అందమైన ఆతిథ్యం

జనం ఖర్చులకు వెనుకాడటం లేదు. కాకపోతే, సౌకర్యాలు కోరుకుంటున్నారు. అనుభూతులు ఆశిస్తున్నారు. అది విమాన ప్రయాణమైనా సరే. నిజానికి ఎయిర్‌పోర్ట్‌కు చేరుకోవడం, చెక్‌ ఇన్‌ తతంగం పూర్తి చేసుకోవడం, విమానం కోసం గంటలపాటు ఎదురుచూస్తూ కూర్చోవడం తలనొప్పి వ్యవహారమే.

జనం ఖర్చులకు వెనుకాడటం లేదు. కాకపోతే, సౌకర్యాలు కోరుకుంటున్నారు. అనుభూతులు ఆశిస్తున్నారు. అది విమాన ప్రయాణమైనా సరే. నిజానికి ఎయిర్‌పోర్ట్‌కు చేరుకోవడం, చెక్‌ ఇన్‌ తతంగం పూర్తి చేసుకోవడం, విమానం కోసం గంటలపాటు ఎదురుచూస్తూ కూర్చోవడం తలనొప్పి వ్యవహారమే. ఆ ఇబ్బందులను తగ్గించి, జర్నీని కమ్మని అనుభూతిగా మారుస్తామంటూ ముందుకొచ్చింది లిబరతా పీటర్‌.

ఆ ప్రయత్నంలో ‘డ్రీమ్‌ఫోక్స్‌’ అనే సంస్థకు ప్రాణం పోసింది. ఇది ఎయిర్‌పోర్ట్‌ సర్వీస్‌ ప్లాట్‌ఫామ్‌. తమ కస్టమర్స్‌కు విమానాశ్రయాల్లో మహారాజ సేవలు అందించడం ఈ సంస్థ ప్రధాన వ్యాపారం. అందరితోపాటు వరుసలో నిలబడి వెళ్లకుండా.. ప్రత్యేక మార్గంలో ప్రవేశించేలా ఎయిర్‌ పోర్ట్‌ నిర్వాహకులతో ఒప్పందాలు చేసుకుంటారు.

కాసేపు కునుకు తీసేందుకు వీలుగా లాంజ్‌ సేవలూ ఉంటాయి. విమానాలు రద్దయినప్పుడు ఫైవ్‌స్టార్‌ ఆతిథ్యం అందిస్తారు. ఈ గోవా యువతి అమెరికాలో చదువుకుంది. భరతనాట్యం, కథక్‌ నృత్యకారిణి కూడా. అమ్మమ్మ దగ్గర గోవా పాకశాస్త్ర రహస్యాలన్నీ తెలుసుకున్నానని చెబుతుంది లిబరతా పీటర్‌. ‘ప్రయాణం ఓ తీపి జ్ఞాపకం. ప్రతి క్షణాన్నీ ఆస్వాదించాలి. ఇదే మా డ్రీమ్‌ఫోక్స్‌ లక్ష్యం’ అంటుందామె.