Memory Power | ఉదయాన్నే ఏ చరిత్రలోనో, రాజనీతి శాస్త్రంలోనో పరీక్ష. దాని కోసం రకరకాల పేర్లు, ఊర్లు బట్టీపట్టారు. తెల్లారి లేచి చూసేసరికి ఏముంది! వేటికవి గాల్లో కలిసిపోయాయి. ఇలాంటి అనుభవం లేనిది ఎవరికి? కానీ ఇప్పుడు అందుకో ఉపాయాన్ని సూచిస్తున్నారు శాస్త్రవేత్తలు. అప్పుడే విన్న లేదా చదివిన పేర్లు గుర్తుండిపోవాలంటే కాసేపు పడుకోమని చెబుతున్నారు. నిద్రపోవడం అనేది రిలాక్సేషన్ దశ మాత్రమే కాదు.. మెదడు విశ్రాంతి తీసుకోవడంతో పాటు, జ్ఞాపకశక్తిని తీర్చిదిద్దుకునే సమయం. అందుకే పేర్లను గుర్తుంచుకునేందుకు చక్కటి నిద్ర ఉపయోగపడుతుంది. ఈ విషయాన్ని నిరూపించేందుకు నార్త్ వెస్టర్న్ విశ్వవిద్యాలయ పరిశోధకుల బృందం 24 మంది అభ్యర్థులను ఎంచుకుంది. వారికి జపాన్, అమెరికన్ చరిత్రల నుంచి 80 పేర్లు వినిపించారు. ఆ తర్వాత వారిని నిద్రపొమ్మని చెప్పారు. ఆ సమయంలో వారి మెదడును గమనించేందుకు సెన్సర్లను అమర్చారు. చక్కగా నిద్ర పట్టినవారు మాత్రమే.. ఆ పేర్లను 1.5 రెట్లు ప్రభావవంతంగా గుర్తుంచుకున్నట్టు బయటపడింది.
Follow us on Google News, Facebook, Twitter , Instagram, Youtube
Read More :
పిల్లల చురుకైన మెదడుకు బెస్ట్ ఫుడ్స్ ఇవే”
ఆలస్యంగా నిద్ర పోతున్నారా..? మెదడు పనితీరు తగ్గుతుందట..!