Telangana | చిన్నారుల రక్షణ, పోషణ విషయంలో దేశానికే ఆదర్శంగా నిలిచిన తెలంగాణ

చిన్నారుల రక్షణ, పోషణ విషయంలో తెలంగాణ సర్కా రు దేశానికే ఆదర్శంగా నిలిచింది. అనాథ పిల్లలను అ మ్మలా ఆదరిస్తున్నది. అనాథ పిల్లలకు శాశ్వతంగా భరోసా ఉండే విధాన నిర్ణయం రూపుదిద్దుకుంటున్నది.

• చిన్నారుల పోషణ, రక్షణలో రాష్ట్రం టాప్‌
• ఆర్ఫన్‌ పాలసీకి తుదిమెరుగులు
• ఏపీలో స్త్రీ, శిశు సంక్షేమ శాఖ మంత్రి సత్యవతి రాథోడ్‌ బృందం పర్యటన

హైదరాబాద్‌, ఆగస్టు 12 (నమస్తే తెలంగాణ): చిన్నారుల రక్షణ, పోషణ విషయంలో తెలంగాణ సర్కా రు దేశానికే ఆదర్శంగా నిలిచింది. అనాథ పిల్లలను అ మ్మలా ఆదరిస్తున్నది. అనాథ పిల్లలకు శాశ్వతంగా భరోసా ఉండే విధాన నిర్ణయం రూపుదిద్దుకుంటున్నది. ‘దేశంలో మరే రాష్ట్రంలో లేని పాలసీని రూపొందించాలి. రాష్ట్రంలో అనాథ బిడ్డలు ఆగం కావద్దు. వారిని ప్రభుత్వ బిడ్డలుగా పరిగణించి సకల వసతులు కల్పించటమే కాకుండా తమ కాళ్ల మీద తాము నిలబడేదాకా వారిని కంటికిరెప్పలా కాపాడుకోవాలి’ అని ఇటీవల మంత్రివర్గ ఉపసంఘానికి సీఎం కేసీఆర్‌ దిశానిర్దేశం చేశారు.

మంత్రివర్గ ఉపసంఘం పలుమార్లు సమావేశమై అనాథ చిన్నారులకు అండగా ఉండే నివేదికను రూపొందించారు. ఈ నివేదికను పరిశీలించిన సీఎం కేసీఆర్‌ మరికొన్ని అంశాల్లో చేర్చాలని సూచించినట్టు తెలిసింది. ఈ నేపథ్యంలో మంత్రి సత్యవతి రాథోడ్‌, సీఎం కార్యదర్శి స్మితాసభర్వాల్‌, హరితహారం ఓఎస్డీ ప్రియాంక వర్గీస్‌, రాష్ట్ర స్త్రీ, శిశు సంక్షేమశాఖ కమిషనర్‌ భారతి హోలీకెరీ, మున్సిపల్‌ శాఖ డైరెక్టర్‌ పమేలా సత్పతి తదితరులు శుక్ర, శనివారాలు విశాఖపట్నంలోని ఎస్‌వోఎస్‌ ఎన్జీవో నిర్వహిస్తున్న అనాథ ఆశ్రమాన్ని క్షేత్రస్థాయిలో అధ్యయనం చేస్తున్నారు. తిరిగి వచ్చాక హైదరాబాద్‌లోని అదే ఎస్‌వోఎస్‌ను మంత్రుల బృందం పరిశీలించి ఇప్పటికే రూపొందించిన అంశాలకుతోడు సీఎం కేసీఆర్‌ చేసిన సూచనలను పరిగణనలోకి తీసుకొని తుది సిఫారసులను చేయనున్నది.

