ICC ODI World Cup | వన్డే వరల్డ్కప్లో భాగంగా జరిగిన ఇండియా vs ఆస్ట్రేలియా మ్యాచ్లో టీమిండియా 6 వికెట్ల తేడాతో ఘన విజయం సాధించింది. ఆసీస్ విసిరిన 200 పరుగుల లక్ష్యాన్ని రోహిత్ సేన 41.2 ఓవర్లలో 4 వికెట్లు కోల్పోయి ఛేదించింది.
అయితే ఈ మ్యాచ్లో టీమిండియా స్టార్ బ్యాటర్ విరాట్ కోహ్లీ తన పవర్ ఏంటో చాటాడు. బ్యాటింగ్తో (116 బంతుల్లో 85; 6 ఫోర్లు) పాటు ఇటు ఫీల్డింగ్లోను సత్తా చాటాడు. ఈ మ్యాచ్లో ఆస్ట్రేలియాపై విరాట్ కోహ్లీ సూపర్ క్యాచ్ అందుకున్నాడు. స్లిప్లో గాల్లోకి డైవ్ చేస్తూ.. వేగంగా దూసుకువచ్చిన బంతిని ఒడిసి పట్టేశాడు. కాగా ఈ క్యాచ్తోనే టీమిండియాకు ఈ వరల్డ్ కప్లో తొలి వికెట్ దక్కింది. అయితే కోహ్లీ ఫీల్డింగ్కు ఫిదా అయిన బీసీసీఐ మ్యాచ్ అనంతరం బెస్ట్ ఫీల్డర్ అవార్డుతో సత్కరించింది. ప్రస్తుతం ఇందుకు సంబంధించిన వీడియో సోషల్ మీడియాలో వైరల్ అవుతుంది.
#ViratKohli𓃵 #INDvAUS #Israel#KingKohli Hamas #GOAT𓃵#INDvsAUS #IndiaVsAus
India vs Australia #KLRahulVirat Kohli won the medal for being the best Indian fielder vs Australia.
– The celebration by King.
Video from-@BCCI pic.twitter.com/h3kwZodBd4— Saurav (SG) (@oye_sg) October 9, 2023
Virat Kohli wins best fielder award.
His happy face makes our day brighter🫶❤️ pic.twitter.com/pSNIGkujDj— Pari (@BluntIndianGal) October 9, 2023
టాస్ గెలిచి మొదట బ్యాటింగ్ ఎంచుకున్న ఆస్ట్రేలియా 49.3 ఓవర్లలో 199 పరుగులకు ఆలౌటైంది. స్టీవ్ స్మిత్ (46; 5 ఫోర్లు), డేవిడ్ వార్నర్ (41; 6 ఫోర్లు) రాణించగా.. మిషెల్ స్టార్క్ (28), మార్నస్ లబుషేన్ (27) కాస్త పోరాడారు. భారత బౌలర్లలో జడేజా 3, బుమ్రా, కుల్దీప్ చెరో రెండు వికెట్లు పడగొట్టారు. సిరాజ్, పాండ్యా, అశ్విన్ తలా ఒక వికెట్ ఖాతాలో వేసుకున్నారు. అనంతరం లక్ష్యఛేదనలో భారత్ 41.2 ఓవర్లలో 4 వికెట్లు కోల్పోయి 201 పరుగులు చేసింది. కెప్టెన్ రోహిత్ శర్మ (0), ఇషాన్ కిషన్ (0), శ్రేయస్ అయ్యర్ (0) సున్నాలు చుట్టగా.. కేఎల్ రాహుల్ (115 బంతుల్లో 97 నాటౌట్; 8 ఫోర్లు, 2 సిక్సర్లు), విరాట్ కోహ్లీ (116 బంతుల్లో 85; 6 ఫోర్లు) విలువైన ఇన్నింగ్స్లు ఆడారు. ఆసీస్ బౌలర్లలో జోష్ హజిల్వుడ్ మూడు వికెట్లు తీశాడు. రాహుల్కు ‘మ్యాన్ ఆఫ్ ది మ్యాచ్’ అవార్డు దక్కింది.