IPL 2023 : హ్యాట్రిక్ ఓటములతో ప్లే ఆఫ్ రేసులో వెనకబడిన రాజస్థాన్ రాయల్స్ పంజా విసిరింది. కోల్కతా నైట్ రైడర్స్పై 9 వికెట్ల తేడాతో గెలుపొందింది. ఓపెనర్ యశస్వీ జైస్వాల్(98 నాటౌట్ :47 బంతుల్లో 13 ఫోర్లు, 5 సిక్స్లు) ఫాస్టెస్ట్ ఫిఫ్టీతో చెలరేగాడు. కెప్టెన్ సంజూ శాంసన్(48 నాటౌట్ : 29 బంతుల్లో 2 ఫోర్లు, 5 సిక్స్లు) అతడికి విధ్వంసం తోడవ్వడంతో 41 బంతులు మిగిలి ఉండగానే లక్ష్యాన్నిఛేదించింది. భారీ విజయంతో పాయింట్ల పట్టికలో మూడో స్థానానికి ఎగబాకింది. సగర్వంగా ప్లే ఆఫ్ రేసులో నిలిచింది.
లక్ష్యం చిన్నదే అయినా రాజస్థాన్ ఓపెనర్ యశస్వీ జైస్వాల్ (98 నాటౌట్) తొలి ఓవర్ నుంచే దంచికొట్టాడు. అయితే.. రెండో ఓవర్లో ఓపెనర్ జోస్ బట్లర్(0) రస్సెల్ త్రో విసరడంతో రనౌటయ్యాడు. ఆ తర్వాత యశస్వీ, సంజూ శాంసన్(48నాటౌట్) మరో వికెట్ పడకుండా ఆడారు. సిక్స్లు, ఫోర్లతో కోల్కతా స్పిన్నర్లపై విరుచుకుపడ్డారు. యశస్వీ అయితే.. వీరవిహారం చేశాడు. ఫాస్టెస్ట్ ఫీఫ్టీతో రికార్డు సృష్టించిన ఈ యంగ్ ఓపెనర్ శార్ధూల్ ఠాకూర్ వేసిన 14వ ఓవర్ మొదటి బంతికి బౌండరీ కొట్టాడు. దాంతో, రాజస్థాన్ 9 వికెట్ల తేడాతో గెలుపొందింది.
Fastest FIFTY in the IPL
Yashasvi Jaiswal brings up his half-century in just 13 deliveries 👏👏#TATAIPL #KKRvRR pic.twitter.com/KXGhtAP2iy
— IndianPremierLeague (@IPL) May 11, 2023
నితీశ్ రానా వేసిన ఇన్నింగ్స్ తొలి ఓవర్లోనే యశస్వీ దంచాడు. వరుసగా 6,6,4,4,0,4 బాదాడు. దాంతో, 26 రన్స్ వచ్చాయి. హర్షిత్ రానా వేసిన రెండో ఓవర్లోనూ జోరు కొనసాగించాడు. ఫోర్, సిక్స్ బాదాడు. శార్ధూల్ ఠాకూర్ వేసిన 3వ ఓవర్లో హ్యాట్రిక్ ఫోర్లు కొట్టిన యశస్వీ సింగిల్ తీసి యాభై రన్స్ సాధించాడు. దాంతో, భీకర ఫామ్లో ఉన్న . 13 బంతుల్లోనే 7 ఫోర్లు, 3 సిక్స్లతో అర్థ శతకం పూర్తి చేసుకున్నాడు. ఈ రాజస్థాన్ ఓపెనర్ ఐపీఎల్లో ఫాస్టెస్ట్ హాఫ్ సెంచరీ కొట్టాడు కేఎల్ రాహుల్ రికార్డును బద్ధలు కొట్టాడు. పంజాబ్ కింగ్స్ తరఫున రాహుల్ ఢిల్లీ క్యాపిటల్స్పై 14 బంతుల్లో ఫిఫ్టీ బాదాడు.
సొంత గ్రౌండ్లో కోల్కతా నైట్ రైడర్స్ బ్యాటర్లు స్పిన్ ఉచ్చులో పడ్డారు. చాహల్ 4 వికెట్లతో కోల్కతాను దెబ్బకొట్టాడు. వెంకటేశ్ అయ్యర్(57), నితీశ్ రానా(22) ఆదుకున్నారు. రింకూ సింగ్(16) మినహా మిగతా బ్యాటర్లంతా చేతులెత్తేశారు. దాంతో, కోల్కతా 8 వికెట్ల నష్టానికి 149 పరుగులు కొట్టింది. డేంజర్ ఓపెనర్లు జేసన్ రాయ్(10), రహ్మనుల్లా గుర్బాజ్(18)ను బౌల్ట్ పెవిలియన్ పంపాడు. . 29 పరుగులకే ఓపెనర్లు ఇద్దరూ పెవిలియన్ చేరారు. కష్టాల్లో పడిన కోల్కతాను వెంకటేశ్ అయ్యర్(57), నితీశ్ రానా(22) ఆదుకున్నారు. చాహల్ ఓకే ఓవర్లో వెంకటేశ్ అయ్యర్, శార్ధూల్ ఠాకూర్(1)ను ఔట్ చేసి కోల్కతాను దెబ్బతీశాడు. తన ఆఖరి ఓవర్లో రింకూ సింగ్(16)ను పెవిలియన్ పంపాడు. దాంతో, కోల్కతా భారీ స్కోర్ చేయలేకపోయింది. రాజస్థాన్ బౌలర్లలో బౌల్ట్ రెండు, సందీప్ శర్మ, అసిప్ ఒక్కో వికెట్ తీశారు.