Yuvraj Singh : ఇంగ్లండ్ లెజెండరీ బౌలర్ స్టువార్ట్ బ్రాడ్(Stuart Broad) అంతర్జాతీయ క్రికెట్కు రిటైర్మెంట్ పలకడం అందర్నీ షాక్కు గురి చేసింది. ప్రపంచంలోని గొప్ప బౌలర్లలో ఒకడైన అతను యాషెస్ ఐదో టెస్టు(Ashes Series Fifth Test)తో ఆటకు గుడ్ బై చెప్పేస్తున్నాడు. ఈ సందర్భంగా భారత మాజీ ఆల్రౌండర్ యువరాజ్ సింగ్(Yuvraj Singh) ఆసక్తికర ట్వీట్ చేశాడు. బ్రాడ్కు గుడ్ లక్ చెప్తూ యూవీ చేసిన ట్వీట్ వైరల్ అవుతోంది. ‘అత్యద్భుతమైన టెస్టు కెరీర్ ఉన్నందుకు నీకు కంగ్రాట్స్. టెస్టు క్రికెట్లో ప్రపంచంలోని గొప్ప బౌలర్.
నిజంగా ఒక లెజెండ్. ఇన్నేళ్ల నీ ప్రయాణం, ఆటపట్ల నీ అంకితభావం ఎంతో స్ఫూర్తిదాయకం. తర్వాతి జీవితానికి గుడ్ లక్ బ్రాడీ’ అని తన ట్వీట్లో యువరాజ్ రాసుకొచ్చాడు. బ్రాడ్ వీడ్కోలు నిర్ణయం ప్రకటించే సమయంలో యువరాజ్ సింగ్ను గుర్తు చేసున్నాడు. 2007 టీ20 వరల్డ్ కప్(T20 World Cup)లో తన బౌలింగ్లో యూవీ ఆరు సిక్స్లు కొట్టడం మర్చిపోలేనని, అదొక చేదు జ్జాపకమని అన్నాడు. యూవీ సిక్సర్ల తర్వాతే తాను పాపులర్ అయ్యానని బ్రాడ్ తెలిపాడు.
Take a bow @StuartBroad8 🙇🏻♂️
Congratulations on an incredible Test career 🏏👏 one of the finest and most feared red ball bowlers, and a real legend!
Your journey and determination have been super inspiring. Good luck for the next leg Broady! 🙌🏻 pic.twitter.com/d5GRlAVFa3
— Yuvraj Singh (@YUVSTRONG12) July 30, 2023
37 ఏళ్ల ఈ పేసర్ కెరీర్లో 622 వికెట్లు పడగొట్టాడు. ప్రపంచంలో అత్యధిక వికెట్లు తీసిన ఐదో బౌలర్గా బ్రాడ్ రికార్డుల్లోకి ఎక్కాడు. అంతేకాదు ఆస్ట్రేలియాపై 150 వికెట్లు తీసిన మొదటి ఇంగ్లండ్ బౌలర్గా బ్రాడ్ చరిత్ర సృష్టించాడు. ఐదో టెస్టు తొలి ఇన్నింగ్స్లో ఉస్మాన్ ఖవాజా(Usman Khawaja) వికెట్ తీసి అతను ఈ ఫీట్ సాధించాడు.
ఐసీసీ తొలిసారి టీ20 వరల్డ్కప్ను 2007లో నిర్వహించింది. దక్షిణాఫ్రికా ఆతిథ్యం ఇచ్చిన ఈ మెగా టోర్నీలో సెమీస్కు ముందు భారత్, ఇంగండ్ తలపడ్డాయి. ఆ మ్యాచ్లో ఇంగ్లండ్ ఆల్రౌండర్ ఆండ్రూ ఫ్లింటాఫ్(Andrew Flintoff).. యూవీతో వాగ్వాదానికి దిగాడు.
యూవీ సిక్సర్ల మోతకు బలైన బ్రాడ్
దాంతో, అతడిపై కోపాన్ని యువరాజ్ తర్వాతి ఓవర్ వేసిన బ్రాడ్పై చూపించాడు. అతడి ఓవర్లో ఆరు బంతుల్ని స్టాండ్స్లోకి పంపాడు. దాంతో టీమిండియా ఆ మ్యాచ్లో ఘన విజయం సాధించింది. అదే ఊపులో ఫైనల్ చేరిన భారత్ .. పాకిస్థాన్ను చిత్తు చేసి ట్రోఫీ అందుకుంది.