28న తిరుమలలో రథసప్తమి వేడుకలు

Ratha saptami | సూర్యభగవానుడి జయంతి సందర్భంగా ఈ నెల 28న కలియుగ వైకుంఠం తిరుమల శ్రీవేంకటేశ్వర స్వామివారి ఆలయంలో రథ సప్తమి వేడుకలను నిర్వహించనున్నారు.

తిరుమల: సూర్యభగవానుడి జయంతి సందర్భంగా ఈ నెల 28న కలియుగ వైకుంఠం తిరుమల శ్రీవేంకటేశ్వర స్వామివారి ఆలయంలో రథ సప్తమి వేడుకలను నిర్వహించనున్నారు. మినీ బ్రహ్మోత్సవాలుగా పిలిచే రథసప్తమి వేడుకల సందర్భంగా ఏడు వాహనాలపై స్వామివారు విహరించి భక్తులకు దర్శనమిస్తారు. రథ సప్తమి పర్వదినం నేపథ్యంలో ఆలయంలో నిర్వహించే కళ్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్ర దీపాలంకార సేవలను తిరుమల తిరుపతి దేవస్థానం (టీటీడీ) రద్దు చేసింది.

వాహనసేవలు..

• ఉదయం 5.30 నుంచి 8 గంటల వరకు (సూర్యోద‌యం ఉద‌యం 6.45 గంట‌ల‌కు)- సూర్యప్రభ వాహనం
• ఉదయం 9 నుంచి 10 గంటల వరకు- చిన్నశేష వాహనం
• ఉదయం 11 నుంచి 12 గంటల వరకు- గరుడ వాహనం
• మధ్యాహ్నం 1 నుంచి 2 గంటల వరకు- హనుమంత వాహనం
• మధ్యాహ్నం 2 నుంచి 3 గంటల వరకు- చక్రస్నానం
• సాయంత్రం 4 నుంచి 5 గంటల వరకు- కల్పవృక్ష వాహనం
• సాయంత్రం 6 నుంచి 7 గంటల వరకు- సర్వభూపాల వాహనం
• రాత్రి 8 నుంచి 9 గంటల వరకు- చంద్రప్రభ వాహనం