బిజినెస్‌ విద్యలో బాద్‌షా ఐఎస్‌బీ

ఇండియన్‌ బిజినెస్‌ స్కూల్‌(ఐఎస్‌బీ) హైదరాబాద్‌కు తలమానికం లాంటి విద్యాసంస్థ. అంతర్జాతీయ ప్రమాణాలు, అధునాతన బోధన, రిసెర్చ్‌ను అనుసరించే ఈ సంస్థలో చదువుకొనేందుకు దేశ, విదేశీ విద్యార్థులు క్యూ కడుతుంటారు. దాదాపు 60 దేశాలకు చెందిన 13,500 మంది విద్యార్థులు ఐఎస్‌బీలో

• అంతర్జాతీయ విద్యా ప్రమాణాలకు నెలవు
• క్యాంపస్‌ ప్లేస్‌మెంట్స్‌లో భారీ ప్యాకేజీలు
• హైదరాబాద్‌కే గర్వకారణమైన విద్యాసంస్థ
• రేపు ద్విశతాబ్ది ఉత్సవాలు- ప్రధాని హాజరు

హైదరాబాద్‌, మే 24 (నమస్తే తెలంగాణ): ఇండియన్‌ బిజినెస్‌ స్కూల్‌(ఐఎస్‌బీ) హైదరాబాద్‌కు తలమానికం లాంటి విద్యాసంస్థ. అంతర్జాతీయ ప్రమాణాలు, అధునాతన బోధన, రిసెర్చ్‌ను అనుసరించే ఈ సంస్థలో చదువుకొనేందుకు దేశ, విదేశీ విద్యార్థులు క్యూ కడుతుంటారు. దాదాపు 60 దేశాలకు చెందిన 13,500 మంది విద్యార్థులు ఐఎస్‌బీలో చదువుకొన్నారు. 49 వేల ఎగ్జిక్యూటివ్‌లు, 600లకు పైగా వ్యాపారవేత్తలు ఐఎస్‌బీ కోర్సులను పూర్తిచేశారు.

ఇక్కడి విద్యార్థులకు భారీ డిమాండ్‌ ఉంటుంది. క్యాంపస్‌ ప్లేస్‌మెంట్స్‌లో భాగంగా ప్రముఖ సంస్థలు భారీ ప్యాకేజీలు ఇచ్చేందుకు ముందుకొస్తున్నాయి. ఐటీసీ లిమిటెడ్‌, సిరియోన్‌ ల్యాబ్స్‌, పీడబ్ల్యూపీ డియోక్‌, ఇండిజెన్‌ఇంక్‌, వాటర్‌ఫీల్డ్‌ అడ్వైజర్స్‌, ల్యాండ్‌ మార్క్‌, యాంబిట్‌ సంస్థలు మంచి ఆఫర్లు ఇస్తున్నాయి. ఈ సంస్థ ద్విదశాబ్ది ఉత్సవాలను జరుపుకొంటున్నది. గురువారం ఐఎస్‌బీలో నిర్వహించే ఉత్సవాలకు ప్రధాని మోదీ హాజరుకానున్నారు.

 

