మధుయాష్కీ నివాసంలో కాంగ్రెస్‌ నేతల భేటీ

ప్రదేశ్‌ కాంగ్రెస్‌ ప్రచార కమిటీ చైర్మన్‌, మాజీ ఎంపీ మధుయాష్కీతో పలువురు కాంగ్రెస్‌ నేతలు బుధవారం భేటీ అయ్యారు. ప్రచార కమిటీ ఐడ్వెజరీ కమిటీ తొలి సమావేశం హైదరాబాద్‌లోని ఆయన నివాసంలో జరిగిందని నేతలు పేర్కొన్నారు.

హైదరాబాద్‌, జూన్‌ 4 (నమస్తే తెలంగాణ): ప్రదేశ్‌ కాంగ్రెస్‌ ప్రచార కమిటీ చైర్మన్‌, మాజీ ఎంపీ మధుయాష్కీతో పలువురు కాంగ్రెస్‌ నేతలు బుధవారం భేటీ అయ్యారు. ప్రచార కమిటీ ఐడ్వెజరీ కమిటీ తొలి సమావేశం హైదరాబాద్‌లోని ఆయన నివాసంలో జరిగిందని నేతలు పేర్కొన్నారు. దీంతోపాటు 2009-2014 మధ్యకాలంలో ఎంపీలుగా పనిచేసిన వారినీ ఈ సమావేశానికి ఆహ్వానించినట్టు తెలిపారు.

కాంగ్రెస్‌ పార్టీ సీనియర్‌ నేతలు జానారెడ్డి, కేశవరావు, శాసనమండలి చైర్మన్‌ గుత్తా సుఖేందర్‌రెడ్డి, మంత్రి పొన్నం ప్రభాకర్‌, ఎమ్మెల్సీ విజయశాంతి ఈ సమావేశానికి హాజరయ్యారు. తాము ఎంపీలుగా పనిచేసినపుడు ప్రత్యేక తెలంగాణ రాష్ట్రం కోసం పార్లమెంటు సమావేశాల్లో ఆనాడు జరిగిన పోరాటం గురించి, తెలంగాణ ఉద్యమంలో కాంగ్రెస్‌ పార్టీ నేతలుగా తాము చేపట్టిన పోరాట ఘట్టాలను వివరిస్తూ ఒక డాక్యుమెంటరీని రూపొందించాలని నిర్ణయించినట్టు మధుయాష్కీ ఈ సందర్భంగా చెప్పారు.