Lok Sabha Elections | 13 అసెంబ్లీ నియోజ‌క‌వ‌ర్గాల్లో ముగిసిన పోలింగ్

Lok Sabha Elections | తెలంగాణ‌లో మావోయిస్టు ప్ర‌భావిత ప్రాంతాలైన‌ 13 అసెంబ్లీ నియోజ‌క‌వ‌ర్గాల్లో సాయంత్రం 4 గంట‌ల‌కు పోలింగ్ ముగిసింది. సాయంత్రం 4 గంట‌ల‌కు క్యూలైన్ల‌లో నిల్చున్న వారంద‌రికీ ఓటేసేందుకు అధికారులు అవ‌కాశం క‌ల్పిస్తున్నారు.

Lok Sabha Elections | హైద‌రాబాద్ : తెలంగాణ‌లో మావోయిస్టు ప్ర‌భావిత ప్రాంతాలైన‌ 13 అసెంబ్లీ నియోజ‌క‌వ‌ర్గాల్లో సాయంత్రం 4 గంట‌ల‌కు పోలింగ్ ముగిసింది. సాయంత్రం 4 గంట‌ల‌కు క్యూలైన్ల‌లో నిల్చున్న వారంద‌రికీ ఓటేసేందుకు అధికారులు అవ‌కాశం క‌ల్పిస్తున్నారు. మిగిలిన 106 అసెంబ్లీ సెగ్మెంట్ల‌లో సాయంత్రం 6 గంట‌ల‌కు పోలింగ్ కొన‌సాగ‌నుంది.

మ‌హ‌బూబాబాద్, పెద్ద‌ప‌ల్లి, ఆదిలాబాద్, ఖ‌మ్మం, వ‌రంగ‌ల్ లోక్‌స‌భ నియోజ‌క‌వ‌ర్గాల ప‌రిధిలోని స‌మ‌స్యాత్మ‌క‌మైన 13 అసెంబ్లీ నియోజ‌క‌వ‌ర్గాల్లో ఉద‌యం 7 గంట‌ల‌కు పోలింగ్ ప్రారంభ‌మై.. సాయంత్రం 4 గంట‌ల వ‌ర‌కు కొన‌సాగింది. సిర్పూర్, ఆసిఫాబాద్, చెన్నూరు, బెల్లంప‌ల్లి, మంచిర్యాల‌, మంథ‌ని, భూపాల‌ప‌ల్లి, ములుగు, పిన‌పాక‌, ఇల్లెందు, భ‌ద్రాచ‌లం, కొత్త‌గూడెం, అశ్వారావుపేట నియోజ‌క‌వ‌ర్గాల్లో పోలింగ్ ప్ర‌క్రియ ముగిసింది.