ఉత్కంఠగా దీక్షా దివస్
ఒక్కసారిగా 14 ఏండ్ల కిందటి సన్నివేశాలు పునరావృతమయ్యాయి. తెలంగాణభవన్లో బుధవారం ఉద్యమకాలం నాటి ఉత్కంఠ వాతావరణం నెలకొన్నది. పోలీసులు నాటి అత్యుత్సాహాన్నే ప్రదర్శించారు. బీఆర్ఎస్ పార్టీ తలపెట్టిన దీక్షా దివస్ కార్యక్రమంపై ఆంక్షలు విధించారు. ఎట్టిపరిస్థితుల్లో నిర్వహించకూడదని బీష్మించారు.
- తెలంగాణభవన్లో ఉద్యమ సన్నివేశం
- వద్దన్న పోలీసులు.. సర్దిచెప్పిన నేతలు
- కేటీఆర్ రక్తదానం చేసి శిబిరం ప్రారంభం
హైదరాబాద్, నవంబర్ 29 (నమస్తే తెలంగాణ): ఒక్కసారిగా 14 ఏండ్ల కిందటి సన్నివేశాలు పునరావృతమయ్యాయి. తెలంగాణభవన్లో బుధవారం ఉద్యమకాలం నాటి ఉత్కంఠ వాతావరణం నెలకొన్నది. పోలీసులు నాటి అత్యుత్సాహాన్నే ప్రదర్శించారు. బీఆర్ఎస్ పార్టీ తలపెట్టిన దీక్షా దివస్ కార్యక్రమంపై ఆంక్షలు విధించారు. ఎట్టిపరిస్థితుల్లో నిర్వహించకూడదని బీష్మించారు. 2009 నవంబర్ 29వ తేదీని తెలంగాణ సమాజం మరచిపోదని, తెలంగాణ రాష్ట్ర సాధనే ఏకైక లక్ష్యంగా బీఆర్ఎస్ పార్టీ అధినేత, సీఎం కేసీఆర్ ‘తెలంగాణ వచ్చుడో.. కేసీఆర్ సచ్చుడో.., తెలంగాణ జైత్రయాత్ర.. కేసీఆర్ శవయాత్ర’ అంటూ ఆమరణ నిరాహారదీక్ష చేపట్టడం ద్వారా తెలంగాణ రాష్ట్ర స్వప్నం సాకారమైందని, 2010 నంచి తాము క్రమం తప్పకుండా నిర్వహిస్తున్నామని ఇప్పుడెందుకు తమను అడ్డుకుంటున్నారని బీఆర్ఎస్ నేతలు పోలీసులతో వాదించారు.
ఒక దశలో తెలంగాణభవన్ నుంచి ఎవరూ బయటకు రాకూడదని, బయట నుంచి ఎవరూ లోపలికి వెళ్లకూడదని పోలీసులు ఆంక్షలు విధించారు. ఎన్నికల కోడ్ అమలులో ఉన్నందున దీక్షా దివస్ నిర్వహించొద్దని పోలీసులు తేల్చి చెప్పారు. ఆనవాయితీగా నిర్వహిస్తున్న దీక్షా దివస్ను అడ్డుకోవడం అన్యాయమని ఎమ్మెల్సీ శంభీపూర్ రాజు, పార్టీ జనరల్ సెక్రటరీ సోమా భరత్కుమార్ తదితరులు పోలీసులకు తెలిపారు. పోలింగ్ కేంద్రానికి 200 మీటర్ల దూరంలో తెలంగాణభవన్ ఉన్నదని, తాము నిబంధనల ప్రకారమే తమ కార్యక్రమాన్ని నిర్వహిస్తున్నామని, తెలంగాణభవన్ ప్రాంగణంలో నిర్వహించుకొనే స్వేచ్ఛ తమకు ఉన్నదని తేల్చిచెప్పారు. వాదనలు.. చర్చోపచర్చలు నిర్వహించిన అనంతరం పోలీసులు తెలంగాణభవన్లో కార్యక్రమాలు నిర్వహించుకోవడానికి అనుమతి ఇచ్చారు.
తెలంగాణభవన్ ప్రాంగణంలోని తెలంగాణ తల్లి విగ్రహానికి పూలమాల వేసి, భవన్లో ఉన్న ఆచార్య కొత్తపల్లి జయశంకర్ విగ్రహానికి బీఆర్ఎస్ వర్కింగ్ ప్రెసిడెంట్, రాష్ట్ర పురపాలక, ఐటీశాఖల మంత్రి కేటీఆర్, ఎమ్మెల్సీ నవీన్కుమార్, మాజీ ఎమ్మెల్సీ శ్రీనివాస్రెడ్డి, పార్టీ నేతలు నాయినేని రాజేశ్వర్రావు తదితరులో కలిసి పూలమాల వేసి నివాళులు అర్పించారు. కాగా, రాష్ట్ర సాధనను సాకారం చేసిన కేసీఆర్ దీక్షా దివస్ను ఎన్నారైలు ప్రపంచవ్యాప్తంగా నిర్వహించారు. అన్ని దేశాల్లోని ఎన్నారైలు సీఎం కేసీఆర్ పోరాటాన్ని స్మరించుకునట్టు బీఆర్ఎస్ ఎన్నారై కో ఆర్డినేటర్ మహేశ్ బిగాల తెలిపారు.
మంత్రి కేటీఆర్ రక్తదానం
దీక్షా దివస్ సందర్భంగా మంత్రి కేటీఆర్ రక్తదానం చేసి రక్తదాన శిబిరాన్ని ప్రారంభించారు. పలువురు ప్రజాప్రతినిధులు, స్థానిక సంస్థల నాయకులు, పార్టీ నేతలు, వివిధ అనుబంధ సంఘాల నేతలు రక్తదానం చేశారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Komatireddy Rajagopal Reddy | ఖబడ్దార్ బిడ్డా యుద్దం స్టార్ట్ అయితది.. రేవంత్ రెడ్డికి ఎమ్మెల్యే కోమటిరెడ్డి రాజగోపాల్ రెడ్డి మాస్ వార్నింగ్
Donald Trump: ట్రంప్ను హత్తుకున్న జిన్పింగ్.. చైనాకు ఎన్విడియా చిప్స్ బంద్
Dogra Front | లష్కరే ఉగ్రవాది ఎన్కౌంటర్.. జమ్ముకశ్మీర్లో డోగ్రా ఫ్రంట్ సంబురాలు.. Video
Robert Pattinson | రాబర్ట్ స్టార్ హీరో కనుకే తొలుత వ్యతిరేకించాం.. జేమ్స్ బాండ్ ఎంపికపై జెఫ్ బెజోస్ ఆసక్తికర వ్యాఖ్యలు!
Jobs | నైవేలి లిగ్నైట్ కార్పొరేషన్ ఇండియా లిమిటెడ్లో 145 ఎగ్జిక్యూటివ్ ఇంజినీర్ పోస్టులు
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

