ఏపీ బాబు పట్టు.. మన సర్కార్‌ విడుపు.. బనకచర్లపై మొండిపట్టుతో ఏపీ సీఎం ప్రయత్నాలు!

బనకచర్ల ప్రాజెక్టు అంశంలో ఏపీ సీఎం చంద్రబాబు పట్టువిడవకుండా ప్రయత్నాలు చేస్తున్నారు. నల్లమల సాగర్‌ పేరుతో కొత్త అవతారం ఎత్తారు. కేంద్రంపై ఒత్తిడి తీసుకువస్తున్నారు. మంతనాలు సాగిస్తున్నారు. ఇదేసమయంలో పొరుగు రాష్ట్రం జలకుట్రలను తిప్పికొట్టి, తెలంగాణ నీటి హక్కులను, ప్రయోజనాలను దృష్టిలో పెట్టుకొని బేషరతుగా ధిక్కరించాల్సిన రేవంత్‌ ప్రభుత్వం మాత్రం పూటకో తీరుగా వ్యవహరిస్తున్నది.

 

రాజీపడే ప్రసక్తే లేదు ఆంధ్రప్రదేశ్‌ నీటిహక్కులు, ప్రయోజనాల విషయంలో రాజీపడే ప్రసక్తే లేదు. పోలవరం ప్రాజెక్టు పూర్తిచేయడంతోపాటు, కృష్ణా జలాలను రాయలసీమకు తరలించి తీరుతాం.

– ఏపీ సీఎం చంద్రబాబు (2026 జనవరి 9)

ఏపీతో చర్చలకు సిద్ధం జలవివాదాలపై ఏపీతో చర్చలకు మేము సిద్ధం. చర్చలతోనే వివాదాలకు పరిష్కారం లభిస్తుంది.

– సీఎం రేవంత్‌ (2026 జనవరి 9న రంగారెడ్డి జిల్లా రావిర్యాలలో)

నదీజలాలను తరలించేందుకు చంద్రబాబు మొండిపట్టుతో ముందుకు పోతుంటే, రేవంత్‌రెడ్డి ప్రభుత్వం మాత్రం బేలతనం ప్రదర్శిస్తున్నదని చెప్పడానికి ఒకేరోజు రెండు రాష్ర్టాల సీఎంలు చేసిన ఈ ప్రకటనలే సాక్ష్యం.

హైదరాబాద్‌, మే 23 (నమస్తే తెలంగాణ): బనకచర్ల ప్రాజెక్టు అంశంలో ఏపీ సీఎం చంద్రబాబు పట్టువిడవకుండా ప్రయత్నాలు చేస్తున్నారు. నల్లమల సాగర్‌ పేరుతో కొత్త అవతారం ఎత్తారు. కేంద్రంపై ఒత్తిడి తీసుకువస్తున్నారు. మంతనాలు సాగిస్తున్నారు. ఇదేసమయంలో పొరుగు రాష్ట్రం జలకుట్రలను తిప్పికొట్టి, తెలంగాణ నీటి హక్కులను, ప్రయోజనాలను దృష్టిలో పెట్టుకొని బేషరతుగా ధిక్కరించాల్సిన రేవంత్‌ ప్రభుత్వం మాత్రం పూటకో తీరుగా వ్యవహరిస్తున్నది. చెప్పేదొకటి చేసేదొకటిగా మారింది. మొదట గోదావరిలో వెయ్యి టీఎంసీలు, కృష్ణాలో 500 టీఎంసీలను తెలంగాణకు రాసిస్తే సరిపోతుందని, ఆ తరువాత బనకచర్లను అంగీకరిస్తామని ఏకంగా సీఎం రేవంత్‌ప్రకటించారు.

తీవ్ర విమర్శలు రావడంతో బనకచర్ల ప్రాజెక్టును అడ్డుకొంటామంటూ మాట మార్చారు. ఆ మాట మీద కూడా నిలబడలేదు. వరదజలాల లెక తేలాక, తెలంగాణ ప్రాజెక్టులు కట్టుకొన్నతర్వాత బురద ఉందా, వరద ఉందో తేలుతుందని, ఎవరేం కట్టాలంటున్నారనేది గోదావరి రివర్‌ బోర్డు ముందే చర్చిద్దామంటూ చర్చలకు ఆహ్వానం పలికారు. ఆ తర్వాత ఏపీ సర్కార్‌తో చర్చలకు మొగ్గుచూపడం, ఢిల్లీకి వెళ్లడం తెలిసిందే. అపెక్స్‌ కౌన్సిల్‌ మీటింగ్‌లో బనకచర్లపై చర్చే లేదని చెప్పి, తీరా జలవివాదాల పరిష్కారం కోసం నిపుణుల క మిటీ ఏర్పాటుకు అంగీకారం తెలిపిరావడం కాంగ్రెస్‌ ప్రభుత్వ తీరుకు నిదర్శనం.

