5 లక్షల కోట్ల అవినీతి
కాంగ్రెస్ ప్రభుత్వంలో కమీషన్లు ఇవ్వనిదే అభివృద్ధి పనులు జరుగడం లేదని ఆ పార్టీ ఎమ్మెల్యేలే చెప్తున్నరు. పనులు కావాలంటే 15 శాతం కమీషన్ ఇవ్వాల్సి వస్తున్నదని జడ్చర్ల ఎమ్మెల్యే అనిరుధ్రెడ్డి బహిరంగంగా చెప్పిండు. మరోవైపు మునుగోడు ఎమ్మెల్యే కోమటిరెడ్డి రాజగోపాల్రెడ్డి ముఖ్యమంత్రి రేవంత్రెడ్డిపై రూ.5 లక్షల కోట్ల అవినీతి, దోపిడీ ఆరోపణలు చేసిండు. కాంగ్రెస్ ఎమ్మెల్యేలే ప్రభుత్వ అవినీతిని బయటపెడుతుంటే ఇక బీఆర్ఎస్ ప్రత్యేకంగా ఆరోపణలు చేయాల్సిన అవసరమే లేదు.
- రేవంత్రెడ్డి దందాలను సొంత ఎమ్మెల్యేలే బయటపెడుతున్నరు
- ఓటుకు 10-15 వేలిచ్చి ప్రజలను కొనొచ్చు అనుకుంటున్నడు
- దోచుకున్నవారిని ఎట్టిపరిస్థితుల్లోనూ వదిలిపెట్టం : కేటీఆర్
- కాంగ్రెస్ది ప్రజాపాలన కాదు, పక్కా అవినీతి పాలన
- 4.7 లక్షల పెన్షన్ల కోత, రూ.4 వేల హామీ ఎగవేత
- మేడిగడ్డ బరాజ్ను బాంబులతో పేల్చారన్నది నిజం
- అందుకే మూడేండ్లయినా మరమ్మతులు చేస్తలేరు
- తెలంగాణ ఆత్మగౌరవాన్ని ఢిల్లీకి తాకట్టు పెట్టిండ్రు
- ధ్వజమెత్తిన బీఆర్ఎస్ వర్కింగ్ ప్రెసిడెంట్ కేటీఆర్
- భూపాలపల్లి నుంచి బీఆర్ఎస్ లోకి భారీ చేరికలు
కాంగ్రెస్ ప్రభుత్వంలో కమీషన్లు ఇవ్వనిదే అభివృద్ధి పనులు జరుగడం లేదని ఆ పార్టీ ఎమ్మెల్యేలే చెప్తున్నరు. పనులు కావాలంటే 15 శాతం కమీషన్ ఇవ్వాల్సి వస్తున్నదని జడ్చర్ల ఎమ్మెల్యే అనిరుధ్రెడ్డి బహిరంగంగా చెప్పిండు. మరోవైపు మునుగోడు ఎమ్మెల్యే కోమటిరెడ్డి రాజగోపాల్రెడ్డి ముఖ్యమంత్రి రేవంత్రెడ్డిపై రూ.5 లక్షల కోట్ల అవినీతి, దోపిడీ ఆరోపణలు చేసిండు. కాంగ్రెస్ ఎమ్మెల్యేలే ప్రభుత్వ అవినీతిని బయటపెడుతుంటే ఇక బీఆర్ఎస్ ప్రత్యేకంగా ఆరోపణలు చేయాల్సిన అవసరమే లేదు.
– తెలంగాణభవన్లో చేరికల సందర్భంగా కేటీఆర్
హైదరాబాద్, నవంబర్ 19 (నమస్తే తెలంగాణ) : కాంగ్రెస్ ప్రభుత్వంలో ప్రజాపాలన ముసుగులో అవినీతి పాలన సాగుతున్నదని బీఆర్ఎస్ వరింగ్ ప్రెసిడెంట్ కేటీఆర్ విమర్శించారు. పనులు జరుగాలంటే కమీషన్లు ఇవ్వాల్సి వస్తున్నదని స్వయంగా కాంగ్రెస్ ఎమ్మెల్యేలే బహిరంగంగా చెప్తున్నారని గుర్తుచేశారు. ముఖ్యమంత్రి రేవంత్రెడ్డి పాలనలో అవినీతి ఏ స్థాయికి చేరిందో ఆ పార్టీ నేతల వ్యాఖ్యలే స్పష్టంచేస్తున్నాయని చెప్పారు. జడ్చర్ల ఎమ్మెల్యే అనిరుధ్రెడ్డి కమీషన్ల వ్యవహారాన్ని ప్రస్తావిస్తే, మునుగోడు ఎమ్మెల్యే కోమటిరెడ్డి రాజగోపాల్రెడ్డి ఏకంగా రూ.5 లక్షల కోట్ల దోపిడీ, టెండర్లలో అవినీతి ఆరోపణలు చేశారని గుర్తుచేశారు. కాంగ్రెస్ ఎమ్మెల్యేలే ప్రభుత్వాన్ని నిలదీస్తుంటే ఇక ప్రజలకు ఈ పాలనపై ఎలాంటి నమ్మకం ఉంటుందని ప్రశ్నించారు.
