Visit:
Harish Rao | పంచాయతీ ఎన్నికల ఫలితాలు సూచి రేవంత్రెడ్డి ఫ్రస్టేషన్ పీక్స్కు చేరిందని బీఆర్ఎస్ నేత హరీశ్రావు మండిపడ్డారు. రేవంత్ రెడ్డి వ్యాఖ్యలపై మాజీ మంత్రి, ఎమ్మెల్యే హరీశ్రావు ఫైర్ అయ్యారు. రోజురోజుకీ పరిస్థితులు చేజారి పోతున్నాయనే సత్యం జీర్ణం కాక అవాకులు చెవాకులు పేలుతూ అక్కసు వెళ్లగక్కిండన్నారు. త్వరలోనే తనకు పతనం తప్పదనే సంగతి అర్థమై ఆగమాగం అవుతున్నడని.. తన కుర్చీ త్వరలోనే ఊడుతుందని, తన దోపిడీ ఆగిపోతుందనే భయంతో రేవంత్ రెడ్డి ఇవాళ్టి ప్రెస్మీట్లో అడ్డగోలుగా వాగిండని.. నాకు, కేటీఆర్కు మధ్యమిత్ర బేధం సృష్టించాలని.. తద్వారా బీఆర్ఎస్ను బలహీన పరచాలని రేవంత్ రెడ్డి చీప్ ట్రిక్ ప్లే చేస్తున్నాడని మండిపడ్డారు. కానీ రేవంత్ రెడ్డీ నీ చీప్ ట్రిక్కులకు, చిల్లర రాజకీయాలకు ఎవడూ పడిపోడని.. నీ కుట్రలు, కుత్సితాలు ఫలించవు గాక ఫలించవన్నారు. అనేకసార్లు చెప్పినా, మళ్లీ చెబుతున్నా.. రాసి పెట్టుకో రేవంత్ రెడ్డీ.. ఎప్పటికైనా హరీశ్ రావు గుండెల్లో ఉండేది కేసీఆరే.. హరీశ్ రావు చేతిలో ఉండేది గులాబీ జెండానేనన్నారు.
నీ దాష్టీకాలు, దుర్మార్గాలకు వ్యతిరేకంగా తాను కేటీఆర్ మరింత సమన్వయంగా, మరింత సమర్థవంతంగా రెట్టించిన ఉత్సాహంతో పోరాడతామన్నారు. అవినీతిని ఎండగడుతామని, అసమర్థతను నిలదీస్తామన్నారు. ఉద్యమ కాలం నుంచి నేటి దాకా తెలంగాణకు తీరని ద్రోహం చేస్తున్న నిన్ను, నీ కాంగ్రెస్ను గద్దె దించుతామని హెచ్చరించారు. నా లక్ష్యమైనా, కేటీఆర్ లక్ష్యమైనా, లక్షలాది గులాబీ సైనికుల లక్ష్యమైనా ఇదేనని.. బీఆర్ఎస్ విజయపథంలో పురోగమించడం ఖాయమన్నారు. మరోసారి కేసీఆర్ ముఖ్యమంత్రి కావడం ఖాయమని.. తెలంగాణ ప్రజల ఆకాంక్షలను సంపూర్ణంగా నెరవేర్చడం ఖాయమని స్పష్టం చేశారు. చిల్లర వేషాలు, చెత్త రాజకీయాలను చూసి ప్రజలు ఛీ కొడుతున్నారని.. ఇప్పటికైనా బుద్ధి తెచ్చుకోవాలని హితవు పలికారు. మిగిలిన కొద్ది కాలమైనా సరిగ్గా వినియోగించుకోవాలని.. కమీషన్లు, రియల్ ఎస్టేట్ దందాలే కాదు.. ప్రజలకు అక్కరకు వచ్చే పనులు చేయాలని.. లేకుంటే ఉద్యమ ద్రోహి గానే కాదూ.. చేవలేని, చేతగాని ముఖ్యమంత్రిగా కూడా చరిత్రలో నిలిచిపోతావంటూ స్టాంగ్ కౌంటర్ ఇచ్చారు హరీశ్రావు.
