Visit:
KCR | హైద‌రాబాద్ : బీఆర్ఎస్ అధినేత, తెలంగాణ తొలి ముఖ్య‌మంత్రి కేసీఆర్ ఎన్నిక‌ల ప్ర‌చారంపై ఈసీ 48 గంట‌ల పాటు ఈసీ నిషేధం విధించిన సంగ‌తి తెలిసిందే. ఈసీ నిర్ణ‌యంపై కేసీఆర్ స్పందించారు. నా మాట‌ల‌ను అధికారులు స‌రిగా అర్థం చేసుకోలేదు. స్థానిక మాండ‌లికాన్ని అధికారులు అర్థం చేసుకోలేదు. కాంగ్రెస్ నేత‌లు కొన్ని వ్యాఖ్య‌ల‌ను ఎంపిక చేసుకొని ఫిర్యాదు చేశారు. నా వ్యాఖ్య‌ల‌కు ఆంగ్ల అనువాదం స‌రికాదు. కాంగ్రెస్ విధానాలు, హామీల అమ‌ల్లో వైఫ‌ల్యాన్నే ప్ర‌స్తావించాను అని కేసీఆర్ వివ‌ర‌ణ ఇచ్చారు.
ఈ రోజు రాత్రి 8 గంట‌ల నుంచి 48 గంట‌ల పాటు కేసీఆర్ ఎన్నిక‌ల ప్ర‌చారంపై నిషేధం విధించిన‌ట్లు ఈసీ ఉత్త‌ర్వులు జారీ చేసింది. ఏప్రిల్ 5వ తేదీన సిరిసిల్ల‌లో కాంగ్రెస్ నేత‌ల‌పై కేసీఆర్ అభ్యంత‌ర‌క‌ర వ్యాఖ్య‌లు చేశార‌ని కాంగ్రెస్ నేత నిరంజ‌న్ రెడ్డి ఫిర్యాదు మేర‌కు ఈసీ ఈ నిర్ణ‌యం తీసుకున్న‌ట్లు తెలిపింది.