కాంగ్రెస్ ప్రభుత్వంపై ప్రజల్లో తీవ్ర వ్యతిరేకత పెరుగుతున్నదని, రాబోయే రోజుల్లో ప్రజలు బీఆర్ఎస్ వైపు తిరిగి వస్తారని ధీమా వ్యక్తంచేశారు. ఏడాది తర్వాత రాష్ట్రంలో వచ్చేది గులాబీ జెండానేనని, తాము తిరిగి అధికారంలోకి వచ్చిన తర్వాత అవినీతికి పాల్పడిన వారిని వదిలిపెట్టబోమని, ఆ సొమ్మును పూర్తిగా కకిస్తామని హెచ్చరించారు. హైదరాబాద్లోని తెలంగాణభవన్లో గురువారం మాజీ ఎమ్మెల్యే గండ్ర వెంకటరమణారెడ్డి ఆధ్వర్యంలో భూపాలపల్లి నియోజకవర్గానికి చెందిన వివిధ పార్టీల నాయకులు, కార్యకర్తలు పెద్ద సంఖ్యలో బీఆర్ఎస్లో చేరారు. వారికి కేటీఆర్ గులాబీ కండువాలు కప్పి పార్టీలోకి ఆహ్వానించారు. ఈ సందర్భంగా రాష్ట్ర ప్రభుత్వ వైఫల్యాలు, కాంగ్రెస్ హామీల అమలులో వైఫల్యం, పెన్షన్ల కోతలు, మేడిగడ్డ బరాజ్ మరమ్మతులు, తెలంగాణ ఆత్మగౌరవం తదితర అంశాలపై కేటీఆర్ మాట్లాడారు.

Ktr
కాంగ్రెస్ ఎమ్మెల్యేలే ప్రభుత్వ బట్టలు విప్పుతున్నరు
కాంగ్రెస్ ప్రభుత్వంలో కమీషన్లు ఇవ్వనిదే అభివృద్ధి పనులు జరుగడం లేదని ఆ పార్టీ ఎమ్మెల్యేలే చెప్తున్నారని కేటీఆర్ గుర్తుచేశారు. జడ్చర్ల ఎమ్మెల్యే అనిరుధ్రెడ్డి పనులు కావాలంటే 15 శాతం కమీషన్ ఇవ్వాల్సి వస్తున్నదని బహిరంగంగా చెప్పారని పేరొన్నారు. మరోవైపు మునుగోడు ఎమ్మెల్యే కోమటిరెడ్డి రాజగోపాల్రెడ్డి ముఖ్యమంత్రి రేవంత్రెడ్డిపై రూ.5 లక్షల కోట్ల అవినీతి, దోపిడీ ఆరోపణలు చేశారని గుర్తుచేశారు. కాంగ్రెస్ ఎమ్మెల్యేలే ప్రభుత్వ అవినీతిని బయటపెడుతుంటే బీఆర్ఎస్ ప్రత్యేకంగా ఆరోపణలు చేయాల్సిన అవసరమే లేదని వ్యాఖ్యానించారు. బీఆర్ఎస్ పాలనలో అన్ని నియోజకవర్గాల్లో అభివృద్ధి పనులు చేపట్టామని, ఈ పార్టీనా, ఆ పార్టీనా అని చూడదలేని చెప్పారు.
కానీ, కాంగ్రెస్ ప్రభుత్వం నుంచి నిధులు రావడం లేదని ఆ పార్టీ ఎమ్మెల్యేలు ప్రపంచ బ్యాంకుకు కూడా అర్జీలు పెట్టుకునే పరిస్థితి ఏర్పడిందని ఎద్దేవా చేశారు. తమ నియోజకవర్గాల్లో అభివృద్ధి పనులకు నిధులు లేవని, అందుబాటులో ఉన్న నిధులన్నీ కొడంగల్కు తరలించుకుపోతున్నారని యెన్నం శ్రీనివాస్రెడ్డి, రాజగోపాల్రెడ్డి ఆవేదన వ్యక్తం చేసిన విషయాన్ని ప్రస్తావించారు. ప్రజలు ఎన్నుకున్న ఎమ్మెల్యేలు తమ నియోజకవర్గాల్లో అభివృద్ధి చేయలేకపోతున్నామని, పెళ్లిళ్లు, చావులకు మాత్రమే పరిమితమయ్యామని చెప్పుకోవాల్సిన దుస్థితి కాంగ్రెస్ పాలనలో నెలకొన్నదని మండిపడ్డారు. ఇప్పటికే కాంగ్రెస్ నేతల మాటలతో ప్రభుత్వ అవినీతి బయటపడుతున్నదని, వచ్చే రోజుల్లో మరిన్నికుంభకోణాలు వెలుగులోకి వస్తాయని చెప్పారు.
