19 నుంచి ఢిల్లీలో చింతన్‌ శివిర్‌.. మంత్రి కోమటిరెడ్డిని ఆహ్వానించిన కేంద్ర మంత్రి నితిన్‌ గడ్కరీ

దేశంలో రహదారుల అభివృద్ధిలో భాగంగా కేంద్ర, రాష్ట్ర ప్రభుత్వాల మధ్య సమన్వయం కోసం జాతీయ రహదారుల మంత్రిత్వశాఖ ఆధ్వర్యంలో ఈనెల 19,20 తేదీల్లో ఢిల్లీలోని యశోభూమిలో చింతన్‌శివిర్‌ను నిర్వహించనున్నారు.

హైదరాబాద్‌, డిసెంబర్‌ 16 (నమస్తే తెలంగాణ): దేశంలో రహదారుల అభివృద్ధిలో భాగంగా కేంద్ర, రాష్ట్ర ప్రభుత్వాల మధ్య సమన్వయం కోసం జాతీయ రహదారుల మంత్రిత్వశాఖ ఆధ్వర్యంలో ఈనెల 19,20 తేదీల్లో ఢిల్లీలోని యశోభూమిలో చింతన్‌శివిర్‌ను నిర్వహించనున్నారు. ఈ మేరకు సదస్సులో పాల్గొనాలని కోరుతూ కేంద్రమంత్రి నితిన్‌ గడ్కరీ రాష్ట్ర ఆర్‌అండ్‌బీశాఖ మంత్రి కోమటిరెడ్డి వెంకటరెడ్డిని ఆహ్వానించారు.

సదస్సులో కేంద్ర, రాష్ట్ర ప్రభుత్వాల పరస్పర ప్రాధాన్యత గల అంశాలపై చర్చించి, తగిన పరిష్కార మార్గాలను రూపొందించనున్నట్టు నితిన్‌ గడ్కరీ లేఖలో తెలిపారు.