ధాన్యం కొనుగోళ్లలో అక్రమాలు

ధాన్యం కొనుగోళ్లలో అక్రమాలు జరుగుతున్నాయని సివిల్‌ సప్లయీస్‌ కార్పొరేషన్‌ మాజీ చైర్మన్‌ రవీందర్‌సింగ్‌ ఆరోపించారు. ధాన్యం కొనుగోలుకు సంబంధించి 33 లక్షల టన్నుల సేకరణ లక్ష్యంగా టెండర్‌ పిలిచారని, ఇప్పటివరకు రెండు లక్షల టన్నులు మాత్రమే కొనుగోలు చేశారని మండిపడ్డారు.

• 700 కోట్లు దండుకునేందుకే టెండర్ల పొడిగింపు
• సివిల్‌ సప్లయీస్‌ కార్పొరేషన్‌ మాజీ చైర్మన్‌ రవీందర్‌సింగ్‌

కరీంనగర్‌ కార్పొరేషన్‌, మే 22: ధాన్యం కొనుగోళ్లలో అక్రమాలు జరుగుతున్నాయని సివిల్‌ సప్లయీస్‌ కార్పొరేషన్‌ మాజీ చైర్మన్‌ రవీందర్‌సింగ్‌ ఆరోపించారు. ధాన్యం కొనుగోలుకు సంబంధించి 33 లక్షల టన్నుల సేకరణ లక్ష్యంగా టెండర్‌ పిలిచారని, ఇప్పటివరకు రెండు లక్షల టన్నులు మాత్రమే కొనుగోలు చేశారని మండిపడ్డారు. ఈ టెండర్‌ పొడిగింపు పేరుతో 700 కోట్లు దండుకోవాలని చూస్తున్నారని, టెండర్‌ను పొడిగించవద్దని డి మాండ్‌ చేశారు.

దీనిపై ఉన్నతాధికారులకు ఫిర్యా దు చేస్తామని తెలిపారు. బుధవారం ఆయన కరీంనగర్‌లోని ఓ ప్రైవేటు హోటల్‌లో మీడియా తో మాట్లాడారు. జిల్లాలో ఇంకా 2 లక్షల మెట్రిక్‌ టన్నుల ధాన్యం కొనాల్సి ఉన్నదని, దానిని ఎ ప్పుడు కొనుగోలు చేస్తారో? చెప్పాలని డిమాండ్‌ చేశారు. రైతులు ఇబ్బందులు పడుతున్నా జిల్లా మంత్రులు పొన్నం ప్రభాకర్‌, శ్రీధర్‌బాబు, ఇన్‌చార్జి మంత్రి ఉత్తమ్‌కుమార్‌రెడ్డి ఏ మాత్రం పట్టించుకోవడం లేదని విమర్శించారు. ధాన్యం కొనుగోలుపై ఇప్పటివరకు ఒక్క సమీక్ష కూడా నిర్వహించలేక పోయారని దుయ్యబట్టారు.