అనేక అంశాల్లో మనమే టాప్‌

• అనాథలు, నిరాదరణకు గురైన పిల్లలను సంరక్షించడానికి రాష్ట్రంలో 17 శిశు గృహాలు (0-6 ఏండ్ల చిన్నారులకు), 35 బాల సదనాలు (7 నుంచి 18 ఏండ్ల చిన్నారులలకు) ఉన్నాయి.
• శిశువిహార్‌కు జాతీయ గుర్తింపు: హైదరాబాద్‌లోని స్త్రీ, శిశు సంక్షేమశాఖ ప్రాంగణంలోని శిశువిహార్‌కు జాతీయ ప్రశంసలు. మోడల్‌ చైల్డ్‌ కేర్‌ ఇన్‌స్టిట్యూట్‌గా గుర్తింపు. శిశు విహార్‌ తరహాలో దేశంలో అన్ని రాష్ర్టాల్లో ఏర్పాటు చేయాలని కేంద్రం నిర్ణయం.
• దేశంలోనే మేటిగా బాలరక్షక భవనాలు: పిల్లల పరిరక్షణ, భద్రత కోసం రాష్ట్రంలోని ప్రతి జిల్లాలో బాలరక్ష భవనాలను ప్రభుత్వం ఏర్పాటు చేసింది. ఎకడాలేని విధంగా ప్రభుత్వమే ఈ తరహా నిర్వహణ అద్భుతమని కేంద్రం ప్రశంసించింది.
• బాల రక్షక్‌ వాహనం: చైల్డ్‌ 1088తో కలిసి బాల రక్షక్‌ వాహనాల ద్వారా ఆపదలో ఉన్న చిన్నారులను వెంటనే రక్షించి, వారిని సురక్షిత ప్రాంతాలకు చేర్చుతున్నది. 2021 నవంబర్‌ 14 నుంచి ఇప్పటి వరకు 9,591 మంది పిలలలను బాలరక్షక్‌ వాహనాల ద్వారా రక్షించారు. ఈ వ్యవస్థను దేశంలో తొలిసారిగా తెలంగాణ అమలుచేసిందని కేంద్రం కీర్తించింది.
• తెలంగాణ స్టేట్‌ చైల్డ్‌ ప్రొటెక్షన్‌ వెల్ఫేర్‌ పోర్టల్‌ ద్వారా సంరక్షణ, రక్షణ అవసరమైన పిల్లల శ్రేయస్సును ప్రభుత్వం పర్యవేక్షిస్తున్నది. ఇప్పటి వరకు దాదాపు 20,000 మంది పిల్లలు ఈ పోర్టల్‌ ద్వారా పర్యవేక్షణ గొడుగు కిందకు వచ్చారు. ఈ పోర్టల్‌కు జాతీయస్థాయిలో ఈ -గవర్నెన్స్‌ అవార్డు లభించింది.
• సులభతర దత్తత విధానం..కేంద్రం ప్రశంస: తెలంగాణ రాష్ట్రం చిన్నారుల దత్తతకు ఏర్పాటు చేసిన హెల్ప్‌ డెస్క్‌కు (1098) జాతీయ స్థాయిలో ప్రశంసలు పొందింది. చట్టపరమైన దత్తత ప్రక్రియలో తల్లిదండ్రులకు ఈ హెల్ప్‌డెస్‌ మార్గదర్శకత్వం, కౌన్సెలింగ్‌ నిర్వహిస్తున్నది. వ్యక్తిగత సమావేశాలు, వీడియో కాన్ఫరెన్స్‌లు 040-23748683/4 ఫోన్‌ ద్వారా నిర్వహిస్తున్నది. సులభతర దత్తత విధానంతో 2022-23లో 181 మంది చిన్నారులు స్థానికంగా, మరో 42 మంది చిన్నారులు వివిధ దేశాల్లో (దత్తత స్వీకరించింది రాష్ట్రం వారే అయినా తెలంగాణ ప్రవాసీయుల) చట్టబద్ధ దత్తకు వెళ్లారు.
• బాల్య వివాహాలను నిరోధించేందుకు రాష్ట్ర ప్రభుత్వం స్త్రీ, శిశు సంక్షేమశాఖ ద్వారా అన్ని జిల్లాల్లో విస్తృత అవగాహన, చైతన్య కార్యక్రమాలను నిర్వహిస్తున్నది. ఫలితంగా రాష్ట్రంలో ఈ సంవత్సరం 1,270 బాల్యవివాహాలను అధికార యంత్రాంగం నిరోధించగలిగింది.