Unseasonal Rains | అకాల వర్షాలతో అపార నష్టం.. చేతికొచ్చిన పంట నీటి పాలు

అకాల వర్షాలు, వడగండ్లు రాష్ట్రంలోని పలు జిల్లాల్లో చేతికొచ్చిన పంటను ధ్వంసం చేశాయి. ప్రధానంగా వరి, మక్కజొన్న, జొన్న పంటలతోపాటు మామిడి తోటలు దెబ్బతిన్నాయి. వ్యవసాయ అధికారులు గ్రామాలవారీగా పంట నష్టం వివరాలు సేకరిస్తున్నారు.

• నేలరాలిన మామిడి, నేలకొరిగిన వరి, మక్క, జొన్న పంటలు

నమస్తే తెలంగాణ నెట్‌వర్క్‌, ఏప్రిల్‌ 26: అకాల వర్షాలు, వడగండ్లు రాష్ట్రంలోని పలు జిల్లాల్లో చేతికొచ్చిన పంటను ధ్వంసం చేశాయి. ప్రధానంగా వరి, మక్కజొన్న, జొన్న పంటలతోపాటు మామిడి తోటలు దెబ్బతిన్నాయి. వ్యవసాయ అధికారులు గ్రామాలవారీగా పంట నష్టం వివరాలు సేకరిస్తున్నారు.

 

 

• ఉమ్మడి ఆదిలాబాద్‌ జిల్లాలో అకాల వర్షాలకు మామిడి, వరి తీవ్ర నష్టం వాటిల్లింది. మంచిర్యాల జిల్లాలో దాదాపు 4 వేల నుంచి 5 వేల హెక్టార్లలో మామిడికాయ రాలిపోయింది. రెండు వేల పైచిలుకు ఎకరాల్లో వరి పంట దెబ్బతిన్నట్టు అధికారులు భావిస్తున్నారు.
• ఉమ్మడి నిజామాబాద్‌ జిల్లాలో సుమారు 41 వేల ఎకరాల్లో పంట నష్టం జరిగినట్టు వ్యవసాయశాఖ అధికారులు ప్రాథమికంగా అంచనా వేశారు. ప్రధానంగా వరి, మామిడి, జొన్న, నువ్వుల పంటలకు నష్టం వాటిల్లింది.
• ఉమ్మడి ఖమ్మం జిల్లాలో 3,717 ఎకరాల్లో పంట నష్టం వాటిల్లింది.
• కరీంనగర్‌ జిల్లాలో ఈ నెల 22న కురిసిన వర్షాలకు 23,709 ఎకరాల్లో, ఈ నెల 24న కురిసిన వడగండ్లు, ఆకాల వర్షాలకు 19,568 ఎకరాల్లో పంటలు దెబ్బతిన్నట్టు అధికారులు అంచనా వేశారు.
• పెద్దపల్లి జిల్లా ధర్మారం, జూలపల్లి, ఎలిగేడు, ఓదెల, సుల్తానాబాద్‌, పాలకుర్తి, కమాన్‌పూర్‌, రామగిరి, మంథని, ముత్తారం మండలాల్లో 16,835 ఎకరాల్లో పంట నష్టం వాటిల్లింది..
• రాజన్న సిరిసిల్ల జిల్లాలో 9,600 ఎకరాల్లో వరి పంట నష్టం జరిగినట్టు వ్యవసాయ శాఖ ప్రాథమిక అంచనా వేసింది.
• ఉమ్మడి మహబూబ్‌నగర్‌ జిల్లాలో సుమారు 2 వేల ఎకరాల్లో పంటలు దెబ్బతిన్నట్టు అధికారులు అంచనా వేశారు.
• జయశంకర్‌ భూపాలపల్లి జిల్లాలో 1,103 ఎకరాల్లో మక్కజొన్న, వరి పంటలకు నష్టం వాటిల్లింది.
  జనగామ జిల్లాలో 46,972 ఎకరాల్లో వివిధ రకాల పంటలకు నష్టం వాటిల్లింది. ఇందులో వరి 43,480 ఎకరాలు, మక్కజొన్న 3,166 ఎకరాలు, మామిడి 233 ఎకరాలు, కూరగాయ పంటలు 93 ఎకరాలు ఉన్నాయి.
• మహబూబాబాద్‌ జిల్లాలో 11,241 ఎకరాల్లో పంట నష్టం జరిగింది.
• ములుగు జిల్లాలో 1,200 ఎకరాల్లో వరి, 700 ఎకరాల్లో మక్కజొన్న పంటలకు నష్టం వాటిల్లింది.
• హనుమకొండ జిల్లాలో 35 వేల ఎకరాల్లో పంట నష్టం వాటిల్లినట్టు అధికారులు అంచనా వేశారు.
• సిద్దిపేట జిల్లాలో దాదాపు 50 వేల ఎకరాల్లో పంట నష్టం జరిగింది.