Khammam | 2 వర్గాల మధ్య పంచాయితీ.. పరిష్కరించేందుకు వెళ్లిన పోలీసులపై పోడు రైతుల దాడి
ఖమ్మం జిల్లా సత్తుపల్లి మంండలం బుగ్గపాడు పంచాయతీ పరిధిలోని చంద్రాయపాలెంలో ఏండ్ల తరబడి పోడు భూముల పంచాయితీ కొనసాగుతున్నది. ఇదే విషయమై ఆదివారం గిరిజనుల మధ్య ఘర్షణ తలెత్తింది.
- సీఐ సహా ముగ్గురు పోలీసులకు గాయాలు.. ఖమ్మం జిల్లా సత్తుపల్లి మండలంలో ఘటన
Khammam | సత్తుపల్లి, మార్చి 31: ఖమ్మం జిల్లా సత్తుపల్లి మంండలం బుగ్గపాడు పంచాయతీ పరిధిలోని చంద్రాయపాలెంలో ఏండ్ల తరబడి పోడు భూముల పంచాయితీ కొనసాగుతున్నది. ఇదే విషయమై ఆదివారం గిరిజనుల మధ్య ఘర్షణ తలెత్తింది. సమాచారం అందుకున్న పోలీసులు అడ్డుకునేందుకు వెళ్లగా.. గిరిజనులు వారిపై దాడికి దిగారు. వివరాల్లోకి వెళ్తే.. బుగ్గపాడు రెవెన్యూ పరిధిలోని చంద్రాయపాలెంలో స్వర్గీయ మాజీ ముఖ్యమంత్రి జలగం వెంగళరావు హయాంలో 400 ఎకరాల్లో పోడు పట్టాలిచ్చారు. అప్పటి నుంచి చంద్రాయపాలెం గిరిజనులు ఆ భూమిని సాగుచేసుకుంటున్నారు. అయితే.. అందులో 30 ఎకరాల భూమికి సంబంధించి వివాదం నెలకొంది. శనివారం బుగ్గపాడు, ఇతర ప్రాంతాల గిరిజనులు వెళ్లి భూమిని చదును చేస్తుండటంతో చంద్రాయపాలెం గిరిజనులు అడ్డుకున్నారు.
30 ఎకరాల్లో ఉన్న ఆ భూమి తమదంటే తమదని గొడవకు దిగారు. ఈ విషయమై గ్రామానికి చెందిన ఓ వ్యక్తి పోలీసులకు సమాచారం అందించడంతో సీఐ కిరణ్ తన సిబ్బందితో కలిసి ఘటనా స్థలానికి చేరుకున్నారు. ఇరువర్గాలను విడదీసే ప్రయత్నం చేస్తుండగా.. బుగ్గపాడుకు చెందిన గిరిజనులు ఒక్కసారిగా పోలీసులపై దాడిచేసి తీవ్రంగా కొట్టారు. ఈ దాడిలో సీఐ కిరణ్తో సహా మరో ముగ్గురు పోలీసులకు గాయాలయ్యాయి. అప్పటికే 300 మందికి పైగా గిరిజనులు చుట్టుముట్టి పోలీసులపై దౌర్జన్యానికి దిగడంతో వెనక్కి వచ్చారు. తర్వాత ఏసీపీ అనిశెట్టి రఘు ఆధ్వర్యంలో సబ్డివిజన్లోని పోలీసులతో కలిసి చంద్రాయపాలెం వెళ్లి దౌర్జన్యానికి దిగిన 30 మందికి పైగా గిరిజనులను గుర్తించి స్టేషన్కు తరలించారు. ఏసీపీ అనిశెట్టి రఘు, ఎఫ్డీవో మంజుల, ఎఫ్ఆర్వో స్నేహలత ఘటనా స్థలానికి చేరుకుని పరిస్థితిని సమీక్షించారు.
Read Today's Latest Telangana News in Telugu and Telugu News
- Tags
- khammam
- Podu farmers
- Police
- Tribals
RELATED ARTICLES
తాజా వార్తలు
Shadow CMO | ఆరో అంతస్తులో ఆయనదే హవా.. సచివాలయంలో సీఎంవోకు సమాంతరంగా షాడో వ్యవస్థ!
Ramayana | బాక్సాఫీస్ వద్ద రామాయణ విధ్వంసం.. రూ.1600 కోట్లకు పైగా వసూళ్లు, బుక్ మై షోలో సరికొత్త రికార్డు!
Aarogyasri | ఏడాదిగా జీతాల్లేవ్.. కుటుంబ పోషణ కోసం ర్యాపిడో డ్రైవర్లుగా మారిన ఆరోగ్యశ్రీ ఉద్యోగులు
Bigg Boss 10 | వంశీపై నాగార్జున ఫైర్.. వర్షిణికి క్లాస్,కెప్టెన్సీ పోటీకి ముకేశ్ అర్హత!
Mining Mafia | మాఫియాతో మైనింగ్ శాఖ కుమ్మకు.. ప్రభుత్వ ఖజానాకు వందల కోట్లకు గండి!
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