ఐఎస్‌బీ చరిత్రలో ముఖ్య ఘట్టాలు

• 1996లో ఐఎస్‌బీ బోర్డు ఏర్పాటయ్యింది.
• 1999లో ఐఎస్‌బీకి శంకుస్థాపన చేశారు.
• 2001లో ప్రారంభమైంది. తొలుత పీజీ ప్రోగ్రాం ఎగ్జిక్యూటివ్‌ ఎడ్యుకేషన్‌ను ప్రారంభించారు.
• 2003లో ఎక్స్‌పెరిమెంటల్‌ లర్నింగ్‌ ప్రోగ్రాం ఫర్‌ పీజీపీ మొదలు.
• 2005లో పేద విద్యార్థులను ఆదుకొనేందుకు బంధన్‌ పేరుతో కార్యక్రమం ప్రారంభం.
• 2009లో పీజీపీ ఇన్‌ మేనేజ్‌మెంట్‌ ఫర్‌ సీనియర్‌ ఎగిక్యూటివ్స్‌ ప్రారంభం.
• 2010లోఎంఐటీ, ఫ్ల్రెచర్‌ స్కూల్‌తో ఎంవోయూ.
• 2011లో ఎఫ్‌పీఎం ప్రారంభం. దక్షణాసియాలో తొలిసారిగా ఏఏసీఎస్‌బీ ఆక్రిడిటేషన్‌ పొందిన తొలి విద్యాసంస్థగా ఘనత.
• 2012లో పీజీపీ ఇన్‌ మేనేజ్‌మెంట్‌ ఫర్‌ ఫ్యామిలీ బిజినెస్‌, మొహాలీలో క్లాసులు ప్రారంభం.
• 2013లో సర్టిఫికెట్‌ ప్రోగ్రాం ఇన్‌ బిజినెస్‌ అనలైటిక్స్‌ ప్రారంభం.
• 2014లో యూటీ డల్లాస్‌ టాప్‌-100 ర్యాంకింగ్స్‌లో చోటు. ఐఎస్‌బీ విద్యార్థులు హల్ట్‌ బహుమతిని మాజీ అమెరికా అధ్యక్షుడు బిల్‌క్లింటన్‌ చేతుల మీదుగా అందుకొన్నారు.
• 2015లో అడ్వాన్స్‌డ్‌ మేనేజ్‌మెంట్‌ ప్రోగ్రాం ఇన్‌ పబ్లిక్‌ పాలసీ అండ్‌ మాన్యుఫ్యాక్చరింగ్‌ అండ్‌ అపరేషన్స్‌ ప్రారంభం. స్టార్టప్స్‌ ఇంక్యుబేషన్‌ కోసం డీ ల్యాబ్స్‌ ప్రారంభం.
• 2016లో వర్కింగ్‌ ప్రొఫెషనల్స్‌ కోసం.. వైద్యం, మౌలిక వసతుల కల్పన రంగాల్లో పీజీపీ ఇన్‌ మేనేజ్‌మెంట్‌ కోర్సుల ప్రారంభం.
• 2017లో ఈక్యూయూఐఎస్‌ అక్రిడిటేషన్‌ గుర్తిం పు లభించింది.
• 2018లో ఎగ్జిక్యూటివ్‌ ఫెలో ప్రోగ్రాం ఇన్‌ మేనేజ్‌మెంట్‌ కోర్సు ప్రారంభం.
• 2019లో ఫోర్బ్స్‌ బెస్ట్‌ బిజినెస్‌ స్కూల్స్‌ ర్యాంకింగ్స్‌లో 7వ స్థానం.
• 2020లో ఏఏసీఎస్‌బీ, ఈక్యూయూఐఎస్‌తో పాటు ఏఎంబీఏ అక్రిడిటేషన్‌ గుర్తింపు. ఆర్టిఫిషియల్‌ ఇంటెలిజెన్స్‌ అండ్‌ డిజైన్‌ కెపాసిటీ బిల్డింగ్‌ ఏర్పాటుకు భారతీయ రైల్వేతో ఒప్పందం.
• 2021లో బ్లూంబర్గ్‌ బిజినెస్‌ వీక్‌ బెస్ట్‌ బీ స్కూల్‌ ర్యాకింగ్స్‌లో ఆసియా-ఫసిఫిక్‌ ప్రాంతంలో 5, దేశంలో తొలిస్థానం లభించింది. సెంటర్‌ ఫర్‌ లర్నింగ్‌ అండ్‌ మేనేజ్‌మెంట్‌ ప్రాక్టీస్‌ ప్రారంభం.
• 2022లో ఫ్ల్రెచర్‌ స్కూల్‌తో ఒప్పందం కొనసాగింపు

ప్రముఖుల సందర్శనలు

• 2001లో అప్పటి ప్రధాని వాజ్‌పేయి ఐఎస్‌బీని ప్రారంభించారు.
• 2002లో మొదటి గ్రాడ్యుయేషన్‌ డేకు అప్పటి రాష్ట్రపతి అబ్దుల్‌ కలాం హాజరయ్యారు.
• 2006లో అప్పటి అమెరికా అధ్యక్షుడు జార్జ్‌ డబ్ల్యూ బుష్‌ ఐఎస్‌బీని సందర్శించారు.
• 2006లో ఐదో వార్షికోత్సవానికి అప్పటి ప్రధాని మన్మోహన్‌సింగ్‌ హాజరయ్యారు.
• 2011లో పదో వార్షికోత్సవానికి అప్పటి రాష్ట్రపతి ప్రతిభాపాటిల్‌ హాజరయ్యారు.
• 2016లో 15వ వార్షికోత్సవంలో అప్పటి రాష్ట్రపతి ప్రణబ్‌ముఖర్జీ పాల్గొన్నారు.
• 20వ వార్షికోత్సవానికి ప్రధాని వస్తున్నారు.