అక్రమ సంపాదనతో ఓట్లు కొనాలనుకుంటున్నరు
రేవంత్రెడ్డి అవినీతి సొమ్ముతో ఓటుకు రూ.10 వేల నుంచి రూ.15 వేల వరకు ఇచ్చి ప్రజలను కొనుగోలు చేయవచ్చని భావిస్తున్నారని కేటీఆర్ విమర్శించారు. డబ్బులు పంచితే ప్రజలు తనకే ఓటు వేస్తారనే భ్రమలో రేవంత్రెడ్డి ఉన్నారని చెప్పారు. రేవంత్రెడ్డి ఇచ్చే డబ్బులు ప్రజలు బరాబర్ తీసుకోవాలని, అయితే ఓటు మాత్రం గులాబీ జెండాకే వేయాలని కోరారు. ప్రజాస్వామ్యంలో ఓటు విలువను డబ్బుతో కొనలేరని, కాంగ్రెస్ ప్రభుత్వ వైఫల్యాలను ప్రజలు ఇప్పటికే గమనిస్తున్నారని చెప్పారు. కాంగ్రెస్ దోపిడీ, నాయకుల ప్రవర్తనతో ప్రజలు విసిగిపోయి బీఆర్ఎస్ కోసం టార్చ్ వేసుకొని వెతుకుంటూ వస్తారని కేసీఆర్ ముందే చెప్పారని గుర్తుచేశారు. ఆ పరిస్థితి ఇప్పుడు రాష్ట్రంలో కనిపిస్తున్నదని చెప్పారు.
పెన్షన్లలో 4.70 లక్షల కోతలు..కొత్త పెన్షన్ల పేరుతో ప్రచారం
సామాజిక భద్రతా పెన్షన్ల విషయంలో కాంగ్రెస్ ప్రభుత్వం ప్రజలను మోసం చేస్తున్నదని కేటీఆర్ మండిపడ్డారు. బీఆర్ఎస్ అధికారంలో ఉన్నప్పుడు రాష్ట్రంలో 44 లక్షల 70 వేల మందికి పెన్షన్లు అందేవని తెలిపారు. కాంగ్రెస్ అధికారంలోకి వచ్చిన తర్వాత మొదటి ఏడాది 1.50 లక్షలు, రెండో ఏడాది మరో 1.50 లక్షలు, మూడో ఏడాది 1.70 లక్షల పెన్షన్లను తొలగించిందని విమర్శించారు. మొత్తంగా 4 లక్షల 70 వేల పెన్షన్లకు కోత పెట్టి, ఇప్పుడు కొత్తగా పెన్షన్లు మంజూరు చేస్తున్నామని గొప్పలు చెప్పుకోవడం విడ్డూరంగా ఉన్నదని ఆక్షేపించారు.
మరోవైపు కాంగ్రెస్ ప్రభుత్వం కొత్తగా 4 లక్షల 63 వేల పెన్షన్లు మాత్రమే మంజూరు చేసిందని, తొలగించిన పెన్షన్ల సంఖ్యతో పోలిస్తే కొత్తగా ఇచ్చినవి 7 వేల తకువని వివరించారు. ఉన్న పెన్షన్లను తొలగించి, అంతకంటే తకువ మందికి కొత్తగా మంజూరు చేసి ప్రజలకు ఏదో గొప్ప మేలు చేసినట్టు ప్రచారం చేసుకోవడం ఏమిటని ప్రశ్నించారు. నిజంగా పెన్షన్ల సంఖ్యను పెంచి ఉంటే అందుకు అనుగుణంగా బడ్జెట్ కూడా పెరుగాలి కదా? అని నిలదీశారు. కానీ, పెన్షన్ల కోసం కేటాయించే బడ్జెట్ పెరుగలేదని, ప్రభుత్వం ప్రచార ఆర్భాటంతో ప్రజలను మభ్యపెట్టేందుకు ప్రయత్నం చేస్తున్నదని విమర్శించారు. వృద్ధులు, దివ్యాంగులు, నిరుపేదలు పొందుతున్న సామాజిక భద్రతను కూడా కాంగ్రెస్ ప్రభుత్వం దెబ్బతీస్తున్నదని ఆగ్రహం వ్యక్తంచేశారు.
రూ.4 వేల పెన్షన్ హామీ ఏమైంది?
