సర్టిఫికేషన్‌, పెటెంట్‌ హక్కుల కోసం 50% (గరిష్ఠంగా 2 లక్షలు) రీయింబర్స్‌ చేస్తారు.
• ట్రాన్స్‌మిషన్‌ చార్జీల్లో ఐదేండ్లు 50%, ఎలక్ట్రిసిటీ డ్యూటీ, సర్‌చార్జీల్లో 100% మినహాయింపు.