Visit:
హైదరాబాద్‌, మార్చి 4 (నమస్తే తెలంగాణ): ఆంధ్రప్రదేశ్‌లో బీఆర్‌ఎస్‌ దూసుకుపోతున్నది. నిత్యం అనేకమంది పార్టీలో చేరుతున్నారు. శనివారం ఒక్కరోజే రాయలసీమ, కోస్తాంధ్ర నుంచి ముఖ్యనేతలు ఏపీ బీఆర్‌ఎస్‌ అధ్యక్షుడు తోట చంద్రశేఖర్‌ సమక్షంలో పార్టీలో చేరగా, అందరికీ గులాబీ కండువాలు కప్పి ఆహ్వానించారు.
హైదరాబాద్‌లోని తోట చంద్రశేఖర్‌ నివాసంలో జరిగిన కార్యక్రమంలో పశ్చిమ గోదావరి జిల్లా చింతలపూడి నియోజకవర్గం నుంచి నవ్యాంధ్ర మాల మహానాడు రాష్ట్ర నాయకుడు రాపాక రవికుమార్‌ సారథ్యంలో పలువురు బీఆర్‌ఎస్‌లో చేరారు. కడపజిల్లా నుంచి జై కృష్ణ, నాగార్జున, వెంకటసాయి నేతృత్వంలో నాయకులు, కార్యకర్తలు చేరారు. ఏపీలో పార్టీ విస్తరణ కోసం పాటుపడతామని నేతలు పేర్కొన్నారు. ఏపీ బీఆర్‌ఎస్‌ నేత చింతల పార్థసారథి, గిద్ద శ్రీనివాసరావు పాల్గొన్నారు.