ఎన్నికల సమయంలో అధికారంలోకి వచ్చిన 100 రోజుల్లోనే ఆసరా పెన్షన్ను రూ.4 వేలకు పెంచుతామని కాంగ్రెస్ హామీ ఇచ్చిందని కేటీఆర్ గుర్తుచేశారు. నవంబర్లో రూ.2 వేల పెన్షన్, డిసెంబర్లో తీసుకుంటే రూ.4 వేల పెన్షన్ ఇస్తామని చెప్పారని, కానీ మూడు డిసెంబర్లు గడిచినా ఇప్పటికీ పెన్షన్ మొత్తం రూ.2 వేలుగానే ఉన్నదని విమర్శించారు. అది కూడా గతంలో కేసీఆర్ ప్రభుత్వం అమలు చేసిన మొత్తమేనని, కాంగ్రెస్ అధికారంలోకి వచ్చిన తర్వాత పెన్షన్ మొత్తాన్ని రూపాయి కూడా పెంచలేదని మండిపడ్డారు. వృద్ధులు, దివ్యాంగులు ఆత్మగౌరవంతో జీవించాలనే ఉద్దేశంతో కేసీఆర్ ప్రభుత్వం పెన్షన్ను రూ.200 నుంచి రూ.2 వేలకు పెంచిందని తెలిపారు. కేసీఆర్ ప్రభుత్వం కొనసాగి ఉంటే ఈపాటికి పెన్షన్ రూ.4 వేలకు చేరేదని తెలిపారు. 100 రోజుల్లో రూ.4 వేల పెన్షన్ ఇస్తామని చెప్పిన కాంగ్రెస్ నాయకులు ఇప్పుడు ఎందుకు ఆ హామీని అమలు చేయడం లేదని ప్రశ్నించారు. పెన్షన్లు పెంచకపోగా ఉన్న వాటిలోనే లక్షల సంఖ్యలో కోతలు విధించి, మరోవైపు కొత్త పెన్షన్ల పేరుతో డప్పు కొట్టుకోవడం ప్రజలను అవమానించడమేనని మండిపడ్డారు.
మూడేండ్లు కావస్తున్నా గ్యారెంటీలేవి?
కాంగ్రెస్ ఎన్నికల హామీల అమలులో పూర్తిగా విఫలమైందని కేటీఆర్ విమర్శించారు. అధికారంలోకి వచ్చిన 100 రోజుల్లో ఆరు గ్యారెంటీలను అమలు చేస్తామని డిప్యూటీ సీఎం భట్టి విక్రమార హనుమాన్ ఆలయంలో అఫిడవిట్తో ప్రమాణం చేశారని గుర్తుచేశారు. గ్యారెంటీ కార్డులను క్రెడిట్ కార్డుల్లా భద్రంగా పెట్టుకోవాలని ప్రజలకు సూచించారని ఎద్దేవా చేశారు. తాను కమలహాసన్ అభిమానినని, భట్టి విక్రమార మాత్రం గ్యారెంటీ కార్డులను చేతిలో పట్టుకొని అంతకంటే గొప్పగా నటించారని ఎద్దేవాచేశారు. భద్రంగా పెట్టుకోవాలని నాడు చెప్పిన గ్యారెంటీ కార్డులను మూడేండ్లు కావస్తున్నా హామీలు అమలు చేయలేదని విమర్శించారు. ప్రజలకు ఇచ్చిన మాటను నిలబెట్టుకోలేని నాయకులు పాలన గురించి గొప్పలు చెప్పుకోవడం హాస్యాస్పదమని దుయ్యబట్టారు.
భూపాలపల్లిని పల్లె నుంచి పట్నంగా తీర్చిదిద్దింది కేసీఆరే
కేసీఆర్ పాలనలో భూపాలపల్లి నియోజకవర్గం అనూహ్యమైన అభివృద్ధిని సాధించిందని కేటీఆర్ గుర్తుచేశారు. ఒకప్పుడు పల్లె స్థాయిలో ఉన్న భూపాలపల్లిని అన్ని రంగాల్లో అభివృద్ధి చేసి పట్నంలా తీర్చిదిద్దిన ఘనత బీఆర్ఎస్ ప్రభుత్వానిదేనని చెప్పారు. పరిపాలనా సౌలభ్యం కోసం భూపాలపల్లికి మున్సిపాలిటీ హోదా కల్పించడంతోపాటు జిల్లా కేంద్రంగా ఏర్పాటు చేశామని తెలిపారు. ఈ ప్రాంత ప్రజలకు మెరుగైన వైద్య సేవలు అందుబాటులోకి తీసుకురావాలనే లక్ష్యంతో మెడికల్ కాలేజీని ఏర్పాటు చేశామని గుర్తుచేశారు. వేములవాడ, సిరిసిల్ల మధ్య రెండు ప్రాంతాలకు ఒక డిగ్రీ కాలేజీ సాధించుకోవాలంటేనే విద్యార్థులు ధర్నాలు, దరఖాస్తులు, ఆందోళనలు చేయాల్సిన పరిస్థితి ఉన్నదని, కానీ భూపాలపల్లిలో ఎలాంటి ఉద్యమాలు లేకుండానే కేసీఆర్ ప్రభుత్వం మెడికల్ కాలేజీని ఏర్పాటు చేసిందని గుర్తుచేశారు.
