వజ్రోత్సవాల నిర్వహణపై కమిటీ సమావేశం

హైదరాబాద్‌ : తెలంగాణలో స్వాతంత్య్ర వజ్రోత్సవాల నిర్వహణపై, కమిటీ చైర్మన్, ఎంపీ కే కేశవరావు
నేతృత్వంలో శుక్రవారం సమావేశమైంది. జీఏడీ విభాగం సిద్ధం చేసిన ప్రతిపాదనలపై కమిటీ చర్చించింది. 15 రోజుల ఉత్సవ కార్యాచరణ రూపొందించేందుకు కమిటీ సభ్యులు ప్రభుత్వ సాంస్కృతిక సలహాదారు డాక్టర్‌ కేవీ రమణాచారి, తెలంగాణ సాహిత్య అకాడమీ చైర్మన్ జూలూరు గౌరీశంకర్, సీఎంవో ఓఎస్‌డీ, దేశపతి శ్రీనివాస్, సాంస్కృతిక శాఖ డైరెక్టర్ మామిడి హరికృష్ణ సమావేశంలో పాల్గొన్నారు. ఉత్సవాల నిర్వహణపై సమావేశంలో పలు నిర్ణయాలు తీసుకున్నారు.

నిర్ణయాలు ఇవే..

• ఆగస్ట్‌ 15న రాష్ట్రంలో ప్రతి ఇంటిపై జాతీయ జెండాను ఎగురవేయడం.
• హైదరాబాద్ నగరంలోని ముఖ్యమైన భవనాలు, స్మారక చిహ్నాల వద్ద విద్యుత్ దీపాలంకరణ.
• స్వాతంత్ర్య పోరాటం, సమరయోధుల, జాతీయ నాయకుల చిత్రాలతో హోర్డింగ్‌లు, బిల్-బోర్డుల ప్రదర్శన.
• ఫిల్మ్ ఫెస్టివల్ నిర్వహణ- సినిమా హాళ్లలో, పాఠశాలలు, కళాశాలల్లో దేశభక్తి చిత్రాల ప్రదర్శన.
• జానపద పాటలు, నృత్యాలు, నిర్వహణ.
• పాఠశాల విద్యార్థులకు వ్యాసరచన, వక్తృత్వం, పాటలు, నాటికలు, ఫ్యాన్సీ డ్రెస్‌ల పోటీలు, ఫ్యాన్సీ డ్రెస్
  పరేడ్‌.
•  స్వాతంత్ర్య పోరాటంపై పెయింటింగ్, ప్రదర్శనలు, ర్యాలీలు.
• ట్యాంక్ బండ్ అంబేద్కర్ విగ్రహం వద్ద జెండాలు, ప్లకార్డులతో విద్యార్థులచే ర్యాలీ. సంజీవయ్య పార్క్, జాతీయ జెండా స్తంభం వరకు ఎంసీహెచ్ సిబ్బందితో ర్యాలీ.
• త్రివర్ణ బెలూన్‌లను ఎగురవేయడానికి పెద్ద మైదానంలో సమ్మేళనం.
• స్వాతంత్ర్య దినోత్సవం రోజున జాతీయ నాయకుల విగ్రహాలకు నివాళులర్పిస్తూ పూలమాలల అలంకరణ.
• ప్రధాన జంక్షన్ల వద్ద జాతీయ గీతాలాపన చేయడం. ఒక రోజు కార్యక్రమం.
• 2కే ఫ్రీడమ్ రన్ అండ్‌ సైకిల్ రన్.
• దీప నీరాజనం – దీపాలను వెలిగించడం.
• జాతీయ సమైక్య రక్షా బంధన్ (రాఖీ పూర్ణిమ).
• కాలనీల శుభ్రత కార్యక్రమంలో స్థానిక ప్రజా ప్రతినిధులు పాల్గొనడం.
• కవి సమ్మేళనం అండ్‌ ముషాయిరా.
• ఎస్‌హెచ్‌జీఎస్‌, మహిళలతో రంగోలి కార్యక్రమం.
• పుస్తక ప్రదర్శన.
• ఎన్‌ఎస్‌ఎస్‌, ఎన్‌సీసీ, స్కౌట్స్ & గైడ్స్, సైక్లింగ్ క్లబ్, ఎస్‌హెచ్‌జీలు, కళాశాలలు, స్పోర్ట్స్ క్లబ్‌లు, విద్యార్థులు కార్యక్రమంలో పాల్గొంటారు.
• వాలీబాల్, క్రికెట్, కబడ్డీ, కో-కో ఆటలు, క్రీడల పోటీల నిర్వహణ.
• రవీంద్ర భారతిలో 15 రోజుల సాంస్కృతిక కార్యక్రమాలు.
• ఆసుపత్రుల్లో పేషంట్లకు పండ్ల పంపిణీ.
• బీటింగ్ రిట్రీట్.
• ముగింపు కార్యక్రమంలో ప్రతి జిల్లా నుంచి 1000-2000 మంది వలంటీర్లు ర్యాలీగా ఎల్‌బీ స్టేడియం వద్దకు చేరుకుంటారు.
•  సీఎం కేసీఆర్‌ ఆగస్ట్‌ 8న హైటెక్స్‌లో వేడుకలను ప్రారంభించి, సభను ఉద్దేశించి ప్రసంగిస్తారు.
•  ఆగస్ట్‌ 22న ఎల్‌బీ స్టేడియంలో ముగింపు కార్యక్రమం.
•  రాష్ట్ర మంత్రులు కేటీఆర్‌, టీ శ్రీనివాస్ యాదవ్, సబితా ఇంద్రారెడ్డి, శ్రీనివాస్ గౌడ్, ఎర్రబెల్లి దయాకర్ రావు శాసనసభ్యులు, స్థానిక ప్రజా ప్రతినిధులతో ఏర్పాట్లను సమన్వయం చేస్తారు.
•  సీఎం కేసీఆర్‌ ఆమోదం లభించిన తర్వాత తదుపరి కార్యక్రమం ఉంటుంది.