ఆ తర్వా త ఏపీ మంత్రి మాటలతో అదీ వట్టిదేనని తేలిపోయింది. పోలవరం నల్లమలసాగర్‌ ప్రాజెక్టు ను చేపడుతున్నట్టు ఏపీ సీఎం పత్రికాముఖంగా ప్రకటించినా రేవంత్‌ స్పందించలేదు. కేంద్రానికి, న్యాయపర వేదికలపై ఫిర్యాదు చేసిన తరువాత సుప్రీంకోర్టుకు పోవాల్సి ఉం టుందని సుద్దులు చెప్పారు. కేంద్రానికి లేఖలు రాసి చేతులు దులుపుకోవడం, ఏపీ టెండర్లను పూర్తి చేసేవరకూ ఎదురుచూసి, ఆ తరువాత సుప్రీంకోర్టు లో కేసు వేయడం.. ఇదీ రేవంత్‌ ప్రభుత్వం వరుస. మొత్తంగా ఏపీ సర్కార్‌, కేంద్ర ప్రభు త్వం కుట్రలకు వంతపాడుతున్నట్టుగా తెలంగాణ ప్రభుత్వ చర్యలు ఉన్నాయని న్యాయనిపుణులు స్పష్టం చేస్తున్నారు.

ప్రాజెక్టుపై ఏపీ, తెలంగాణ ప్రభుత్వాల చర్యలు ఇలా..