కాంగ్రెస్ పాలనపై ప్రజల్లో పెరుగుతున్న అసంతృప్తి, భూపాలపల్లి ప్రాంతంలో గత బీఆర్ఎస్ ప్రభుత్వం చేపట్టిన అభివృద్ధి కార్యక్రమాలు పార్టీకి మళ్లీ ఆదరణ పెంచుతున్నాయని తెలిపారు. తెలంగాణ రాష్ట్రం ఏర్పడినప్పుడు రాష్ట్రవ్యాప్తంగా ఐదు మెడికల్ కాలేజీలు మాత్రమే ఉండేవని, కేసీఆర్ పాలనలో వాటి సంఖ్యను 32కు పెంచామని చెప్పారు. దీంతో ఎస్సీ, ఎస్టీ, బీసీ, మైనారిటీ వర్గాలకు చెందిన వేలాది మంది విద్యార్థులు వైద్యులుగా ఎదిగేందుకు అవకాశం కలిగిందని చెప్పారు. గతంలో కలలో కూడా ఊహించని విధంగా పేద కుటుంబాల పిల్లలకు వైద్య విద్య అందుబాటులోకి వచ్చిందని పేరొన్నారు. దీంతో వేలాది మంది విద్యార్థులకు వైద్య విద్య అభ్యసించే అవకాశం లభించిందని చెప్పారు. విద్య, వైద్యం, పరిపాలన, మౌలిక వసతుల రంగాల్లో భూపాలపల్లికి బీఆర్ఎస్ ప్రభుత్వం అందించిన అభివృద్ధి ప్రజలకు ప్రత్యక్షంగా కనిపిస్తున్నదని పేర్కొన్నారు.
తెలంగాణ ఆత్మగౌరవం తాకట్టు
కాంగ్రెస్, బీజేపీ రాష్ట్ర నాయకత్వాలు తెలంగాణ ప్రయోజనాల కోసం ఢిల్లీ పెద్దలను ప్రశ్నించకుండా వారికి బానిసల్లా వ్యవహరిస్తున్నాయని కేటీఆర్ తీవ్రంగా విమర్శించారు. తెలంగాణ రాష్ట్రం ఏర్పడిందే ఆత్మగౌరవం కోసం, స్వయం పాలన కోసం అని, అలాంటి రాష్ట్రంలో ఇప్పుడు ఢిల్లీ నాయకుల ముందు సాగిలపడే పరిస్థితి రావడం దురదృష్టకరమని వాపోయారు. ఢిల్లీ నాయకులు రాష్ర్టానికి వచ్చిన ప్రతిసారీ ముఖ్యమంత్రి రేవంత్రెడ్డి వణికిపోతున్నారని ఎద్దేవాచేశారు. ప్రియాంకగాంధీ వచ్చినప్పుడు ముఖ్యమంత్రిని పకకు నెట్టివేసేలా వ్యవహరించారని, రాహుల్గాంధీ హైదరాబాద్లో బైక్పై ప్రయాణిస్తున్న సమయంలో పీసీసీ అధ్యక్షుడు మహేశ్గౌడ్, మంత్రి వివేక్ వెంకటస్వామి ఆయన వెనుక పరుగులు తీయాల్సిన పరిస్థితి ఏర్పడిందని విమర్శించారు. ముఖ్యమంత్రి హోదాలో ఉన్న రేవంత్రెడ్డి కనీస గౌరవాన్ని కూడా పకనపెట్టి రాహుల్ గాంధీ కూర్చున్న కుర్చీ వద్ద టిష్యూ పేపర్లు తీసే స్థాయికి దిగజారారని వ్యాఖ్యానించారు. రాష్ట్ర ముఖ్యమంత్రి ఢిల్లీ నాయకుల ముందు తన హోదాను, తెలంగాణ ఆత్మగౌరవాన్ని మరిచిపోవడం ఏమిటని ప్రశ్నించారు.
అమిత్షా ఏమైనా దేవుడా?
బీజేపీ రాష్ట్ర నాయకుల తీరు కూడా ఇందుకు భిన్నంగా ఏమీ లేదని కేటీఆర్ విమర్శించారు. అమిత్షా హైదరాబాద్కు వచ్చినప్పుడు ఆయన చెప్పులు ఎకడ విడుస్తారా? అని కొందరు చూస్తుంటే, మరికొందరు వయసులో చిన్నవారైన అమిత్ షా కాళ్లకు నమసరిస్తున్నారని విమర్శించారు. అమిత్ షా ఏమైనా దేవుడా? ఆయన కాళ్లు మొకాల్సిన అవసరం ఏమొచ్చిందని ప్రశ్నించారు. కాంగ్రెస్, బీజేపీ రాష్ట్ర నాయకులు ఢిల్లీ దర్బార్కు గులాముల్లా మారారని, ఒక బానిసకు మరో బానిసగా వ్యవహరిస్తున్నారని ఘాటుగా వ్యాఖ్యానించారు. తెలంగాణ కోసం పోరాడి సాధించుకున్న రాష్ట్రంలో మళ్లీ ఢిల్లీ నాయకుల ఆదేశాల కోసం ఎదురుచూసే పాలన సాగడం ప్రజల ఆత్మగౌరవాన్ని దెబ్బతీస్తున్నదని మండిపడ్డారు. కేసీఆర్ ముఖ్యమంత్రిగా ఉన్న పదేండ్లలో తెలంగాణకు వ్యతిరేకంగా మాట్లాడే ధైర్యం ఎవరికీ ఉండేది కాదని, ఇప్పుడు పార్లమెంటులో తెలంగాణ ఏర్పాటును పాకిస్థాన్ విభజనతో పోల్చుతున్నా రాష్ట్రానికి చెందిన కాంగ్రెస్, బీజేపీ ఎంపీలు కనీసం ప్రశ్నించడం లేదని విమర్శించారు. అదే బీఆర్ఎస్ ఎంపీలు పార్లమెంట్లో ఉండి ఉంటే గల్లాపట్టి నిలదీసేవాళ్లని స్పష్టంచేశారు.
