Telangana | సర్కారు బడుల్లో తగ్గారు.. ప్రైవేట్‌లో పెరిగారు!

రాష్ట్రంలోని సర్కారు బడులు గాడితప్పుతున్నాయి. ప్రభుత్వ అసమర్థ విధానాల కారణంగా ఆదరణ కోల్పోతున్నాయి. మూడేండ్లల్లో సర్కారు బడుల్లో 3,67,374 మంది ఎన్‌రోల్‌మెంట్‌ తగ్గింది.

• ప్రభుత్వ బడుల్లో తగ్గిన 3.6 లక్షల మంది విద్యార్థులు
• సర్కారు స్కూళ్లల్లో ఆందోళన కలిగిస్తున్న ఎన్‌రోల్‌మెంట్‌

Telangana | హైదరాబాద్‌, మార్చి 30 (నమస్తే తెలంగాణ) : రాష్ట్రంలోని సర్కారు బడులు గాడితప్పుతున్నాయి. ప్రభుత్వ అసమర్థ విధానాల కారణంగా ఆదరణ కోల్పోతున్నాయి. మూడేండ్లల్లో సర్కారు బడుల్లో 3,67,374 మంది ఎన్‌రోల్‌మెంట్‌ తగ్గింది. మరీ ఆందోళన కలిగించే విషయమేంటంటే సర్కారు బడుల్లో తగ్గి.. ప్రైవేట్‌ బడుల్లో ఎన్‌రోల్‌మెంట్‌ పెరగడం. రాష్ట్రంలో మొత్తం 30,137 ప్రభుత్వ బడులుండగా, 11,217 ప్రైవేట్‌ స్కూళ్లున్నాయి. ప్రైవేట్‌తో పోల్చితే రెండు రెట్లు అధికంగా సర్కారు బడులున్నాయి. ఎన్‌రోల్‌మెంట్‌ విషయానికి వస్తే సర్కారు బడుల్లో 25.13లక్షల విద్యార్థులుంటే, ప్రైవేట్‌లో 37.01లక్షల విద్యార్థులున్నారు.

• 2022-23లో సర్కారు బడుల్లో 28లక్షల మంది విద్యార్థులుంటే ఇప్పుడది 25లక్షలకు పడిపోయింది.
• అదే ప్రైవేట్‌లో 30లక్షల నుంచి 37లక్షలకు పెరిగారు. అంటే సర్కారులో 3.6లక్షలు తగ్గి, ప్రైవేట్‌లో 7లక్షలు పెరిగారు.
• రాష్ట్రం మొత్తంలో ఎన్‌రోల్‌మెంట్‌ పెరగడం విశేషం. 2022-23లో మొత్తం ఎన్‌రోల్‌మెంట్‌ 58.98లక్షలుండగా, 2024-25కు వచ్చేసరికి 62.15లక్షలకు పెరిగింది.
• ఈ మూడేండ్లల్లో మొత్తం ఎన్‌రోల్‌మెంట్‌ పెరగడం రాష్ట్రంలో పిల్లల జనన రేటు పెరుగుదలను సూచిస్తున్నది.