Most Wickets In 100 ODIs | వంద వ‌న్డేల్లో అత్య‌ధిక వికెట్లు.. టాప్-5 బౌల‌ర్లు వీళ్లే

Most Wickets In 100 ODIs : ఏ ఫార్మాట్‌లోనైనా దేశం త‌ర‌ఫున వందో మ్యాచ్ ఆడ‌డం ఏ క్రికెట‌ర్‌కు అయినా చాలా ప్ర‌త్యేకం. అలాంటి మ్యాచ్‌లో జీవితాంతం గుర్తుండిపోయే ప్ర‌ద‌ర్శ‌న చేయాల‌ని అంద‌రూ అనుకుంటారు. న్యూజిలాండ్ స్టార్ పేస‌ర్ ట్రెంట్ బౌల్ట్(Trent Boult) కూడా అదే చేశాడు. వందో వ‌న్డేలో..

September 12, 2023 / 09:00 AM IST

Most Wickets In 100 ODIs | వంద వ‌న్డేల్లో అత్య‌ధిక వికెట్లు.. టాప్-5 బౌల‌ర్లు వీళ్లే

Most Wickets In 100 ODIs : ఏ ఫార్మాట్‌లోనైనా దేశం త‌ర‌ఫున వందో మ్యాచ్ ఆడ‌డం ఏ క్రికెట‌ర్‌కు అయినా చాలా ప్ర‌త్యేకం. అలాంటి మ్యాచ్‌లో జీవితాంతం గుర్తుండిపోయే ప్ర‌ద‌ర్శ‌న చేయాల‌ని అంద‌రూ అనుకుంటారు. న్యూజిలాండ్ స్టార్ పేస‌ర్ ట్రెంట్ బౌల్ట్(Trent Boult) కూడా అదే చేశాడు. వందో వ‌న్డేలో ఈ స్పీడ్‌స్ట‌ర్‌ ఇంగ్లండ్‌పై 3 వికెట్లు తీశాడు. దాంతో, వ‌న్డేల్లో అత‌డి వికెట్ల సంఖ్య 193కు చేరింది.

అయితే.. వంద వ‌న్డేల్లో అత్య‌ధిక వికెట్లు తీసిన బౌల‌ర్ రికార్డు మాత్రం ఆస్ట్రేలియా స్పీడ్‌స్ట‌ర్ మిచెల్ స్టార్క్‌ (Mitchell Starc) పేరిటే ఉంది. ఈ స్పీడ్ గ‌న్ 196 వికెట్లు ప‌డ‌గొట్టాడు. బౌల్ట్ 190 వికెట్ల‌తో రెండో స్థానంలో నిలిచాడు.

ఆస్ట్రేలియా లెజెండ్ బ్రెట్ లీ

Brett Lee F

పాకిస్థాన్ దిగ్గ‌జ స్పిన్న‌ర్ స‌క్లెయిన్ ముస్తాక్‌(Saqlain Mushtaq) 189 వికెట్ల‌తో మూడో స్థానంలో కొన‌సాగుతున్నాడు. 170 వికెట్ల‌తో ఆస్ట్రేలియా లెజెండ్ బ్రెట్ లీ(Brett Lee) నాలుగో స్థానంలో ఉన్నాడు. ద‌క్షిణాఫ్రికా మాజీ పేస‌ర్ అలెన్ డొనాల్డ్(Allan Donald) 170 వికెట్ల‌తో టాప్ -5లో నిలిచాడు.

Only Mitchell Starc has taken more wickets in his first 100 ODIs than Trent Boult ⚡️ pic.twitter.com/hLvs75CZzI

— ESPNcricinfo (@ESPNcricinfo) September 10, 2023

న్యూజిలాండ్ క్రికెట్ ఈరోజు ప్ర‌పంచ క‌ప్ స్వ్వాడ్‌లో బౌల్ట్ చోటు ద‌క్కించుకున్నాడు. కేన్ విలియ‌మ్స‌న్(Kane Williamson) కెప్టెన్‌గా 15మందితో కూడిన బృందం పేర్ల‌ను వెల్ల‌డించింది. సెంట్ర‌ల్ కాంట్రాక్ట్ లేని జిమ్మీ నీష‌మ్(Jimmy Neesham), కూడా ఈ స్క్వాడ్‌లో ఉండ‌డం విశేషం. ఇంగ్లండ్‌తో వ‌న్డే సిరీస్‌కు దూర‌మైన పేస‌ర్లు కైల్ జేమీస‌న్, ఆడం మిల్నేల‌ను వ‌ర‌ల్డ్ క‌ప్ పోటీల‌కు ప‌రిగ‌ణించ‌లేదు. మ‌రోవిష‌యం ఏంటంటే. స్పిన్ ఆల్‌రౌండ‌ర్‌ మైఖేల్ బ్రాస్‌వెల్ కూడా ఈ మెగా టోర్నీకి అందుబాటులో లేడు.

న్యూజిలాండ్ స్క్వాడ్‌ : కేన్ విలియ‌మ్స‌న్(కెప్టెన్), మార్క్ చాప్‌మ‌న్, డెవాన్ కాన్వే, టామ్ లాథ‌మ్(వైస్ కెప్టెన్, వికెట్ కీప‌ర్), డారిల్ మిచెల్, జిమ్మీ నీష‌మ్, గ్లెన్ ఫిలిఫ్స్, ర‌చిన్ ర‌వింద్ర‌, మిచెల్ సాంట్న‌ర్, ఇష్ సోధీ, విల్ యంగ్, ట్రెంట్ బౌల్ట్‌, టిమ్ సౌథీ, ల్యూకీ ఫెర్గూస‌న్, మ్యాట్ హెన్రీ.