Wimbledon 2023 | వింబుల్డన్‌లో సంచలనం.. అన్‌సీడెడ్‌గా పోటీపడి చాంపియన్‌గా చరిత్ర సృష్టించిన వొండ్రుసోవా

Wimbledon 2023 : అన్‌సీడెడ్‌ మార్కెట‌ వొండ్రుసోవా(Marketa Vondrousova) వింబుల్డ‌న్ చాంపియ‌న్‌గా అవ‌త‌రించింది. దాంతో, వింబుల్డ‌న్ టైటిల్ సాధించిన తొలి అన్‌సీడెడ్ క్రీడాకారిణిగా చ‌రిత్ర‌ సృష్టించింది. లండ‌న్‌లో ఈ రోజు జ‌రిగిన‌ మ‌హిళ‌ల సింగిల్స్‌లో ఆమె ఆరో సీడ్ ఓన్స్ జబేర్‌(Ons Jabeur)పై అద్భుత‌ విజ‌యం...

Wimbledon 2023 : అన్‌సీడెడ్‌ మార్కెట‌ వొండ్రుసోవా(Marketa Vondrousova) వింబుల్డ‌న్ చాంపియ‌న్‌గా అవ‌త‌రించింది. దాంతో, వింబుల్డ‌న్ టైటిల్ సాధించిన తొలి అన్‌సీడెడ్ క్రీడాకారిణిగా చ‌రిత్ర‌ సృష్టించింది. లండ‌న్‌లో ఈ రోజు జ‌రిగిన‌ మ‌హిళ‌ల సింగిల్స్‌లో ఆమె ఆరో సీడ్ ఓన్స్ జబేర్‌(Ons Jabeur)పై అద్భుత‌ విజ‌యం సాధించింది. ట్రోఫీతో పాటు రూ. 25 కోట్ల ప్రైజ్‌మనీ గెలుచుకుంది.

24 ఏళ్ల వొండ్రుసోవా ఆట ప్రారంభం నుంచి పూర్తి ఆధిప‌త్యం చెలాయించింది. గంట 20 నిమిషాలు జ‌రిగిన టైటిల్ పోరులో ఆమె 6-4, 6-4తో జ‌బేర్‌ను చిత్తు చేసింది. దాంతో, ఈ చెక్ రిప‌బ్లిక్(Czech Republic) టెన్నిస్ ప్లేయ‌ర్‌ మొద‌టి గ్రాండ్‌స్లామ్ టైటిల్‌ను ఖాతాలో వేసుకుంది. ఐదేళ్ల క్రితం చేజారిన గ్రాండ్‌స్లామ్ టైటిల్‌(Grand Slam Title)ను ఈసారి ఒడిసి ప‌ట్టుకుంది.

మార్కెట‌ వొండ్రుసోవా, ఓన్స్ జబేర్‌

POV: you just become a Wimbledon champion 🏆#Wimbledon pic.twitter.com/kf484DhHUt

— Wimbledon (@Wimbledon) July 15, 2023

ఫ్రెంచ్ ఓపెన్ ర‌న్న‌ర‌ప్‌

వొండ్రుసోవా 2019లో ఫ్రెంచ్ ఓపెన్(French Open) ఫైన‌ల్ చేరింది. అయితే.. అప్ప‌టి వ‌ర‌ల్డ్ నంబ‌ర్ 1 అష్ బార్టీ(Ash Barty) చేతిలో ఓడిపోయి ర‌న్న‌ర‌ప్‌తో స‌రిపెట్టుకుంది. కానీ ఈసారి ఆమె ఎలాంటి పొర‌పాటు చేయ‌లేదు. తొలి రౌండ్ నుంచి పెద్ద క్రీడాకారిణుల‌కు షాకిస్తూ వ‌చ్చిన చెక్ రిప‌బ్లిక్ స్టార్‌ ఫైన‌ల్‌కు చేరింది. ఫైన‌ల్లోనూ జోరు కొన‌సాగించి తొలి టైటిల్ సొంతం చేసుకుంది. వింబుల్డ‌న్‌లో కొత్త చాంపియ‌న్‌ను చూడ‌డం వ‌రుస‌గా ఇది ఆరోసారి. రేపు పురుషుల ఫైన‌ల్ జ‌ర‌గ‌నుంది. రెండో సీడ్ నొవాక్ జ‌కోవిచ్(Novak Djokovic), టాప్ సీడ్ కార్లోస్ అల్క‌రాజ్(Carlos Alcaraz) ట్రోఫీ కోసం పోటీప‌డ‌నున్నారు.

ఇవి కూడా చ‌ద‌వండి

Asia cup 2023 | నాలుగు స‌రిపోవట‌.. మ‌రిన్ని మ్యాచ్‌ల‌కు అనుమ‌తి కోర‌నున్న పాక్ క్రికెట్ బోర్డు

Asian Athletics Championships | వెండి ప‌త‌కం గెలిచిన భార‌త స్టార్ లాంగ్ జంప‌ర్.. పారిస్ ఒలింపిక్స్ బెర్త్ ఖ‌రారు