రాష్ట్రంలో నిధుల కొరత.. ఢిల్లీకి సంచుల మోత
తెలంగాణకు రావాల్సిన నిధులు, రాష్ట్ర అభివృద్ధికి ఉపయోగపడాల్సిన డబ్బులు ఢిల్లీకి తరలిపోతున్నాయని కేటీఆర్ విమర్శించారు. రాష్ట్రంలో అభివృద్ధి పనులకు నిధుల్లేవని చెప్తున్న ప్రభుత్వం.. ఢిల్లీ నాయకులకు మాత్రం డబ్బుల సంచులు పంపుతున్నదని విమర్శించారు. ఢిల్లీ పెద్దలకు చెల్లించాల్సిన ఈఎంఐలు కట్టకపోతే రేవంత్రెడ్డి ముఖ్యమంత్రి పదవి పోతుందనే పరిస్థితి ఉన్నదని ఎద్దేవా చేశారు. అందుకే ఆయన రెగ్యులర్ ముఖ్యమంత్రి కాదని, రెన్యువల్ ముఖ్యమంత్రి అని దెప్పిపొడిచారు. రాష్ట్ర ప్రయోజనాల కంటే ఢిల్లీ నాయకుల మెప్పు పొందడానికే కాంగ్రెస్ ప్రభుత్వం ప్రాధాన్యం ఇస్తున్నదని మండిపడ్డారు.

Ktr
అవినీతి సొమ్ముతో ఓటుకు రూ.10 వేల నుంచి రూ.15 వేల వరకు ఇచ్చి ప్రజలను కొనుగోలు చేయవచ్చని రేవంత్రెడ్డి భావిస్తున్నడు. డబ్బులు పంచితే ప్రజలు తనకే ఓటు వేస్తారనే భ్రమలో ఉన్నడు. ప్రజాస్వామ్యంలో ఓటును డబ్బుతో కొనలేరు. కాంగ్రెస్ ప్రభుత్వ వైఫల్యాలను ప్రజలు ఇప్పటికే గమనిస్తున్నరు. కాంగ్రెస్ దోపిడీ, నాయకుల ప్రవర్తనతో ప్రజలు విసిగిపోయి బీఆర్ఎస్ కోసం టార్చ్ వేసుకొని వెతుకుంటూ వస్తారని కేసీఆర్ ముందే చెప్పారు.
-కేటీఆర్
ఇది పర్సెంటేజీల పాలన
తెలంగాణలో కాంగ్రెస్ ప్రభుత్వం ప్రజా సంక్షేమాన్ని పక్కనబెట్టి పర్సెంటేజీల పాలన సాగిస్తున్నదని బీఆర్ఎస్ వరింగ్ ప్రెసిడెంట్ కేటీఆర్ విమర్శించారు. ప్రజలకు సేవ చేయాల్సిన పాలకులు కమీషన్లు, పర్సెంటేజీలకే ప్రాధాన్యం ఇస్తున్నారని మండిపడ్డారు. ‘ఇది పేదల జీవితాలతో ఫుట్బాల్ ఆడుకుంటున్న దికుమాలిన పాలన’ అంటూ ఎక్స్ వేదికగా ధ్వజమెత్తారు. ‘సారు హెలికాప్టర్ దిగొచ్చి దోస్తులతో ఫుట్బాల్ ఆడుకోవడానికి ఎంసీఆర్ హెచ్చార్డీ ప్యాలెస్లో తెలంగాణ ప్రజల సొమ్ముతో కట్టుకున్న హెలిప్యాడ్, పుట్బాల్ మైదానం’ అని పేర్కొంటూ అందుకు సంబంధించిన ఫొటోలను నాయిని శరత్రెడ్డి ఎక్స్లో పోస్టుచేయగా దీనిపై కేటీఆర్ వ్యంగ్యంగా స్పందించారు.
ప్రజలు కేసీఆర్ పాలననే కోరుకుంటున్నారు
కాంగ్రెస్ అధికారంలోకి వచ్చిన తర్వాత ప్రజలకు ఇచ్చిన హామీలను అమలు చేయడంలో విఫలమైందని, అవినీతి ఆరోపణలు, పెన్షన్ల కోతలు, అభివృద్ధి పనులకు నిధుల కొరతతో ప్రజలు విసిగిపోయారని కేటీఆర్ చెప్పారు. మరోవైపు తెలంగాణ సాధన, రాష్ట్ర అభివృద్ధిలో కేసీఆర్ పోషించిన పాత్రను ప్రజలు గుర్తుచేసుకుంటున్నారని తెలిపారు. భూపాలపల్లి వంటి ప్రాంతాల్లో బీఆర్ఎస్ ప్రభుత్వం చేపట్టిన అభివృద్ధి కార్యక్రమాలు, సంక్షేమ పథకాలు ప్రజల మనసుల్లో ఉన్నాయని చెప్పారు. కాంగ్రెస్ పాలనపై పెరుగుతున్న వ్యతిరేకత రాబోయే రోజుల్లో బీఆర్ఎస్కు మరింత బలాన్ని ఇస్తుందని ధీమా వ్యక్తంచేశారు. ఏడాది తర్వాత వచ్చేది గులాబీ జెండానేనని, బీఆర్ఎస్ తిరిగి అధికారంలోకి వచ్చిన తర్వాత ప్రజాధనాన్ని దోచుకున్నవారిని, అవినీతికి పాల్పడినవారిని ఎవరినీ వదిలిపెట్టబోమని స్పష్టంచేశారు. కాంగ్రెస్ నాయకులు తిన్న అవినీతి సొమ్మును పూర్తిగా కకిస్తామని హెచ్చరించారు.
