Leopard | మెద‌క్ జిల్లాలో బ‌ర్రెపై దాడి చేసి చంపిన చిరుత‌పులి..
Leopard | మెద‌క్ జిల్లాలో ఓ చిరుత పులి క‌ల‌క‌లం సృష్టించింది. రామాయంపేట మండ‌ల ప‌రిధిలోని తొణిగండ్ల గ్రామ స‌మీపంలో చిరుత పులి.. బ‌ర్రెపై దాడి చేసి చంపింది. దీంతో స్థానికులు తీవ్ర భ‌యాందోళ‌న‌కు గుర‌వుతున్నారు.
Leopard | మెద‌క్ : మెద‌క్ జిల్లాలో ఓ చిరుత పులి క‌ల‌క‌లం సృష్టించింది. రామాయంపేట మండ‌ల ప‌రిధిలోని తొణిగండ్ల గ్రామ స‌మీపంలో చిరుత పులి.. బ‌ర్రెపై దాడి చేసి చంపింది. దీంతో స్థానికులు తీవ్ర భ‌యాందోళ‌న‌కు గుర‌వుతున్నారు. ఈ ఘ‌ట‌న శుక్ర‌వారం తెల్ల‌వారుజామున చోటు చేసుకున్న‌ట్లు అట‌వీశాఖ అధికారులు నిర్ధారించారు.
తొణిగండ్ల గ్రామ శివారులో ఉన్న వ్య‌వ‌సాయ పొలంలో కొత్త‌గారి ర‌మేశ్ అనే రైతు బ‌ర్రెను క‌ట్టేశాడు. శుక్ర‌వారం ఉద‌యం అక్క‌డికి వెళ్లి చూడ‌గా బ‌ర్రె చ‌నిపోయి ఉంది. దీంతో ర‌మేశ్ అట‌వీశాఖ అధికారుల‌కు స‌మాచారం అందించాడు. ఘ‌ట‌నాస్థ‌లానికి చేరుకున్న అట‌వీశాఖ అధికారులు.. చ‌నిపోయి ప‌డి ఉన్న బ‌ర్రెను ప‌రిశీలించారు.
చిరుత పులి దాడిలో బ‌ర్రె చ‌నిపోయిన‌ట్లు అట‌వీశాఖ అధికారులు, పోలీసులు నిర్ధారించారు. చిరుత పులి సంచారం నేప‌థ్యంలో గ్రామ‌స్తులు అప్ర‌మ‌త్తంగా ఉండాల‌ని అధికారులు హెచ్చ‌రించారు. స‌మీప అడ‌వుల్లోకి ఎవ‌రూ కూడా ఒంట‌రిగా వెళ్లొద్ద‌ని పోలీసులు సూచించారు. చిరుత పులి జాడ‌లు క‌నిపిస్తే అధికారుల‌కు వెంట‌నే స‌మాచారం అందించాల‌ని సూచించారు.
ఇవి కూడా చ‌ద‌వండి..
Army jawan | అస్సాంలో తెలంగాణకు చెందిన ఆర్మీ జవాన్ మృతి
SCR | ఆగస్టు 5 నుంచి 10 వరకు ఆ రెండు ఎక్స్‌ప్రెస్‌ల రద్దు.. ఎందుకంటే?
Read Today's Latest Telangana News in Telugu and Telugu News
- Follow Us :
-
