Anupama Parameswaran | బ్రేకప్ వార్తలపై ప‌రోక్షంగా స్పందించిన‌ అనుపమ.. ఇప్పుడు చాలా ప్రశాంతంగా ఉన్నానంటూ కామెంట్

Anupama Parameswaran | టాలీవుడ్, కోలీవుడ్, మాలీవుడ్ చిత్రాల్లో తన నటనతో ప్రత్యేక గుర్తింపు తెచ్చుకున్న హీరోయిన్ అనుపమ పరమేశ్వరన్ మరోసారి వార్తల్లో నిలిచారు. ఇటీవల ఆమె వ్యక్తిగత జీవితానికి సంబంధించిన వార్తలు సోషల్ మీడియాలో విస్తృతంగా చక్కర్లు కొడుతున్నాయి.

Anupama Parameswaran | టాలీవుడ్, కోలీవుడ్, మాలీవుడ్ చిత్రాల్లో తన నటనతో ప్రత్యేక గుర్తింపు తెచ్చుకున్న హీరోయిన్ అనుపమ పరమేశ్వరన్ మరోసారి వార్తల్లో నిలిచారు. ఇటీవల ఆమె వ్యక్తిగత జీవితానికి సంబంధించిన వార్తలు సోషల్ మీడియాలో విస్తృతంగా చక్కర్లు కొడుతున్నాయి. ముఖ్యంగా తమిళ నటుడు ధృవ్ విక్రమ్‌తో ప్రేమలో ఉన్నారనే ప్రచారం గత కొంతకాలంగా సాగుతుండగా, ఇప్పుడు వీరిద్దరూ విడిపోయారనే వార్తలు సినీ వర్గాల్లో హాట్ టాపిక్‌గా మారాయి. ఇటీవల అనుపమ తన సోషల్ మీడియా ఖాతాలో చేసిన కొన్ని పోస్టులు అభిమానుల దృష్టిని ఆకర్షించాయి. వాటిలో స్వేచ్ఛ, వ్యక్తిగత జీవితం, నిర్ణయాల గురించి చేసిన వ్యాఖ్యలను చూసిన నెటిజన్లు.. అవి ఆమె వ్యక్తిగత జీవితాన్ని ఉద్దేశించినవేనని చర్చించుకుంటున్నారు.

ఇకపై నా జీవితంలో ప్రతి నిర్ణయానికి ఎవరి అనుమతి అవసరం లేదు. నేను అనుకున్న చోటికి వెళ్లగలను.. నాకు నచ్చిన విషయాలను పంచుకోగలను. ఇప్పుడు నేను చాలా స్వేచ్ఛగా జీవిస్తున్నాను అనే భావాన్ని వ్యక్తం చేశారు.ఈ పోస్టుల అనంతరం అనుపమ తన ఇన్‌స్టాగ్రామ్‌లో ధృవ్ విక్రమ్‌ను అన్‌ఫాలో చేసినట్లు సోషల్ మీడియాలో ప్రచారం జరగడంతో, బ్రేకప్ వార్తలకు మరింత ఊతమిచ్చింది. అయితే ధృవ్ విక్రమ్‌తో రిలేషన్‌షిప్ లేదా బ్రేకప్ గురించి అనుపమ ఇప్పటివరకు ఎలాంటి అధికారిక ప్రకటన చేయలేదు. అలాగే ధృవ్ విక్రమ్ కూడా ఈ ప్రచారంపై స్పందించలేదు. అందువల్ల సోషల్ మీడియాలో వస్తున్న ఈ వార్తలను అధికారికంగా ధృవీకరించలేము.

తాజాగా అనుపమ ప్రధాన పాత్రలో నటిస్తున్న ‘క్రేజీ కళ్యాణం’ సినిమా టీజర్ విడుదల కార్యక్రమంలో ఆమె చేసిన వ్యాఖ్యలు మరోసారి చర్చకు దారితీశాయి. ప్రస్తుతం నేను చాలా సంతోషంగా, ప్రశాంతంగా ఉన్నాను. ఈ ఏడాది నా జీవితంలో చాలా కఠినమైన పరిస్థితులను ఎదుర్కొన్నాను. కానీ ఇప్పుడు మాత్రం మానసికంగా ఎంతో ప్రశాంతంగా ఉన్నాను. ఈ ప్రశాంతత ముందే వచ్చి ఉంటే బాగుండేదనిపిస్తోంది అని అన్నారు. ఆమె వ్యాఖ్యలను కొందరు వ్యక్తిగత జీవితానికి అన్వయించుకుంటుండగా, మరికొందరు అవి కేవలం జీవిత అనుభవాలకు సంబంధించిన సాధారణ వ్యాఖ్యలేనని అభిప్రాయపడుతున్నారు. వ్యక్తిగత జీవితంపై వస్తున్న వార్తల మధ్య అనుపమ ప్రస్తుతం తన సినిమాలపై దృష్టి పెట్టారు. ఆమె నటిస్తున్న ‘క్రేజీ కళ్యాణం’ టీజర్‌కు ప్రేక్షకుల నుంచి మంచి స్పందన లభిస్తోంది.అనుపమ వ్యక్తిగత జీవితంపై జరుగుతున్న ప్రచారం ఎంత వైరల్ అయినప్పటికీ, ఆమె లేదా ధృవ్ విక్రమ్ నుంచి అధికారిక స్పష్టత వచ్చే వరకు ఈ వార్తలను ప్రచారంలో ఉన్న ఊహాగానాలుగానే పరిగణించాలి.