Bathukamma Sarees | సీఎం గారూ నేతన్నలను ఆదుకోండి.. బతుకమ్మ చీరల తయారీ ఆర్డర్లు ఇవ్వండి..

Bathukamma Sarees | రాష్ట్రంలో ఉపాధి కోల్పోయి విలవిల్లాడుతున్న చేనేత కార్మికులకు ఉపాధి చూపి ఆదుకోవాలని సీఎం రేవంత్‌రెడ్డిని చేనేత కార్మిక సంఘం రాష్ట్ర కమిటీ కోరింది. ఈ మేరకు ముఖ్యమంత్రికి వినతిపత్రం అందజేసినట్టు సంఘం రాష్ట్ర అధ్యక్షుడు చెరుకు స్వామి బుధవారం ఒక ప్రకటనలో తెలిపారు.

• చేనేత రుణ మాఫీ చేసి ఆదుకోండి
• సర్కారుకు చేనేత కార్మిక సంఘం వినతి

Bathukamma Sarees | హైదరాబాద్‌, సెప్టెంబర్‌ 25 (నమస్తే తెలంగాణ): రాష్ట్రంలో ఉపాధి కోల్పోయి విలవిల్లాడుతున్న చేనేత కార్మికులకు ఉపాధి చూపి ఆదుకోవాలని సీఎం రేవంత్‌రెడ్డిని చేనేత కార్మిక సంఘం రాష్ట్ర కమిటీ కోరింది. ఈ మేరకు ముఖ్యమంత్రికి వినతిపత్రం అందజేసినట్టు సంఘం రాష్ట్ర అధ్యక్షుడు చెరుకు స్వామి బుధవారం ఒక ప్రకటనలో తెలిపారు.

రాష్ట్రంలో కాంగ్రెస్‌ అధికారంలోకి వచ్చాక నేతన్నలను పూర్తిగా మరిచిందని పేర్కొన్నారు. గత 2017 నుంచి 2023 వరకు ఎంతో ఆర్థికంగా ఎదిగిన నేతన్నల పొట్టలుగొట్టి, వారి ఆత్మహత్యలకు కాంగ్రెస్‌ ప్రభుత్వం కారణమైందని తెలిపారు. ఈ ఏడాది నుంచి నేతన్నలకు బతుకమ్మ చీరల తయారీ బాధ్యతలను ఇవ్వకపోవడంతో ఉపా ధి కోల్పోవాల్సిన పరిస్థితులు దాపురించాయని తెలిపారు. తమ డిమాండ్ల పరిష్కారం కోసం కాంగ్రెస్‌ ప్రభుత్వం ముందుకు రావాలని డిమాండ్‌ చేస్తున్నారు. సీఎంకి ఇచ్చిన వినతిపత్రంలో పేర్కొన్న అంశాలు ఇలా ఉన్నాయి.

• నేతన్నకు చేయూత పథకంలో కొం దరు వాయిదాలను మధ్యలోనే నిలిపేశారు. అలాంటి వారికోసం కొంత నగదును బ్యాంకుల్లో ప్రభు త్వం జమచేసి న్యాయం చేయాలి.
• చేనేతమిత్ర కింద 40 శాతంతో నూలు సబ్సిడీ, నేరుగా వీవర్‌కు రూ.2,000, వర్కర్‌కు రూ.500 చొప్పున 2023 అక్టోబర్‌ వరకు గత కేసీఆర్‌ ప్రభుత్వం ఇచ్చింది. కానీ కాంగ్రెస్‌ ప్రభుత్వం సబ్సీడీ ఇవ్వడమే లేదు. 2023 నవంబర్‌ నుంచి ఇప్పటివరకు ఈ పథకం కింద బెనిఫిట్స్‌ ఇవ్వాలి.
• రూ.2 లక్షల వరకు చేనేతల రుణమాఫీ చేయాలి.
• 80 ఏండ్ల వయసున్న నేతన్నలకు బీమా పథకాన్ని వర్తింపజేయాలి.
• చేనేత కార్మికుల వద్ద నిల్వ ఉన్న వస్ర్తాలను నేరుగా సర్కారు కొనుగోలు చేసి, వారిని ఆదుకోవాలి.
• ఇండ్లు లేని నేతన్నలకు డబుల్‌ బెడ్‌ రూమ్‌ ఇండ్లు ఇవ్వాలి. స్థలం ఉన్నవారికి ఇల్లు కట్టుకోవడానికి రూ.5 లక్షల సాయం అందచేయాలి.