ODI World Cup 2023 | న్యూజిలాండ్ వ‌ర‌ల్డ్ క‌ప్ స్క్వాడ్.. కెప్టెన్‌గా విలియ‌మ్స‌న్

ODI World Cup 2023 : న్యూజిలాండ్ క్రికెట్ ఈరోజు ప్ర‌పంచ క‌ప్(ODI World Cup 2023) స్వ్వాడ్‌ను ప్ర‌క‌టించింది. కేన్ విలియ‌మ్స‌న్(Kane Williamson) కెప్టెన్‌గా 15మందితో కూడిన బృందం పేర్ల‌ను వెల్ల‌డించింది. సెంట్ర‌ల్ కాంట్రాక్ట్ లేని జిమ్మీ నీష‌మ్(Jimmy Neesham), ట్రెంట్ బౌల్ట్‌...

ODI World Cup 2023 : న్యూజిలాండ్ క్రికెట్ ఈరోజు ప్ర‌పంచ క‌ప్(ODI World Cup 2023) స్వ్వాడ్‌ను ప్ర‌క‌టించింది. కేన్ విలియ‌మ్స‌న్(Kane Williamson) కెప్టెన్‌గా 15మందితో కూడిన బృందం పేర్ల‌ను వెల్ల‌డించింది. సెంట్ర‌ల్ కాంట్రాక్ట్ లేని జిమ్మీ నీష‌మ్(Jimmy Neesham), ట్రెంట్ బౌల్ట్‌(Trent Boult) ఈ స్క్వాడ్‌లో చోటు ద‌క్కించుకున్నారు. యంగ్ ఓపెన‌ర్‌ ఫిన్ అలెన్‌(Fin Allen)పై న‌మ్మకం ఉంచిన సెలెక్ట‌ర్లు అత‌డిని ఎంపిక చేశారు.

అయితే.. ఇంగ్లండ్‌తో వ‌న్డే సిరీస్‌కు దూర‌మైన పేస‌ర్లు కైల్ జేమీస‌న్, ఆడం మిల్నేల‌ను వ‌ర‌ల్డ్ క‌ప్ పోటీల‌కు ప‌రిగ‌ణించ‌క‌పోవ‌డం విశేషం. మ‌రోవిష‌యం ఏంటంటే. స్పిన్ ఆల్‌రౌండ‌ర్‌ మైఖేల్ బ్రాస్‌వెల్(Michael Bracewell) కూడా ఈ మెగా టోర్నీకి అందుబాటులో లేడు.

Our 15 for the @cricketworldcup in India! More | https://t.co/D2jqxQxWeE #BACKTHEBLACKCAPS pic.twitter.com/wIlzA5N3qU

— BLACKCAPS (@BLACKCAPS) September 10, 2023

కుడి మోకాలి గాయం నుంచి కోలుకుంటున్న విలియ‌మ్స‌న్ మ‌రోసారి జ‌ట్టును న‌డిపించ‌నున్నాడు. అత‌డితో పాటు టిమ్ సౌథీ(Tim Southee)కి ఇది నాలుగో వ‌ర‌ల్డ్ క‌ప్. అయితే.. విలియ‌మ్స‌న్ ఫిట్‌నెస్ ఎప్పుడు సాధిస్తాడు? అనేది తెలియాల్సి ఉంది.

కేన్ విలియ‌మ్స‌న్

న్యూజిలాండ్ స్క్వాడ్‌ : కేన్ విలియ‌మ్స‌న్(కెప్టెన్), మార్క్ చాప్‌మ‌న్, డెవాన్ కాన్వే, టామ్ లాథ‌మ్(వైస్ కెప్టెన్, వికెట్ కీప‌ర్), డారిల్ మిచెల్, జిమ్మీ నీష‌మ్, గ్లెన్ ఫిలిఫ్స్, ర‌చిన్ ర‌వింద్ర‌, మిచెల్ సాంట్న‌ర్, ఇష్ సోధీ, విల్ యంగ్, ట్రెంట్ బౌల్ట్‌, టిమ్ సౌథీ, ల్యూకీ ఫెర్గూస‌న్, మ్యాట్ హెన్రీ.

అక్టోబ‌ర్ 5న భార‌త గ‌డ్డ‌పై వ‌న్డే వ‌ర‌ల్డ్ క‌ప్ షురూ కానంది. 2019లో ఫైన‌ల్ చేరిన‌ న్యూజిలాండ్, ఇంగ్లండ్ జ‌ట్లు ఆరంభ పోరులో త‌ల‌ప‌డ‌నున్నాయి. ఈసారి ఫైన‌ల్ మ్యాచ్‌తో పాటు సెమీఫైన‌ల్స్‌కు కూడా రిజ‌ర్వ్ డేను కేటాయించారు. న‌వంబ‌ర్ 19న చాంపియ‌న్ ఎవ‌రో తేలిపోనుంది.

ఇవి కూడా చ‌ద‌వండి

Sayak Mukhopadhyay: యూఎస్ ఓపెన్ ఫైన‌ల్‌ను 50 నిమిషాల పాటు అడ్డుకున్న భార‌తీయ వ్య‌క్తి .. ఎందుక‌లా చేశాడంటే?

Coco Gauff | బార్బీ లుక్‌లో యూఎస్‌ ఓపెన్‌ విజేత ‘కొకో గాఫ్‌’.. ఫొటోలు వైర‌ల్