Aakasamlo Oka Tara | ‘ఆకాశంలో ఒక తార’ మూవీ రివ్యూ.. దుల్కర్ సల్మాన్ కొత్త మూవీ ఎలా ఉందంటే!
Dulquer Salmaan | దుల్కర్ సల్మాన్, సాత్విక వీరవల్లి ప్రధాన పాత్రల్లో నటించిన తాజా చిత్రం ‘ఆకాశంలో ఒక తార’. ఈ చిత్రం నేడు ప్రేక్షకుల ముందుకు వచ్చింది.
విడుదల తేది: నవంబర్ 20, 2026
నటీనటులు: దుల్కర్ సల్మాన్, సాత్విక వీరవల్లి, శ్రుతి హాసన్, రుహానీ శర్మ, కోట జయరాం, నాజర్ తదితరులు
దర్శకత్వం: పవన్ సాధినేని
నిర్మాతలు: సందీప్ గున్నం, రమ్య గున్నం (గీతా ఆర్ట్స్, స్వప్న సినిమా, లైట్బాక్స్ మీడియా)
సంగీతం: జీవీ ప్రకాశ్ కుమార్
సినిమాటోగ్రఫీ: సుజిత్ సారంగ్
కథ
పాలలంక గ్రామానికి చెందిన కల్పన (సాత్విక వీరవల్లి) చిన్ననాటి నుంచే వ్యోమగామి కావాలనే బలమైన ఆశయంతో పెరుగుతుంది. కానీ మద్యానికి బానిసైన తండ్రి (కోట జయరాం) పదో తరగతి పూర్తయిన వెంటనే ఆమెకు కృష్ణ (దుల్కర్ సల్మాన్)తో వివాహం జరిపిస్తాడు. తొలి రాత్రి వేళ కల్పన మనసులోని అంతరిక్ష కలను, పదో తరగతిలో జిల్లా టాపర్గా నిలిచిన ఆమె ప్రతిభను కృష్ణ తెలుసుకుంటాడు. తన భార్య కలను సాకారం చేయడమే తన జీవిత లక్ష్యంగా మార్చుకుంటాడు. కుటుంబ సభ్యుల వ్యతిరేకతను సైతం లెక్కచేయకుండా కృష్ణ ఆమెను ఉన్నత చదువుల కోసం హైదరాబాద్ తీసుకెళ్తాడు. అక్కడ కష్టపడి చదివిన కల్పన ఐఐటీలో ఏడో ర్యాంకు సాధించి కేరళ ఐఐటీలో ప్రవేశం పొందుతుంది. ఆమె చదువు, ఖర్చుల కోసం కృష్ణ గుజరాత్లోని బొగ్గుగనిలో డ్రైవర్గా పనిచేస్తూ కఠిన శ్రమ చేస్తాడు. ఈ క్రమంలో అంతరిక్ష ప్రయోగంలో ఎదురైన వైఫల్యం, సస్పెన్షన్ వంటి సవాళ్లను కల్పన ఎలా ఎదుర్కొంది? కృష్ణ త్యాగాలు ఫలించాయా? రోహిణి (శ్రుతి హాసన్), బిజిలి (రుహానీ శర్మ) పాత్రల ద్వారా కథ ఎలాంటి మలుపులు తిరిగింది అనేదే మిగతా కథ.