• 2024 జూలై 6: ప్రజాభవన్‌ వేదికగా బనకచర్లపై రేవంత్‌, చంద్రబాబు భేటీ.
• నవంబర్‌15: బనకచర్ల లింకుకు సహకరించాలని కేంద్రమంత్రి నిర్మలా సీతారామన్‌కు చంద్రబాబు లేఖ.
• డిసెంబర్‌ 20: పాలమూరు-రంగారెడ్డి ప్రాజెక్టు డీపీఆర్‌ను తిప్పి పంపిన కేంద్రం.
• డిసెంబర్‌ 31: నిర్మలాసీతారామన్‌కు చంద్రబాబు మరో లేఖ. రూ.80 వేల కోట్లు ఆర్థికసాయం అందించాలని విజ్ఞప్తి.
• 2025 జనవరి 24: హరీశ్‌రావు తెలంగాణ భవన్‌లో ప్రెస్‌మీట్‌. ఏపీ కుట్రలు, రేవంత్‌ మౌనంపై ఆగ్రహం. దీంతో కేంద్రానికి లేఖ రాసి, మీడియాకు విడుదల చేసిన సర్కార్‌.
• జనవరి 27: బనకచర్లపై కేంద్రమంత్రి కిషన్‌రెడ్డికి హరీశ్‌రావులేఖ.
• మార్చి 5: బనకచర్ల అంశంపై సిద్దిపేటలో హరీశ్‌రావు ప్రెస్‌మీట్‌.
• మే 25: మరోసారి తెలంగాణభవన్‌లో బనకచర్ల అంశంపై హరీశ్‌రావు ప్రెస్‌మీట్‌.
• జూన్‌ 6: దుబ్బాకలో ఇదే అంశంపై హరీశ్‌రావు మీడియా సమావేశం.
• జూన్‌ 14: తెలంగాణభవన్‌లో హరీశ్‌రావు పవర్‌ పాయింట్‌ ప్రజెంటేషన్‌.
• జూన్‌ 15: బనకచర్ల అంశంపై ఉత్తమ్‌కుమార్‌రెడ్డికి హరీశ్‌రావు లేఖ.
• జూన్‌ 19: తెలంగాణ భవన్‌లో మళ్లీ బనకచర్ల అంశంపై హరీశ్‌రావు ప్రెస్‌మీట్‌. అఖిలపక్షాన్ని ఢిల్లీకి తీసుకెళ్లి బనకచర్ల ప్రాజెక్టు ద్వారా జరిగే నష్టాన్ని కేంద్రానికి వివరించి అడ్డుకోవాలని, ప్రత్యేక అసెంబ్లీ సమావేశం నిర్వహించి, ఆ ప్రాజెక్టుకు వ్యతిరేకంగా ఏకగ్రీవ తీర్మానం చేసి కేంద్రానికి పంపించాలని డిమాండ్‌. లేకుంటే ఢిల్లీలో బీఆర్‌ఎస్‌ ఆధ్వర్యంలో ధర్నా నిర్వహిస్తామని హెచ్చరిక.
• జూన్‌ 23: దిగొచ్చిన రేవంత్‌రెడ్డి ప్రభు త్వం. క్యాబినెట్‌లో చర్చ. బనకచర్లను అడ్డుకొంటామని ప్రకటన.
• జూలై 16: కేంద్ర మంత్రి సీఆర్‌ పాటిల్‌ నేతృత్వంలో ఢిల్లీలో ఏపీ ప్రతినిధులతో రేవంత్‌ భేటీ. బనకచర్లపై జలవివాదాల పరిష్కారానికి కమిటీ ఏర్పాటుకు అంగీకారం. బయటికి వచ్చిన తర్వాత చర్చలే జరగలేదని బుకాయింపు.
• అక్టోబర్‌ 6: బనకచర్ల లింకు ప్రాజెక్టు డీపీఆర్‌ తయారీకి టెండర్‌ నోటిఫికేషన్‌ జారీ చేసిన ఏపీ.
• అక్టోబర్‌ 31: బనకచర్ల టెండర్లను రద్దు చేసిన ఏపీ ప్రభుత్వం.
• నవంబర్‌ 10: బనకచర్ల బదులు నల్లమలసాగర్‌ లింకు ప్రాజెక్టు చేపడుతున్నట్టు మీడియా ముఖంగా ప్రకటించిన ఏపీ.
• నవంబర్‌ 24: ప్రాజెక్టు పనులకు టెండర్‌ నోటిఫికేషన్‌.
• డిసెంబర్‌ 12: డీపీఆర్‌ తయారీకి కన్సల్టెన్సీ నియామకం పూర్తి.
• డిసెంబర్‌ 13: పాలమూరు ప్రాజెక్టుకు 90 టీఎంసీలకు బదులు 45 టీఎంసీలకే అనుమతివ్వాలని కేంద్రాన్ని కోరిన రేవంత్‌ సర్కార్‌. లేఖ రాసిన మంత్రి ఉత్తమ్‌
• డిసెంబర్‌ 15: కేంద్ర కమిటీ కోసం అధికారుల పేర్లను పంపిన ఏపీ.
• డిసెంబర్‌ 16: టెండర్ల అప్పగింత పూర్తయ్యాక ప్రాజెక్టుపై సుప్రీంకోర్టులో రిట్‌ పిటిషన్‌ దాఖలు చేసిన రేవంత్‌రెడ్డి ప్రభుత్వం.
• డిసెంబర్‌ 22: బీఆర్‌ఎస్‌ అధినేత కేసీఆర్‌ ప్రెస్‌మీట్‌. 45 టీఎంసీల కుదింపుపై ఆగ్రహం. పోరాటానికి పిలుపు.
• డిసెంబర్‌ 23: ఏపీ ప్రతిపాదించిన వారం తిరగకముందే రేవంత్‌రెడ్డి సర్కార్‌ కమిటీ కో సం తెలంగాణ అధికారుల పేర్ల ప్రతిపాదన.
• 2026 జనవరి 2: సీడబ్ల్యూసీ చైర్మన్‌ నేతృత్వంలో కమిటీ ఏర్పాటు
• జనవరి 3: పాలమూరు రంగారెడ్డి ప్రాజెక్టుకు 90 టీఎంసీలతో అనుమతులివ్వాలని కేంద్రాన్ని డిమాండ్‌ చేస్తూ అసెంబ్లీలో తీర్మానం.
• మే 1, 8: కేంద్రజలశక్తి శాఖ చర్చలు. తెలంగాణ నుంచి ప్రతినిధులను పంపిన ప్రభుత్వం. సమావేశ వివరాలన్నీ ఇప్పటికీ రహస్యం.