సర్కార్‌ బడుల్లో ప్రవేశాలు ఘనం

రాష్ట్రంలోని ప్రభుత్వ పాఠశాలల్లో అడ్మిషన్ల సంఖ్య పెరుగుతున్నది. 2020-21 విద్యా సంవత్సరం కంటే 2021-22లో అదనంగా 4,06,725 మంది విద్యార్థులు ప్రభుత్వ పాఠశాలల్లో చేరారు. ఈ విషయాన్ని కేంద్ర విద్యాశాఖ విడుదల చేసిన యునిఫైడ్‌ డిస్ట్రిక్ట్‌ ఇన్ఫర్మేషన్‌ సిస్టం ఫర్‌ ఎడ్యుకేషన్‌ ప్లస్‌ (యూడైస్‌ ప్లస్‌) నివేదిక వెల్లడించింది. దీంతో 2021-22లో ప్రభుత్వ పాఠశాలల్లోని విద్యార్థుల సంఖ్య 33,03,699కి చేరింది. 1-12 తరగతుల వరకు వీరంతా ప్రభుత్వ పాఠశాలల్లో ప్రవేశాలు పొందినట్టు నివేదిక వివరించింది

• భారీగా పెరిగిన ఎన్‌రోల్‌మెంట్‌
• \2021-22 నివేదికలో కేంద్రం
• టీచర్లలో అత్యధికులు మహిళలే
• ప్రాథమిక స్థాయిలో డ్రాపౌట్స్‌ జీరో

హైదరాబాద్‌, నవంబర్‌ 4 (నమస్తే తెలంగాణ): రాష్ట్రంలోని ప్రభుత్వ పాఠశాలల్లో అడ్మిషన్ల సంఖ్య పెరుగుతున్నది. 2020-21 విద్యా సంవత్సరం కంటే 2021-22లో అదనంగా 4,06,725 మంది విద్యార్థులు ప్రభుత్వ పాఠశాలల్లో చేరారు. ఈ విషయాన్ని కేంద్ర విద్యాశాఖ విడుదల చేసిన యునిఫైడ్‌ డిస్ట్రిక్ట్‌ ఇన్ఫర్మేషన్‌ సిస్టం ఫర్‌ ఎడ్యుకేషన్‌ ప్లస్‌ (యూడైస్‌ ప్లస్‌) నివేదిక వెల్లడించింది. దీంతో 2021-22లో ప్రభుత్వ పాఠశాలల్లోని విద్యార్థుల సంఖ్య 33,03,699కి చేరింది. 1-12 తరగతుల వరకు వీరంతా ప్రభుత్వ పాఠశాలల్లో ప్రవేశాలు పొందినట్టు నివేదిక వివరించింది. ప్రభుత్వ పాఠశాలల బలోపేతానికి రాష్ట్ర ప్రభుత్వం తీసుకొంటున్న చర్యలు, పెద్ద సంఖ్యలో గురుకులాల ఏర్పాటు, ప్రొఫెసర్‌ జయశంకర్‌ బడిబాట కార్యక్రమం వంటివి అడ్మిషన్లు పెరిగేందుకు దోహదం చేశాయి.

మరికొన్ని ముఖ్యాంశాలు

• రాష్ట్రంలోని అన్ని ప్రభుత్వ, ఎయిడెడ్‌, ప్రైవేట్‌ పాఠశాలల్లో మొత్తం 69,15,421 మంది విద్యార్థులు ఉన్నారు.
• రాష్ట్రంలోని ప్రభుత్వ, ఎయిడెడ్‌, ప్రైవేట్‌ పాఠశాలల్లో ఉన్న మొత్తం 3,20,894 మంది టీచర్లలో 1,94,415 మంది మహిళలు ఉన్నారు.
• సెకండరీ, హయ్యర్‌ సెకండరీ స్కూళ్లలో పురుష ఉపాధ్యాయుల సంఖ్య ఎక్కువగా ఉన్నది.
• రాష్ట్రంలో ఒక్కొక్క పాఠశాలలో సగటున ఏడుగురు ఉపాధ్యాయులు పనిచేస్తున్నారు.
• మన రాష్ట్రంలో ఒక్కో పాఠశాలలో సగటున 161 మంది విద్యార్థులు ఉండగా, జాతీయంగా సగటున ఒక్కో పాఠశాలలో 178 మంది విద్యార్థులు ఉన్నారు.

 

రాష్ట్రంలోని వివిధ పాఠశాలల్లో పై తరగతులకు ప్రమోట్‌ అయ్యేవారి శాతం

రాష్ట్రంలోని పాఠశాలల్లో ఉన్న వివిధ సదుపాయాలు