విశ్లేషణ
ఈ సినిమా కథాంశం, ముగింపు ప్రేక్షకులకు ముందే ఊహకు అందేలా ఉంటాయి. అయినప్పటికీ ఆ ప్రయాణాన్ని ఆసక్తికరంగా, హృద్యంగా మలచడంలో దర్శకుడు పవన్ సాధినేని తన శైలిని చూపారు. మహిళా సాధికారత, లక్ష్యసాధన నేపథ్యంలో గతంలో వచ్చిన కొన్ని సినిమాల ఛాయలు అక్కడక్కడా కనిపించినా, ప్రధాన పాత్రల మధ్య ఉండే భావోద్వేగ బంధం కథకు ప్రాణం పోసింది. కల్పన బాల్యం, ఆమె ఆశయానికి పునాది వేసిన ఘటనలతో కథ నెమ్మదిగా మొదలవుతుంది. కృష్ణ ప్రవేశం, వివాహం, హైదరాబాద్ ప్రయాణం వేగంగా సాగుతూ ఆసక్తిని కలిగిస్తాయి. గుజరాత్ నేపథ్యంలో కృష్ణ, బిజిలి మధ్య వచ్చే సన్నివేశాలు కొంత హాస్యాన్ని, మరికొంత భావోద్వేగాన్ని పంచుతాయి. విరామ సన్నివేశం ద్వితీయార్థంపై ఆసక్తిని పెంచుతుంది. అయితే సెకండాఫ్లో కొన్ని సన్నివేశాలు సాగదీతగా అనిపించడం, కొన్ని చోట్ల సినిమాటిక్ లిబర్టీ ఎక్కువగా తీసుకోవడం వల్ల భావోద్వేగాలు పూర్తి స్థాయిలో పండని సందర్భాలు ఉన్నాయి. కొన్ని సంభాషణలు అనవసరంగా అనిపించినా, ముగింపుకు ముందు వచ్చే చివరి ఇరవై నిమిషాలు ప్రేక్షకుల మనసును బరువెక్కించి, ఒక సంతృప్తికరమైన అనుభూతితో థియేటర్ నుంచి బయటకు వచ్చేలా చేస్తాయి.
నటీనటుల ప్రతిభ
నిరాడంబరమైన, అమాయకత్వం కలబోసిన కృష్ణ పాత్రలో దుల్కర్ మరోసారి సహజమైన నటన కనబరిచాడు. భార్య కోసం తపించే భర్తగా, భావోద్వేగ సన్నివేశాల్లో మెప్పించాడు. సాత్విక వీరవల్లి తెలుగులో తొలి చిత్రమే అయినప్పటికీ కల్పన పాత్రలో పరిణతితో కూడిన నటనను ప్రదర్శించింది. కథాభారాన్ని మోసే పాత్రలో చక్కగా ఒదిగిపోయింది. రోహిణి పాత్ర కథ గమనానికి కీలకంగా నిలుస్తుంది. ఆ పాత్రకు శ్రుతి హాసన్ పూర్తి న్యాయం చేసింది.
బిజిలి పాత్ర నిడివి తక్కువే అయినా, తన నటనతో గుర్తుండిపోయేలా చేసింది. కోట జయరాం, నాజర్తో పాటు మిగతా నటీనటులు తమ పాత్రల పరిధి మేరకు చక్కగా నటించారు.
సాంకేతికంగా
సాంకేతికంగా సినిమా ఉన్నత ప్రమాణాలతో ఉంది. జీవీ ప్రకాశ్ కుమార్ అందించిన నేపథ్య సంగీతం సన్నివేశాల్లోని భావోద్వేగాలను మరింతగా పెంచింది; పాటలు కూడా బాగున్నాయి. సుజిత్ సారంగ్ సినిమాటోగ్రఫీ గ్రామీణ వాతావరణం నుంచి ఇతర లోకేషన్ల వరకు ప్రతి ఫ్రేమ్ను రిచ్గా చూపించింది. ఎడిటింగ్ విషయంలో సెకండాఫ్లో ఇంకొంచెం కత్తెర వేస్తే బాగుండేది. నిర్మాణ సంస్థలు గీతా ఆర్ట్స్, స్వప్న సినిమా, లైట్బాక్స్ మీడియా ఖర్చు చేసిన నిర్మాణ విలువలు తెరపై స్పష్టంగా కనిపిస్తాయి.
చివరిగా.. కొత్తదనం లేని, ఊహకందే కథ అయినప్పటికీ బలమైన ఎమోషన్స్, నటీనటుల నటన, సంగీతం కోసం ‘ఆకాశంలో ఒక తార’ను ఒకసారి చూడదగ్గ చిత్రంగా చెప్పుకోవచ్చు.
రేటింగ్: 3.5
Read Today's Latest Cinema News in Telugu and Telugu News
RELATED ARTICLES
తాజా వార్తలు
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
PF Withdraw | ఇకపై నెలనెలా పీఎఫ్ విత్డ్రా.. సిస్టమాటిక్ విత్డ్రాయల్ ప్లాన్కు ఈపీఎఫ్వో ఆమోదం
Shah Rukh Khan | షారుఖ్ఖాన్అరుదైన ఘనత.. ది 100 గ్రేటెస్ట్ మూవీ స్టార్స్ ఆఫ్ ఆల్టైమ్ జాబితాలో చోటు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

