Volodymyr Zelensky | ‘నేనొక మంచి తండ్రిగా లేను’.. ఉక్రెయిన్‌ అధ్యక్షుడి ఆవేదన

Volodymyr Zelensky | తానొక మంచి తండ్రిగా లేనని ఉక్రెయిన్‌ అధ్యక్షుడు (Ukraine President) వాలోదిమిర్‌ జెలెన్‌స్కీ (Volodymyr Zelensky) ఆవేదన వ్యక్తంచేశారు. రష్యా దురాక్రమణను అడ్డుకునే క్రమంలో భద్రతా కారణాలరీత్యా తాను తన పిల్లలను చూడలేకపోతున్నానని, వారికి సమయం కేటాయించలేకపోతున్నానని చెప్పారు.

Volodymyr Zelensky : తానొక మంచి తండ్రిగా లేనని ఉక్రెయిన్‌ అధ్యక్షుడు (Ukraine President) వాలోదిమిర్‌ జెలెన్‌స్కీ (Volodymyr Zelensky) ఆవేదన వ్యక్తంచేశారు. రష్యా దురాక్రమణను అడ్డుకునే క్రమంలో భద్రతా కారణాలరీత్యా తాను తన పిల్లలను చూడలేకపోతున్నానని, వారికి సమయం కేటాయించలేకపోతున్నానని చెప్పారు. కాగా రష్యా-ఉక్రెయిన్‌ మధ్య నాలుగేళ్లకుపైగా యుద్ధం కొనసాగుతోంది. దాంతో తాను తన కుటుంబాన్ని ఎంత మిస్సవుతున్నాడో జెలెన్‌స్కీ చెప్పారు.

మాస్కోతో యుద్ధంవల్ల తాను తన కుటుంబానికి సమయం వెచ్చించలేకపోతున్నట్లు జెలెన్‌స్కీ తెలిపారు. ఓ వార్తా సంస్థతో ఆయన మాట్లాడుతూ ఈ వ్యాఖ్యలు చేశారు. యుద్ధం సమయంలో కుటుంబానికి ఎక్కువ సమయం వెచ్చించలేకపోతున్నట్లు పేర్కొన్నారు. ఉక్రెయిన్‌ అధ్యక్షుడిగా దేశాన్ని కాపాడుకోవడానికే ప్రాధాన్యం ఇస్తున్నట్లు తెలిపారు. తన పిల్లలకు సమయం కేటాయించలేకపోతున్నానని, వారికి మంచి తండ్రిగా ఉండలేకపోతున్నానని ఉద్వేగానికి గురయ్యారు.

దేశంలో శాంతి నెలకొల్పేందుకు అనేక ప్రయత్నాలు చేస్తున్నట్లు తెలిపారు. భద్రతా కారణాల దృష్ట్యా యుద్ధ సమయంలో తన పిల్లలను చూడలేకపోవడం గురించి జెలెన్‌స్కీ గతంలోను మాట్లాడారు. మాస్కో దురాక్రమణలను అడ్డుకునే శక్తి అమెరికాకు ఉందన్నారు. యుద్ధం ముగింపునకు రష్యా అధ్యక్షుడు పుతిన్‌పై ఒత్తిడి తీసుకురావాలని యూఎస్‌ను కోరారు. మార్చిలో అమెరికా నేతృత్వంలో శాంతి చర్చలు జరిగే అవకాశం ఉందని చెప్పారు.