Rinku Singh | ఐపీఎల్ వ‌ల్లే ఆసియా గేమ్స్ జ‌ట్టులోకి.. ఆ ఇన్నింగ్స్ నా జీవితాన్ని మార్చేసింది : రింకూ సింగ్

Rinku Singh : ఐపీఎల్ ప‌ద‌హారో సీజ‌న్‌(IPL 2023)లో సంచ‌ల‌న ఇన్నింగ్స్ ఆడిన కోల్‌క‌తా(Kolkata Knight Riders) స్టార్ రింకూ సింగ్‌(Rinku Singh)ను ఎవ‌రూ మ‌ర్చిపోలేరు. దాంతో, ఆసియా గేమ్స్‌(Asia Games 2023)లో ఆడే భార‌త జ‌ట్టులో చోటు ద‌క్కించుకున్నాడు. టీమిండియా జెర్సీ వేసుకొనే అవ‌కాశం రావ‌డంపై ఈ సిక్స‌ర్ల కింగ్ తొలిసారి స్పందించాడు. ఐపీఎల్ వ‌ల్లే తాను భార‌త జ‌ట్టులోకి వ‌చ్చానని ఓ వీడియోలో అన్నాడు. ఈ వీడియోను

July 30, 2023 / 04:37 PM IST

Rinku Singh | ఐపీఎల్ వ‌ల్లే ఆసియా గేమ్స్ జ‌ట్టులోకి.. ఆ ఇన్నింగ్స్ నా జీవితాన్ని మార్చేసింది : రింకూ సింగ్

Rinku Singh : ఐపీఎల్ ప‌ద‌హారో సీజ‌న్‌(IPL 2023)లో సంచ‌ల‌న ఇన్నింగ్స్ ఆడిన కోల్‌క‌తా(Kolkata Knight Riders) స్టార్ రింకూ సింగ్‌(Rinku Singh)ను ఎవ‌రూ మ‌ర్చిపోలేరు. గుజ‌రాత్ టైటాన్స్‌(Gujarat Titans)పై ఆఖ‌రి ఓవ‌ర్లో ఐదు సిక్స్‌ల‌తో అత‌ను ఒక్కసారిగా హీరో అయిన విష‌యం తెలిసిందే. దాంతో, ఆసియా గేమ్స్‌(Asia Games 2023)లో ఆడే భార‌త జ‌ట్టులో చోటు ద‌క్కించుకున్నాడు. టీమిండియా జెర్సీ వేసుకొనే అవ‌కాశం రావ‌డంపై ఈ సిక్స‌ర్ల కింగ్ తొలిసారి స్పందించాడు. ఐపీఎల్ వ‌ల్లే తాను భార‌త జ‌ట్టులోకి వ‌చ్చానని ఓ వీడియోలో అన్నాడు. ఈ వీడియోను బీసీసీఐ ట్విట్ట‌ర్‌లో పెట్టింది.

‘ఆ ఐదు సిక్స్‌ల‌తో నా జీవితం మారిపోయింది. అంత‌కుముందు నేను ఏ కొద్ది మందికో తెలుసు. కానీ, ఆ ఇన్నింగ్స్ త‌ర్వాత చాలామందికి నాగురించి తెలిసింది. అందుకు చాలా సంతోషంగా అనిపిస్తోంది. అంతేకాదు ఆసియా గేమ్స్‌కు సెలెక్ట్ అయ్యాన‌ని తెలియ‌గానే కుటుంబమంతా ఆనందంతో డాన్స్ చేసింది.

🗣️ 𝐋𝐢𝐟𝐞 𝐜𝐡𝐚𝐧𝐠𝐞𝐝 𝐚 𝐥𝐨𝐭 𝐚𝐟𝐭𝐞𝐫 𝐈𝐏𝐋

Revisiting his iconic 5⃣ sixes off 5⃣ balls 💥
The joy of Asian Games call-up 👏
Feeling of being called ‘Lord’ 😃

WATCH @rinkusingh235 talk about it all 🎥🔽 – By @jigsactin | #Deodhartrophy https://t.co/Tx8P37sqqC pic.twitter.com/qU8dyitoTI

— BCCI Domestic (@BCCIdomestic) July 30, 2023

ఇండియా త‌ర‌ఫున ఆడు. మేము నిన్ను బ్లూ జెర్సీలో చూస్తాం అని చెప్ప‌డంతో ఎంతో పొంగిపోయాను’ అని రింకూ సింగ్ తెలిపాడు. 16వ సీజ‌న్‌లో రింకూ ఆకాశ‌మే హ‌ద్దుగా చెల‌రేగాడు. ఫినిష‌ర్‌గా కోల్‌క‌తా నైట్ రైడ‌ర్స్‌కు ప‌లు మ్యాచుల్లో విజ‌యాలు అందించాడు. ఈ విధ్వంస‌క లెఫ్ట్ హ్యాండ‌ర్ 14 మ్యాచుల్లో 59.25 స‌గ‌టుతో 474 ప‌రుగులు బాదాడు.

రింకూ సింగ్‌

Rinku Singh

గైక్వాడ్ సార‌థ్యంలో..

వెస్టిండీస్‌తో టీ20 సిరీస్‌కు రింకూను ఎంపిక చేయ‌క‌పోవ‌డంతో సెలెక్ట‌ర్ల‌పై తీవ్ర విమ‌ర్శ‌లు వ‌చ్చాయి. దాంతో, ఆసియా గేమ్స్ జ‌ట్టులో ఈ లెఫ్ట్ హ్యాండ‌ర్‌ను తీసుకున్నారు. భార‌త క్రికెట్ బోర్డు తొలిసారిగా టీమిండియాను ఆసియా గేమ్స్‌కు పంపుతోంది. రుతురాజ్ గైక్వాడ్ సార‌థ్యంలోని యువ భార‌త్ టైటిల్ వేట‌కు సిద్ధ‌మ‌వుతోంది. రెండు రోజుల క్రితం డ్రా తీయ‌గా.. భార‌త పురుషుల‌, మ‌హిళ‌ల జ‌ట్లకు నేరుగా క్వార్ట‌ర్స్ బెర్తు ల‌భించింది. చైనాలోని హంగ్జో వేదిక‌గా సెప్టెంబ‌ర్ 23 నుంచి అక్టోబ‌ర్ 8 వ‌ర‌కు ఆసియా గేమ్స్ జ‌రుగ‌నున్నాయి.