ఆయిల్‌ పామ్‌ మకానాపై సాగు సహకారం

రాష్ట్రంలో సాగవుతున్న ఆయిల్‌ పామ్‌పై బీహార్‌ ఆసక్తి కనబరచగా బీహార్‌లో సాగవుతున్న మకానాపై తెలంగాణ ఆసక్తి కనబరిచింది. బీహార్‌ వ్యవసాయశాఖ మంత్రి విజయ్‌కుమార్‌ సిన్హా బుధవారం రాష్ట్ర వ్యవసాయశాఖ మంత్రి తుమ్మల నాగేశ్వరరావును సచివాలయంలో మర్యాదపూర్వకంగా కలిశారు.

• తెలంగాణ, బీహార్‌ వ్యవసాయ మంత్రుల నిర్ణయం

హైదరాబాద్‌, ఆగస్టు 12 (నమస్తే తెలంగాణ): రాష్ట్రంలో సాగవుతున్న ఆయిల్‌ పామ్‌పై బీహార్‌ ఆసక్తి కనబరచగా బీహార్‌లో సాగవుతున్న మకానాపై తెలంగాణ ఆసక్తి కనబరిచింది. బీహార్‌ వ్యవసాయశాఖ మంత్రి విజయ్‌కుమార్‌ సిన్హా బుధవారం రాష్ట్ర వ్యవసాయశాఖ మంత్రి తుమ్మల నాగేశ్వరరావును సచివాలయంలో మర్యాదపూర్వకంగా కలిశారు. ఈ సందర్భంగా బీహార్‌-తెలంగాణ రాష్ట్రాల మధ్య వ్యవసాయరంగంలో పరస్పర సహకారం, సాంకేతిక పరిజ్ఞాన మార్పిడి, ఉత్తమ విధానాల అధ్యయనం తదితర అంశాలపై ఇరువురు మంత్రులు విస్తృతంగా చర్చించారు. బీహార్‌లో ఆయిల్‌ పామ్‌ సాగు అవకాశాలపై ఆ రాష్ట్ర మంత్రి ఆసక్తి వ్యక్తం చేయగా, మంత్రి తుమ్మల బీహార్‌లో ప్రత్యేకంగా సాగవుతున్న మకానా పంట, దాని ఉత్పత్తి, విలువ జోడింపు, మారెటింగ్‌ విధానాలపై ఆసక్తి చూపారు. రెండు పంటల సాగులో పరస్పర సహకారానికి ఆయా రాష్ర్టాల్లో బృందాలు పర్యటించాలని నిర్ణయించారు.