Telangana | ఒకటో తరగతి 75 శాతం ప్రైవేట్‌లోనే.. సర్కారు బడుల్లో ఉన్నది 25 శాతం విద్యార్థులే

ఒకటో తరగతి వారిప్పుడు రెండో తరగతికి.. ఇలా పైతరగతులకు ప్రమోట్‌ అవుతారు. ఇదే ట్రెండ్‌ మరి కొంత కాలం కొనసాగితే సర్కారు స్కూళ్లల్లో విద్యార్థులుంటారా.. ? అంటే కష్టంగానే కనిపిస్తున్నది. ఓ పదేండ్ల తర్వాత సర్కారు స్కూళ్లు కనుమరుగు కావడం ఖాయంగా కనిపిస్తున్నది. ఇప్పటికే సర్కారు బడుల్లో ఎన్‌రోల్‌మెంట్‌ ప్రమాదఘంటికలు మోగిస్తున్నది.

• ప్రమాద ఘంటికలు మోగిస్తున్న ఎన్‌రోల్‌మెంట్‌
• మరో పదేండ్లు ఇదే పరిస్థితి ఉంటే సర్కారు బడుల మనుగడ కష్టమే

రాష్ట్రంలో ఒకటో తరగతిలో మొత్తంగా 6,09,654 మంది విద్యార్థులుంటే వీరిలో 75% విద్యార్థులు ప్రైవేట్‌ బడుల్లోనే చదువుతున్నారు. కేవలం 25% మాత్రమే సర్కారు బడుల్లో చదువుతున్నారు. ఇది విద్యాశాఖ చెబుతున్న లెక్కలు.

Telangana | హైదరాబాద్‌, మే 1 (నమస్తే తెలంగాణ) : ఒకటో తరగతి వారిప్పుడు రెండో తరగతికి.. ఇలా పైతరగతులకు ప్రమోట్‌ అవుతారు. ఇదే ట్రెండ్‌ మరి కొంత కాలం కొనసాగితే సర్కారు స్కూళ్లల్లో విద్యార్థులుంటారా.. ? అంటే కష్టంగానే కనిపిస్తున్నది. ఓ పదేండ్ల తర్వాత సర్కారు స్కూళ్లు కనుమరుగు కావడం ఖాయంగా కనిపిస్తున్నది. ఇప్పటికే సర్కారు బడుల్లో ఎన్‌రోల్‌మెంట్‌ ప్రమాదఘంటికలు మోగిస్తున్నది. 2-10 తరగతుల్లో ప్రైవేట్‌లో 59% విద్యార్థులుంటే సర్కారు బడుల్లో కేవలం 31శాతమే విద్యార్థులున్నారు. మరో 10% విద్యార్థులు గురుకులాలు, కేజీబీవీల్లో చదువుతున్నారు. ఈ ఉదాహరణలు సర్కారు స్కూళ్ల పరిస్థితికి అద్దంపడుతున్నాయి. భవిష్యత్తును హెచ్చరిస్తున్నాయి. సర్కారు స్కూళ్లపై నమ్మకం తగ్గుతుండటం, ప్రైవేట్‌పై మోజు పెరుగుతుండటమే ఇందుకు కారణం. టీచర్లు సరిగ్గా పాఠాలు చెప్పడంలేదని, బాధ్యతతో నడుచుకోవడం లేదని సర్కారు నిందిస్తుండగా, టీచర్లేమో స్కూళ్లల్లో వసతుల్లేవు. పర్యవేక్షణలేదంటారు. ఇలా ఒకరిపై ఒకరు నిందలేసుకుంటూ కాలం వెల్లబుచ్చుతున్నారు.

వాస్తవ పరిస్థితులిలా..

• రాష్ట్రంలో ఈ విద్యాసంవత్సరంలో 1,899 సర్కారు బడుల్లో జీరో ఎన్‌రోల్‌మెంట్‌ నమోదయ్యింది. మూడేండ్ల క్రితం వీటి సంఖ్య 1,100 లోపే ఉండగా, మూడేండల్లోనే 1,899కి పెరిగింది. వీటిలో 1,811 ప్రాథమిక పాఠశాలలే.
• సర్కారు స్కూళ్లు ఇలా మూసివేతకు సిద్ధంగా ఉండగా, మరో వైపు ఈ విద్యాసంవత్సరం మరో 350 ప్రైవేట్‌ స్కూళ్లకు విద్యాశాఖ అనుమతి ఇచ్చింది. ఏటా 300-400 స్కూళ్లకు అనుమతులు ఇస్తున్నది.
• రాష్ట్రంలో 26,861 సర్కారు బడులున్నాయి. వీటిలో ఎన్‌రోల్‌మెంట్‌ కేవలం 31.93శాతమే. ప్రైవేట్‌ స్కూళ్ల సంఖ్య 11,489 ఉండగా, వీటిల్లో ఎన్‌రోల్‌మెంట్‌ 59శాతముంది. అంటే 64.5శాతమున్న సర్కారు బడుల్లో 31శాతం ఎన్‌రోల్‌మెంట్‌ ఉండగా, 27.59శాతమున్న ప్రైవేట్‌ బడుల్లో 59శాతం విద్యార్థులున్నారు.
• రాష్ట్రంలో ఈ విద్యాసంవత్సరం సర్కారు బడుల్లో 1.5లక్షల మంది విద్యార్థులు పదో తరగతి పూర్తిచేశారు. అంటే వీరంతా బడి నుంచి బయటికెళ్లినట్టే లెక్క. మొత్తంగా సర్కారు బడుల్లో 18లక్షల మంది విద్యార్థులుండగా ఈ 1.5లక్షల మంది వెళ్లిపోవడం తో ఎన్‌రోల్‌మెంట్‌ 16.5లక్షలుకానుంది. కొత్తగా మరో 1.5లక్షల మంది చేరితేనే ఈ ఎన్‌రోల్‌మెంట్‌ మళ్లీ 18లక్షలవుతుంది.