అమరుల త్యాగ ఫలితమే తెలంగాణ.. గవర్నర్‌ శివప్రతాప్‌ శుక్లా

అమరుల త్యాగాలు, దశాబ్దాల పోరాటాల ఫలితమే తెలంగాణ ఆవిర్భావమని గవర్నర్‌ శివప్రతాప్‌ శుక్లా పేర్కొన్నారు. రాష్ట్ర ఆవిర్భావ దినోత్సవ వేడుకల సందర్భంగా మంగళవారం లోక్‌భవన్‌లో ఆయన జాతీయ పతాకాన్ని ఆవిష్కరించారు.

హైదరాబాద్‌, జూన్‌ 2 (నమస్తే తెలంగాణ): అమరుల త్యాగాలు, దశాబ్దాల పోరాటాల ఫలితమే తెలంగాణ ఆవిర్భావమని గవర్నర్‌ శివప్రతాప్‌ శుక్లా పేర్కొన్నారు. రాష్ట్ర ఆవిర్భావ దినోత్సవ వేడుకల సందర్భంగా మంగళవారం లోక్‌భవన్‌లో ఆయన జాతీయ పతాకాన్ని ఆవిష్కరించా రు. అనంతరం పోలీసుల గౌరవ వందనం స్వీకరించి మాట్లాడారు.

రాష్ట్రం మ రింత అభివృద్ధి సాధించాలని ఆకాంక్షించారు. గవర్నర్‌ ప్రత్యేక ప్రధాన కార్యదర్శి దాన కిశోర్‌, సంయుక్త కార్యదర్శి శశికిరణాచారి, సిబ్బంది పాల్గొన్నారు.