అతిగా నిద్రిస్తే అనర్థమే..!

నిత్యం ఎవరైనా సరే.. 6 నుంచి 8 గంటల పాటు అయినా నిద్రించాలని వైద్యులు చెబుతుంటారు. దాంతో మనం ఆరోగ్యంగా ఉండవచ్చు. అయితే నిర్దేశించిన సమయం కాకుండా రోజూ అంతకన్నా ఎక్కువ గంటలపాటు నిద్రించే వారు కూడా చాలా మందే ఉన్నారు. అంటే 8 గంటలకు పైగా నిద్రించే వారన్నమాట. ఈ క్రమంలోనే మన శరీరానికి నిద్ర అవసరమే అయినా అది ఎక్కువైతే మాత్రం ఎలాంటి లాభాలు కలగకపోగా అన్నీ నష్టాలే కలుగుతాయి. మరి అతిగా నిద్రిస్తే ఎలాంటి దుష్పరిణామాలు కలుగుతాయో ఇప్పుడు తెలుసుకుందామా..!

అతిగా నిద్రించడం వల్ల బరువు పెరుగుతారు. శరీరం కొవ్వును ఎక్కువగా నిల్వ చేసుకుంటుంది.

తలనొప్పి, వెన్ను నొప్పి వంటి సమస్యలు వస్తాయి. గుండె జబ్బులు, డయాబెటిస్ వచ్చేందుకు అవకాశం ఉంటుంది.

డిప్రెషన్, మానసిక సమస్యలు, గుండె అసాధారణ రీతిలో కొట్టుకోవడం తదితర లక్షణాలు కనిపిస్తాయి.

ఎప్పుడూ విపరీతమైన అలసట ఉంటుంది. ఏ పనీ చేయబుద్ది కాదు. చిన్న పని చేసినా అలసిపోతుంటారు.

వృద్ధాప్య లక్షణాలు త్వరగా కనిపిస్తాయి. స్త్రీ, పురుషులు ఇద్దరిలోనూ సంతాన సాఫల్యత సమస్యలు వస్తాయి.

నిత్యం అతిగా నిద్రించే వారు త్వరగా చనిపోయే అవకాశాలు కూడా ఎక్కువగానే ఉంటాయని సైంటిస్టులు చేపట్టిన అధ్యయనాలు వెల్లడిస్తున్నాయి.