Siddhu Jonnalagadda | సిద్దు జొన్నలగడ్డ వెబ్ సిరీస్‌పై వెంకీ అట్లూరి క్లారిటీ.. రిలీజ్ ఎప్పుడంటే?

Siddhu Jonnalagadda | ‘లక్కీ భాస్కర్’తో దర్శకుడిగా మంచి గుర్తింపు తెచ్చుకున్న వెంకీ అట్లూరి ఇప్పుడు ఓటీటీ రంగంలోకి అడుగుపెడుతున్నారు. యంగ్ హీరో సిద్దు జొన్నలగడ్డ, మీనాక్షి చౌదరి జంటగా ఆయన తెరకెక్కిస్తున్న వెబ్ సిరీస్‌పై ఇప్పటికే ప్రేక్షకుల్లో ఆసక్తి నెలకొంది. సితార ఎంటర్‌టైన్‌మెంట్స్ బ్యానర్‌పై నిర్మాత నాగ వంశీ ఈ వెబ్ సిరీస్‌ను నిర్మిస్తున్నారు.

Siddhu Jonnalagadda | ‘లక్కీ భాస్కర్’తో దర్శకుడిగా మంచి గుర్తింపు తెచ్చుకున్న వెంకీ అట్లూరి ఇప్పుడు ఓటీటీ రంగంలోకి అడుగుపెడుతున్నారు. యంగ్ హీరో సిద్దు జొన్నలగడ్డ, మీనాక్షి చౌదరి జంటగా ఆయన తెరకెక్కిస్తున్న వెబ్ సిరీస్‌పై ఇప్పటికే ప్రేక్షకుల్లో ఆసక్తి నెలకొంది. సితార ఎంటర్‌టైన్‌మెంట్స్ బ్యానర్‌పై నిర్మాత నాగ వంశీ ఈ వెబ్ సిరీస్‌ను నిర్మిస్తున్నారు. సినిమాలతో వరుస విజయాలు అందుకుంటున్న ఈ నిర్మాణ సంస్థ తొలిసారి ఓటీటీ కోసం రూపొందిస్తున్న ప్రాజెక్ట్ కావడంతో దీనిపై అంచనాలు ఏర్పడ్డాయి. ముఖ్యంగా సిద్దు జొన్నలగడ్డ, వెంకీ అట్లూరి కాంబినేషన్ కావడంతో ఈ సిరీస్ ఎలా ఉండబోతుందనే ఆసక్తి ప్రేక్షకుల్లో ఉంది.

ఈ వెబ్ సిరీస్‌కు సంబంధించి గతంలో పలు వార్తలు సోషల్ మీడియాలో వైరల్ అయ్యాయి. ముఖ్యంగా ఈ ఏడాదిలోనే ప్రముఖ ఓటీటీ ప్లాట్‌ఫామ్ నెట్‌ఫ్లిక్స్‌లో స్ట్రీమింగ్ కానుందని ప్రచారం జరిగింది. అయితే తాజాగా దర్శకుడు వెంకీ అట్లూరి ఈ వార్తలకు క్లారిటీ ఇచ్చారు. తాజా ఇంటర్వ్యూలో మాట్లాడిన వెంకీ అట్లూరి.. వెబ్ సిరీస్ పనులు అనుకున్న విధంగానే కొనసాగుతున్నాయని, ప్రాజెక్ట్ చాలా బాగా రూపుదిద్దుకుంటోందని తెలిపారు. అయితే 2026లో ఈ సిరీస్ ప్రేక్షకుల ముందుకు రాదని స్పష్టం చేశారు. వెంకీ అట్లూరి వెల్లడించిన వివరాల ప్రకారం ఈ సిరీస్‌ను 2027 ప్రారంభంలో విడుదల చేసేందుకు మేకర్స్ ప్లాన్ చేస్తున్నారు. అంటే వచ్చే ఏడాది మొదటి భాగంలోనే సిద్దు జొన్నలగడ్డ, మీనాక్షి చౌదరి వెబ్ సిరీస్ ప్రేక్షకుల ముందుకు వచ్చే అవకాశం ఉంది.

ఓటీటీ కోసం వెంకీ అట్లూరి ఎలాంటి కథను ఎంచుకున్నారు? సిద్దు జొన్నలగడ్డ పాత్ర ఎలా ఉండబోతోంది? మీనాక్షి చౌదరి పాత్రకు ఎంత ప్రాధాన్యం ఉంది? అనే విషయాలు ప్రస్తుతానికి గోప్యంగానే ఉంచారు. అయితే దర్శకుడు మాత్రం సిరీస్ అవుట్‌పుట్‌పై చాలా నమ్మకంగా ఉన్నట్లు తెలుస్తోంది. ఇప్పటివరకు సినిమాల ద్వారా తనదైన కథ శైలిని చూపించిన వెంకీ అట్లూరి.. ఓటీటీ కోసం తెరకెక్కిస్తున్న ఈ సిరీస్‌తో ఎలాంటి కొత్త అనుభూతిని అందిస్తారనేది ఆసక్తికరంగా మారింది. మరోవైపు ‘డీజే టిల్లు’, ‘టిల్లు స్క్వేర్’ వంటి సినిమాలతో ప్రత్యేకమైన క్రేజ్ తెచ్చుకున్న సిద్దు జొన్నలగడ్డకు ఈ వెబ్ సిరీస్ ఓటీటీ కెరీర్‌లో మరో కీలక ప్రాజెక్ట్‌గా నిలిచే అవకాశం ఉంది. 2027 ప్రారంభంలో సిరీస్‌ను విడుదల చేస్తామని వెంకీ అట్లూరి చెప్పడంతో.. ఈ ప్రాజెక్ట్ కోసం ఎదురుచూస్తున్న అభిమానుల దృష్టి ఇప్పుడు 2027పై పడింది.