కాంగ్రెస్, బీజేపీ రాష్ట్ర నాయకత్వాలు తెలంగాణ ప్రయోజనాల కోసం ఢిల్లీ పెద్దలను ప్రశ్నించకుండా వారికి బానిసల్లా వ్యవహరిస్తున్న య్. తెలంగాణ రాష్ట్రం ఏర్పడిందే ఆత్మగౌర వం.. స్వయం పాలన కోసం. అలాంటి రాష్ట్రం లో ఇప్పుడు ఢిల్లీ నాయకుల ముందు సాగిలపడే పరిస్థితి రావడం దురదృష్టకరం.
-కేటీఆర్
ఉమ్మడి వరంగల్లో 12కు 12 స్థానాలు బీఆర్ఎస్వే : ఎర్రబెల్లి
తెలంగాణలో ఎప్పుడు ఎన్నికలు జరిగినా తిరిగి అధికారంలోకి వచ్చేది బీఆర్ఎస్ పార్టీయేనని, కేసీఆర్ మళ్లీ ముఖ్యమంత్రి కావడం ఖాయమని మాజీ మంత్రి ఎర్రబెల్లి దయాకర్రావు ధీమా వ్యక్తంచేశారు. భూపాలపల్లి నియోజకవర్గంలో పార్టీకి పూర్తి విజయావకాశాలు ఉన్నాయని, రాబోయే ఎన్నికల్లో ఉమ్మడి వరంగల్లో 12కి 12 స్థానాలు సాధిస్తామనే నమ్మకం తనకు ఉన్నదని స్పష్టంచేశారు. దసరా, దీపావళి పండుగల సందర్భంగా ప్రజలను కలిసినప్పుడు ప్రస్తుత ప్రభుత్వం వారిలో ఎంత వ్యతిరేకత ఉన్నదో స్పష్టంగా తెలిసిందని చెప్పారు.
బీఆర్ఎస్కు తిరుగులేని ప్రజాదరణ : గండ్ర
భూపాలపల్లి నియోజకవర్గంలో బీఆర్ఎస్కు తిరుగులేని ప్రజాదరణ ఉన్నదని మాజీ ఎమ్మెల్యే గండ్ర వెంకటరమణారెడ్డి చెప్పారు. ఎప్పుడు ఎన్నికలు నిర్వహించినా భూపాలపల్లిలో బీఆర్ఎస్ విజయం సాధిస్తుందని ధీమా వ్యక్తంచేశారు. మున్సిపల్ ఎన్నికలు నిర్వహించినా బీఆర్ఎస్ గెలిచే పరిస్థితి ఉన్నదని, అందుకే అధికార పార్టీకి ఎన్నికలను ఎదురొనే ధైర్యం కూడా లేదని విమర్శించారు. అందుకే ఎంపీటీసీ, జడ్పీటీసీ ఎన్నికలు నిర్వహించకుండా కాలయాపన చేస్తున్నదని ఆరోపించారు. సహకార ఎన్నికల్లోనూ నామినేటెడ్ విధానాలను అనుసరిస్తుండటం అధికార పార్టీకి ప్రజల మద్దతుపై నమ్మకం లేకపోవడాన్ని సూచిస్తున్నదని చెప్పారు.
అధికారంలో ఎవరూ శాశ్వతం కాదు..
అధికారం ఎవరికీ శాశ్వతం కాదని, ఎప్పటికైనా ప్రతి ఒకరూ పదవుల నుంచి దిగిపోవాల్సిందేనని కేటీఆర్ చెప్పారు. తాను అధికారంలో ఉన్నప్పుడు కూడా ఇదే విషయాన్ని చెప్పానని గుర్తుచేశారు. అధికారంలో ఉన్నప్పుడు ప్రజలకు మంచి పనులు చేస్తేనే వారు గుర్తుంచుకుంటారని తెలిపారు. ఇంటింటికీ నల్లా నీరు అందించింది ఎవరు? రైతుబంధు అమలు చేసింది ఎవరు? రూ.200 పెన్షన్ను రూ.2 వేలకు పెంచింది ఎవరు? అని ప్రజలు తమను తాము ప్రశ్నించుకోవాలని కోరారు. కేసీఆర్ పాలనలో ప్రజలకు అందిన సంక్షేమం, అభివృద్ధి మళ్లీ కొనసాగాలంటే బీఆర్ఎస్ అధికారంలోకి రావాల్సిన అవసరం ఉన్నదని నొక్కిచెప్పారు.
కాంగ్రెస్ ప్రభుత్వ వైఫల్యాలను ప్రజల్లోకి తీసుకెళ్లాలని, కార్యకర్తలు నిరంతరం ప్రజల మధ్య ఉంటూ వారి సమస్యలపై పోరాడాలని పిలుపునిచ్చారు. రాబోయే ఎన్నికల్లో బీఆర్ఎస్ విజయమే లక్ష్యంగా ప్రతి కార్యకర్తా పనిచేయాలని దిశానిర్దేశం చేశారు. కార్యక్రమంలో మాజీ మంత్రులు ఎర్రబెల్లి దయాకర్రావు, లక్ష్మారెడ్డి, మాజీ ఎమ్మెల్యేలు గండ్ర వెంకటరమణారెడ్డి, జీవన్రెడ్డి, జడ్పీ మాజీ చైర్పర్సన్ గండ్ర జ్యోతి, రాష్ట్ర కార్పొరేషన్ మాజీ చైర్మన్ వాసుదేవరెడ్డి, బొగ్గుగని కార్మిక సంఘం అధ్యక్షుడు మిర్యాల రాజిరెడ్డి తదితరులు పాల్గొన్నారు. పార్టీలో చేరిన వారిలో శ్రీనివాస్, రోటా కిరణ్, పంజా వినోద్, పంజా నాగార్జున, గుంట రామ్కుమార్, వీరు భూపేశ్, గుండెపోయిన భరత్, శేఖర్రెడ్డి, కురుకుల కల్యాణ్కుమార్, అవుల నాగరాజు తదితరులున్నారు.
మేడిగడ్డను బాంబులతో పేల్చారు
మేడిగడ్డ బరాజ్ విషయంలో కాంగ్రెస్ ప్రభుత్వం వ్యవహరిస్తున్న తీరుపైనా కేటీఆర్ తీవ్ర విమర్శలు చేశారు. మేడిగడ్డ బరాజ్ను బాంబులతో పేల్చారన్నది నూటికి నూరు శాతం నిజమని వ్యాఖ్యానించారు. పెద్ద శబ్దంతో పేలిందని నాడు ఈఈ పోలీసులకు ఫిర్యాదు చేశారని గుర్తుచేశారు. బరాజ్కు సంబంధించిన మొత్తం మరమ్మతులను సుమారు రూ.400 కోట్లతో పూర్తి చేయవచ్చని, కానీ మూడేండ్లు గడుస్తున్నా రెండు పిల్లర్ల మరమ్మతులు కూడా చేయలేకపోతున్నారని విమర్శించారు. మేడిగడ్డ బరాజ్కు మరమ్మతులు చేసి ప్రజలకు ఉపయోగపడేలా చేయాల్సిన ప్రభుత్వం, దాని పునరుద్ధరణపై నిర్లక్ష్యంగా వ్యవహరిస్తున్నదని మండిపడ్డారు. వరదలు వచ్చి మేడిగడ్డ కొట్టుకుపోతే బీఆర్ఎస్పై మరిన్ని ఆరోపణలు చేయవచ్చనే ఉద్దేశంతోనే రేవంత్రెడ్డి ప్రభుత్వం ఎదురుచూస్తున్నదని ఆరోపించారు.
ప్రజాధనంతో నిర్మించిన ప్రాజెక్టుల విషయంలో రాజకీయ కక్షతో వ్యవహరించడం సరికాదని హితవుపలికారు. కేసీఆర్ పాలనలో మూడు బరాజ్లు, 15 రిజర్వాయర్లు, 19 పంప్హౌస్లు, 21 సబ్ స్టేషన్లు, సుమారు వెయ్యి కిలోమీటర్ల సొరంగ మార్గాలు, మరో వెయ్యి కిలోమీటర్ల కాలువలు నిర్మించి 40 లక్షల ఎకరాలకు సాగునీరు అందించామని తెలిపారు. ఇంతటి భారీ సాగునీటి ప్రాజెక్టులు నిర్మించిన బీఆర్ఎస్ ప్రభుత్వంపై విమర్శలు చేస్తున్న కాంగ్రెస్ సర్కార్, మేడిగడ్డలో రెండు పిల్లర్ల మరమ్మతులు కూడా చేయలేకపోతున్నదని ఎద్దేవా చేశారు. 2022లో 28 లక్షల క్యూసెకుల వరద వచ్చినా మేడిగడ్డ బరాజ్ తట్టుకొని నిలబడిందని, ఆ తర్వాత జరిగిన నష్టంపై సమగ్రంగా పరిశీలించి మరమ్మతులు చేయాల్సి ఉన్నదని చెప్పారు. రాష్ర్టానికి మేలు జరుగాలని కోరుకోవాల్సిన ముఖ్యమంత్రి, వరదలు వచ్చి బరాజ్ కొట్టుకుపోవాలని ఎదురుచూస్తున్నారని మండిపడ్డారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

